ཨོ་སི་ཊོ་ལི་ཡའི་རིག་གཞུང་འདྲ་མིན་གྱི་སོ་སོའི་སྐད་ཡིག་ཤེས་མཁན་སེམས་ཁམས་འཕྲོད་བསྟེན་ཆེད་མཁས་མི་སྣ་རག་གི་ཡོད་པ་རེད།

སྙིང་གཏམ་ཞེས་ HeartChat.com.au ཞེས་པའི་ཚོགས་པ་དེས་ཨོ་སོ་ཊི་ལི་ཡའི་ནང་སེམས་ཁམས་ནད་པ་ཚོར། ཁོང་ཚོའི་རིག་གཞུང་དང་དད་མོས་ཕན་ཚུན་རྒྱུས་ལོན་རོགས་རམ་ཆེད། ཁོང་ཚོ་རང་གི་སྐད་ཡིག་ཤེས་མཁན་སེམས་ཁམས་འཕྲོད་བསྟེན་ཆེད་མཁས་མི་སྣ་འཚོལ་རོགས་བྱེད་ཀྱི་ཡོད་འདུག

Some of the professionals listed on HeartChat.

Some of the professionals listed on HeartChat. Source: HeartChat.com.au

སི་མོན་ཋི་ (Semonti) ལགས་ཆུང་ཆུང་ཡིན་དུས་ཐོག་མར་ཁོ་མོའི་སེམས་ཁམས་འཕྲོད་བསྟེན་ཆེད་སློབ་གྲྭའི་སློབ་སྟོན་པ་ཞིག་ནས་རོགས་རམ་འཚོལ་ཡོད་འདུག

མེལ་བྷོན་གྱི་བུད་མེད་དེ་ད་ཆ་ལོ་ན་ ༢༠ ཡིན་ཞིང་། ཁོ་མོས་ཁོང་གི་སློབ་སྦྱོང་དང་མ་འོངས་པའི་འདུན་ལམ་སྐོར་གནོན་ཤུགས་ལ་གདོང་ལེན་བྱེད་དགོས་བྱུང་སྐོར་བརྗོད་དོན། "ང་རང་གཅིག་པུ་ཡིན་དང་ཨོ་སི་ཊོ་ལ་ཡ་དང་བྷང་ལ་དྷི་ཤི་ཧིན་དྷུའི་རིག་གཞུང་མ་འདྲ་བ་གཉིས་དབར་འཚར་ལོངས་ཁྲོད་དཀའ་ངལ་ཆེན་པོ་མྱངས་ཡོད་སྐོར་" SBS གསར་ཁང་ལ་འགྲེལ་བརྗོད་གནང་ཡོད། 

འོན་ཀྱང་རྗེས་སུ་ཁོ་མོས་སེམས་ཁམས་རིག་པ་བ་ཞིག་མཐོང་ཡོད་ཀྱང་། ཁོང་ནི་ཁོ་མོ་ལས་རིག་གཞུང་གི་རྒྱབ་ལྗོངས་མ་འདྲ་བ་ཡིན་སྟབས། ཁོང་ཚོས་ཁོ་མོ་དང་ཁོ་མོའི་གནས་སྟངས་སྐོར་ཤེས་རྟོགས་ཐུབ་ཀྱི་མེད་པ་ཧ་གོ་ཡོད་པ་རེད། "དེ་ནི་ང་ཚོའི་རིག་གཞུང་གི་འགོག་རྐྱེན་ཞིག་ཡིན་པ་འདྲ་"ཞེས་བརྗོད།

"གལ་སྲིད་དཔེར་ན་ལྷོ་ཤར་ཨེ་ཤེ་ཡའི་མི་ཧིན་དྷུ་ཡིན་མཁན་དེ་འདྲ་ཞིག་ཡོད་ན་ངའི་དཀའ་ངལ་དེ་སེལ་བར་ཕན་ཐོགས་ཡག་བ་ཡོང་ས་རེད་"ཅེས་འགྲེལ་བརྗོད་བྱས་འདུག

