ኣብ ዶብ ኤርትራን ኢትዮጵያን ዝርከብ ድንድል ኦምሓጀር-ሑመራ ተዓጽዩ።

ካብ ኦምሓጀር ንሑመራ ዘሰጋግር ሩባ ሰቲት ናይ ተፈጥሮ ሕንጻጽ ዶብ ኮይኑ ናብ ክልቲኡ ሃገራት ዘሰጋግር ድንድል ዝተሃንጸሉ እዩ። ድሕሪቲ ናይ 1998-2000 ኲናት ኢትዮ-ኤርትራ፡ ብምሉኡ ዶባት ክልቲኤን ሃገራት ተዓጽዩ ምጽንሑ ዝዝከር እዩ። ኣብዚ ቅሩብ እዋን ኣብ መንጎ ክልቲኡ መንግስታት ብዝተበጽሕ ስምምዕ እቲ ናይ ዶብ ኦምሓጀር ሑመራ ንትሕቲ ሓደ ሰሙን ተኸፊቱ ድሕሪ ምጽናሕ ከምተዓጽወ ገዳብ ኒውስ ካብቲ ከባቢ ብዝረኸቦ ሓበሬታ ጸብጺቡ ኣሎ።

ኣብዚ እዋን እቲ ናብ ክልቲኡ ሸንኽ ዘሰጋግር መገዲ ብኣእማንን ኣእሻዂ ዘለዉ ጨንፈራትን ዳግማይ ከምተዓጽወ እቲ ዜና ወሲኹ ገሊጹ ኣሎ። እቲ ዶብ ብወግዒ ከምተኸፍተ ዝተዋህበ ሓበሬታ ከምዘይነበረን፡ ዳግማይ ንኽዕጾ ዝገበረ ምኽንያት’ውን ዛጊት  ከምዘይተገልጸ እቲ ዜና ገሊጹ ኣሎ።