ཉེ་ཆར་རེས་གཟའ་སྤེན་པ་ཉིན་དྲ་ཐོག་ནས་རོགས་རམ་གནང་མཁན་གསར་པ་ཞིག་གསར་འཛུགས་བྱས་ཡོད་ཅིང་དེའི་དམིགས་ཡུལ་ནི། སྙིང་གཏམ་ (HeartChat) ཞེས་ཨོ་སི་ཊོ་ལི་ཡའི་ནང་སེམས་ཁམས་འཕྲོད་བསྟེན་དཀའ་ངལ་ཡོད་མཁན་ལ་རོགས་རམ་གནང་མཁན་རིག་གཞུང་དང་སྐད་ཡིག་གཅིག་པའི་རྒྱབ་ལྗོངས་ཅན་གྱི་ཆེད་མཁས་མི་སྣ་ཁོང་ཚོར་བཀོད་སྒྲིག་གནང་གི་ཡོད་འདུག
HeartChat
هارت‌چت حاوی معلوماتی چون زبان و باورهای مذهبی متخصصان نیز می‌باشد. Source: HeartChat.com.au
ལས་འཆར་དེའི་དམིགས་ཡུལ་ནི་དྲ་ཐོག་ནས་སློབ་སྟོན་པ་དང་སེམས་ཁམས་ཆེད་མཁས་མི་སྣ་དེ་འདྲ་དཀའ་ངལ་ཡོད་མཁན་མི་དེའི་སྐད་ཡིག་དང་རིག་གཞུང་། དད་མོས་ལ་ཆ་རྒྱུས་ཡོད་མཁན་གྱིས་སློབ་སྟོན་དང་། ཁོང་ཚོས་དེ་དང་མཉམ་དུ་ཆེད་མཁས་མི་སྣ་གཞན་ལ་དུས་ཆད་བཟོ་རོགས་དང་། དེ་བཞིན་ཁ་པར་ཐོག་ནས་འབྲེལ་བ་གནང་རོགས་བྱེད་ཀྱི་ཡོད་པ་རེད། 

དེ་ནི་ brainchild བྱིས་པའི་སེམས་ཁམས་ཞེས་པའི་སྨན་བསྟེན་ཁང་གི་དབང་རྩའི་ཆེད་མཁས་པ་སྨན་པ་ཇུ་ཌི་ཐང་ཁོང་ནི་ཝི་ཊོ་རི་ཡ་རིག་གཞུང་སྣ་ཚོགས་ལྷན་ཁང་གི་འགན་འཛིན་ཡང་ཡིན་ཞིང་། དེས་ལས་འཆར་འདི་གསར་འཛུགས་བྱས་པ་ཞིག་ཡིན་པ་རེད།
འབྱུང་རྐྱེན་དེ་ཁོ་མོ་ཨེ་ཤེ་ཡའི་རྒྱབ་ལྗོངས་ཅན་གྱི་མི་རིགས་ཀྱི་ཁོར་ཡུག་གཅིག་གི་ནང་ལས་ཀ་བྱེད་བཞིན་པའི་ཉམས་མྱོངས་ལས་བྱུང་བ་ཞིག་ཡིན་འདུག

ཁོ་མོས་"ངའི་རྩར་ཡོང་མཁན་ནད་པ་དེ་འདྲ། ངའི་སྐད་ཡིག་དང་ངའི་རིག་གཞུང་ཤེས་མཁན་དེ་ཚོས་ཁྱེད་རང་ནང་བཞིན་ཞིག་འཚོལ་དགོས་དུས་ཁག་པོ་འདུག དུས་ཆད་འདི་རག་པར་ལོ་འགོར་གྱི་འདུག་ཟེར་གྱི་འདུག་"ཟེར། སྨན་པ་ཐང་ Tang ལགས་ཀྱིས་རྒྱ་སྐད་ཤོད་ཀྱི་ཡོད་པ་རེད།

ཡང་ཁོ་མོས་"ངས་ང་ཚོའི་སྤྱི་ཚོགས་ནང་སེམས་ཁམས་འཕྲོད་བསྟེན་རོགས་རམ་ཐད་ལས་སླ་རུ་གཏང་འདོད་བྱུང་སོང་"ཞེས་འགྲེལ་བརྗོད་གནང་འདུག

རིག་གཞུང་གི་ལམ་ནས་འོས་འཚམ་རོགས་རམ།

མཚམས་རེར་ཁྱེད་རང་གི་སྐད་ཆ་བཤད་ས་དེས་ཁྱེད་ལ་ཆོས་ལུགས་ཀྱི་རྒྱས་བཅད་དང་། རིག་གཞུང་གི་རྣམ་པ། ཡང་ན་ཆབ་སྲིད་དང་འཁྲིག་སྤྱོད་ཀྱི་དགའ་འདེམས་ཀྱི་གལ་གནད་དེས་མི་ཚེའི་འཚོ་བ་དང་བདེ་འཇགས་ལ་ཤུགས་རྐྱེན་ཆེ་བ་ཐེབས་ཀྱི་ཡོད།

སྨན་པ་ཐང་ལགས་ཀྱིས་སེམས་ཁམས་རིག་པ་སྐོར་ལོ་རྒྱུས་ཤིག་འགྲེལ་བརྗོད་གནང་དོན། ཁོ་མོས་ཨེ་ཤེ་ཡའི་མི་རིགས་ཡིན་པའི་སེམས་ཁམས་དཀའ་ངལ་ཅན་ཞིག་ལ་ཁོང་ཚོའི་མི་ཚེ་བཟང་ཕྱོགས་སུ་འགྲོ་བར་སེམས་ཤུགས་སྤར་བ་དེ་"སོ་སོ་སོ་སོས་སྒྲུབ་དགོས་པ་"ལ་གོ་ཡི་ཡོད་སྐོར་འགྲེལ་བརྗོད་གནང་། 

མི་དེས་ཕྱིར་"འགྲིག་གི་རེད། སྤྱི་བཏང་ང་རང་ཨེ་ཤེ་ཡའི་མི་རིགས་ཤིག་ཡིན་དུས། གལ་སྲིད་ཁོང་གིས་ང་ལ་ངའི་ནང་མིའི་ཆེད་དུ་ལས་ཀ་བྱོས་ཟེར་དུས་དེའི་ང་ལ་ཤུགས་རྐྱེན་མང་བ་ཐེབས་ཀྱི་འདུག་"ཅེས་འགྲེལ་བརྗོད་བྱས་ཡོད་འདུག
Some of the professionals listed on HeartChat.
Some of the professionals listed on HeartChat. Source: HeartChat.com.au
ཁོ་མོས་མི་ཤེས་པའི་བསམ་ཚུལ་མང་པོ་བཏོན་པ་དེ་ནི་ཆེད་མཁས་མི་སྣ་ཚོས་རིག་གཞུང་ཐད་གོ་རྟོགས་ཉུང་དྲག་པའི་སྐྱོན་ཆགས་ཀྱི་ཡོད་པ་རེད། 

"དཔེར་ན་གདོད་མའི་མི་རིགས་དབྱིན་དྷེ་ཇོན་སིའི་མི་ཞིག་ལ། ཁྱེད་རང་ཤིང་ནག་གསེབ་ལ་སོང་ནས་ཁྱེད་རང་གི་མི་དེ་ཚོ་དང་མཉམ་དུ་སྡོད་ལབ་ན། དེ་ནི་ཨིན་དྷེ་ཇོན་སི་མི་དེ་ངོ་རྟགས་འཛིན་པའི་དགོས་མཁོ་ཞིག་ཆགས་ཡོད་མ་རེད།"ཅེས་དང་། "སྟབས་མ་ལེགས་པ་ཞིག་ལ་མཚམས་རེར་སེམས་ཁམས་ཆེད་མཁས་མི་སྣ་དེ་ཚོས་ཁོ་རང་གི་རིག་གཞུང་དང་དད་མོས་ལྟར་ཡིན་ཤག་བྱེད་ནས་ནོར་འཁྲུལ་བཟོ་བཞིན་ཡོད་པ་རེད་"ཅེས་འགྲེལ་བརྗོད་གནང་འདུག
སྨན་པ་ཐང་ལགས་ཀྱིས་རྒྱུན་དུ་རིག་གཞུང་དང་སྐད་ཡིག་གི་འགོག་རྐྱེན་དེས་རོགས་རམ་ཇི་བཞིན་རག་ཐུབ་ཀྱི་མེད་སྐོར་འགྲེལ་བརྗོད་གནང་འདུག

"མཚམས་རེ་དེ་འདྲའི་ནོར་འཁྲུལ་ཤོར་དུས་སེམས་ཁམས་འཕྲོད་བསྟེན་ཞབས་ཞུ་ལ་མི་དེའི་ཀུན་སློང་དང་འདོད་མོས་བརླགས་འགྲོ་ཡི་ཡོད་པ་རེད། དེར་བརྟེན་ང་ཚོའི་རིག་གཞུང་སྣ་ཚོགས་ལྷན་ཁང་ལ་ལྡོག་ཕྱོགས་ནས་མྱོངས་ཚོར་དང་། ནོར་འཁྲུལ་དེ་འདྲ་ཞིག་མི་འབྱུང་ཆེད་དུ་ཡིན་སྐོར་འགྲེལ་བརྗོད་གནང་འདུག

ཁོང་ཚོ་གང་ནས་ཡོང་གི་ཡོད་མེད་ངས་ཤེས་ཀྱི་ཡོད།

 སྐད་ཡིག་དང་རིག་གཞུང་གི་འགོག་རྐྱེན་ནམ་གང་ལྟར་རིག་གཞུང་སྣ་ཚོགས་ཡིན་པའི་ཨོ་སི་ཊོ་ལི་ཡའི་མི་རྣས་ལ་དུས་ཡུན་རིང་པོ་ནས་རོགས་རམ་ཞབས་ཞུ་ལ་དཀའ་ངལ་འཕྲད་ཀྱི་ཡོད། སྤྱི་ཚོགས་ནང་སེམས་ཁམས་དཀའ་ངལ་ཡོད་མཁན་རྣམས་ལྟ་སྐྱོང་རོགས་གང་ནས་འགོ་བཙུགས་ཏེ་རག་གི་ཡོད་མེད་ཤེས་ཀྱི་མེད་པ་རེད། 

ཏོག་དབྱིབས་ནད་ཡམས་ཁྱབ་བརྡལ་སྐབས་སུ། སེམས་ཁམས་འཕྲོད་བསྟེན་ཞབས་ཞུ་ལ་ཁ་པར་གཏོང་ནས་སེམས་ཁམས་ཆེད་མཁས་མི་སྣར་བསྟེན་ཆེད་སྒུག་མཁན་ཇེ་མང་དུ་ཕྱིན་ཡོད། མི་རྣམས་ལ་དེའི་རོགས་རམ་ཐོབ་རྒྱུ་དེ་ནས་གང་ལས་ཀྱང་གལ་ཆེ་བ་ཆགས་ཡོད།

སྨན་པ་ཐང་ལགས་ཀྱིས་"མི་ཚང་མ་ལ་ཤུགས་རྐྱེན་ཐེབས་ཡོད་པ་དང་། དམིགས་བསལ་ང་ཚོ་རིག་གཞུང་སྣ་མང་གི་སྤྱི་ཚོགས་ཀྱི་མི་རྣམས་ནང་མིར་བསྐོར་བསྐྱོད་ཀྱི་ཚད་བཀག་ཡོད་པ་དང་། རིག་གཞུང་མང་པོ་ཞིག་ལ་ཁོང་ཚོའི་འཚོ་བ་ནང་རེ་འདུན་ཆེ་ཤོས་དེ་ཆགས་ཡོད་སྐོར་"'འགྲེལ་བརྗོད་གནང་འདུག

སིཌ་ནེར་བརྟེན་གཞི་བྱས་ཡོད་པའི་སེམས་ཁམས་ཆེད་མཁས་རིག་པ་བ་ཞིག་གིས་སྙིང་གཏམ་ (HearChat) ཚོགས་པ་ལ་དེབ་སྐྱེལ་བྱས་ཡོད་པ་དང་། དེབ་སྐྱེལ་བྱེད་མཁན་ Jelena Zeleskov Doric ཁོ་མོ་ནི་སར་བྷན་ (Serbian) གྱི་མི་རིགས་ཡིན་པ་རེད།
Dr Jelena Doric
یکی از روان‌شناسانی که نامش را درج هارت‌چت کرده، جِلِنا زلسکوف دوریک است. Source: Supplied
སྨན་པ་ཌོ་རེ་ཁེ་ Doric ལགས་ཀྱིས་ཡོ་རོབ་བྷལ་ཁེན་ ( Balkan) གྱི་སྐད་རིགས་ལྔ་ཤོད་ཤེས་ཀྱི་ཡོད་པས་མ་ཚད་བྷལ་གྷ་རན་(Bulgarian) གྱི་སྐད་ཡང་ཤེས་ཀྱི་ཡོད། རྒྱུན་དུ་ཁོ་མོ་ལ་སེམས་ཁམས་དཀའ་ངལ་ཡོད་མཁན་ཁོང་ཚོ་རང་གི་སྐད་ཤེས་མཁན་གྱི་སེམས་ཁམས་ཆེད་མཁས་མི་སྣ་དགོས་ཀྱི་ཡོད་སྐོར་ཁ་པར་འབྱོར་གྱི་ཡོད་འདུག

"ཁོང་ཚོ་ཁ་ཤས་ཀྱིས་དབྱིན་ཇི་ཤེས་ཀྱི་མི་འདུག དེར་བརྟེན་ཁྱེད་རང་གི་ཧ་གོ་གི་རེད། ཁོང་ཚོས་ཁོང་ཚོ་རང་ཉིད་ཀྱི་དཀའ་ངལ་དང་གནས་སྟངས་འགྲེལ་བརྗོད་ཡག་པོ་བྱེད་ཐུབ་ཀྱི་མི་

དུག"ཅེས་དང་"ལྷག་པར་དུ་སེམས་ཁམས་སྐོར་དཔེར་ན་ཁྱེད་རང་གིས་ཁྱེད་ཀྱི་ཚོར་སྣང་དང་། འབྲེལ་བ། སེམས་ཚོར་བཅས་ཀྱི་སྐོར་འགྲེལ་བརྗོད་བྱ་རྒྱུ་མཚམས་རེ་དངོས་གནས་དཀའ་ལས་ཁག་པོ་འདུག"ཅེས་འགྲེལ་བརྗོད་གནང་འདུག

སྨན་པ་ཌོ་རེ་ཁེ་ལགས་ཀྱིས་ཁོ་མོས་ཁོང་གི་ནད་པ་དེ་ཚོས་རིག་གཞུང་ལག་ལེན་དང་། ཡུལ་སྲོལ་གོམས་གཤིས། ཚོར་སྣང་ཚོད་དཔག་བཅས་འགྲེལ་བཤད་མ་བརྒྱབ་རུང་རྒྱུས་ལོན་བྱེད་ཐུབ་ཀྱི་འདུག ངས་ལས་སླ་མོས་རྟོགས་ཐུབ་ཀྱི་འདུག གང་ཡིན་ཟེར་ན་ཁོང་ཚོ་གང་ནས་ཡོང་བ་ཡིན་མིན་ངས་ཤེས་ཀྱི་ཡོད་ཟེར།
ཁོ་མོས་ཁྱེད་རང་གི་རིག་གཞུང་མ་འདྲ་བ་སྐོར་བཀླགས་ཡོད་ཀྱང་། གལ་སྲིད་ཁྱེད་རང་རིག་གཞུང་བྱེ་བྲག་པ་དེ་ནས་ཡོང་བ་ཞིག་མིན་ན། མི་དེའི་ཚོར་བ་ཡང་ཡང་རྟོགས་ཐུབ་ཀྱི་མ་རེད་ཟེར། 

སྨན་པ་ཌོ་རེ་ཁེ་ལགས་ཀྱིས་ཨེ་ཤེ་ཡ་ནས་ཡིན་པའི་སེམས་ཁམས་ནད་པ་དེ་འདྲ་ལའང་རོགས་རམ་གནང་གི་ཡོད་འདུག ཁོང་ཚོ་ནི་གཞིས་སྨོའི་རོགས་མར་ལམ་ནས་སླེབས་པ་དེ་འདྲ་ཡིན་འདུག

ཁོང་ཚོ་ང་དང་མཉམ་དུ་རིག་གཞུང་མ་འདྲ་བའི་སྐོར་ལ་སྐད་ཆ་ཤོད་འདོད་ཡོད་པ་རེད། གང་ཡན་ཟེར་ན། ང་ནི་རིག་གཞུང་མ་འདྲ་བ་ཞིག་ནས་སླེབས་པ་རེད། ང་འདིར་བསྡད་ནས་ཕ་གིར་ནས་འཚར་འོངས་བྱུང་བ་རེད། དེར་བརྟེན། ཁྱེད་རང་གི་ཤེས་ཀྱི་རེད། དེ་འདྲ་སྣ་ཚོགས་ཡོད་པ་རེད་ཅེས་ཁོ་མོས་འགྲེལ་བརྗོད་གནང་།

ཁྱེད་རང་གི་སྐད་ཡིག་ནང་སེམས་ཁམས་འཕྲོད་བསྟེན་ཞབས་ཞུ་སྐོར་ཞིབ་ཕྲ་གནས་ཚུལ་དྲ་ཚིགས་འདི་ནས་གཟིགས། 

དྲ་ཚིགས་འདིར་བསྐྱོད་ནས་ HeartChat.com.au  སེམས་ཁམས་འཕྲོད་བསྟེན་སྐོར་ལམ་སྟོན་ཆ་ཚང་ལ་བལྟ་བའམ། ཐོ་འགོད་བྱེད་ཆོག

འདི་ནི་ SBS རླུང་འཕྲིན་གྱི་གནས་ཚུལ་ཀག་ཡིན།  ད་དུང་སྐད་ཡིག་འདྲ་མིན་ནང་ཨོ་སི་ཊོ་ལི་ཡའི་སེམས་ཁམས་འཕྲོད་བསྟེན་རོགས་རམ་ཞབས་ཞུ་སྐོར་རག་གི་ཡོད།

ཀློག་པ་པོ་ཚོར་རོགས་རམ་དགོས་ཚེ་འབྲེལ་གཏུགས་ཁ་པར་ཨང་གྲངས་ 13 11 14, རང་ཤི་དོན་རྐྱེན་འབྲེལ་གཏུགས་ཁ་པར་ 1300 659 467 དང་བྱིས་པར་རོགས་རམ་འབྲེལ་གཏུགས་ཁ་པར་ 1800 55 1800 (གཞོན་ནུ་ལོ་ན་ ༥ ནས་ ༢༥ བར་). ཞིབ་ཕྲ་གནས་ཚུལ་དྲ་ཚིགས་ BeyondBlue.org.au དང་ lifeline.org.au. ལ་གཟིགས།

Embrace Multicultural Mental Health  འདིས་ཀྱང་རིག་གཞུང་དང་སྐད་རིགས་སྣ་ཚོགས་ཅན་གྱི་མི་རྣམས་ལ་རོགས་རམ་གནང་གི་ཡོད།



Share

Published

Updated

By Rashida Yosufzai
Presented by Sangyal Dorjee

Share this with family and friends


Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Tibetan-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service