ኣብ ገማግም ባሕሪ ሊብያ ዝግበር ናይ ኣድሕን ስርሒትን ዝዋስኣ መራኽብ ከምዘይህልዋ ተፈሊጡ።

ኣብ ባሕሪ ከይደን ዝዋፈራ መራኽብ ሓዲሽ ፍቓድ እንተዘይረኺበን ፡ ኣብ ገማግም ባሕሪ ሊብያ ዝግበር ናይ ኣድሕን ስርሒት ዝዋስኣ መራኽብ ድሕርሕጂ ከምዘይህልዋ ተፈሊጡ። እዚ ዝመጽእ ዘሎ ሰብ መዚ ማሪታይም ፓናማ፣ ናይ ድልያን ኣድሕንን መርከብ  Aquarius 2 ምዝገባ ከምዝስረዝ ምስገበሩ እዩ።

 Aquarius 2, እታ እንኮ መርከብ ኣብ ማእከላይ መዲተራኒያ ባሕሪ ኣብ ድልያን ኣድሕንን ስደተኛታት ተዋፊራ ዘላ መርከብ እያ። ኣብዚ እዋን 58 ዝደሓኑ ሰባት ሒዛ ኣብ ባሕሪ እያ ተንሳፍፍ ዘላ።

 ትርጉም ናይ እቲ ብሰብ መዚ ፓናማ ዝተወሰነ ዉሳነ እታ መርከብ ናብ ወደብ ምስተመልሰት ሓዲሽ ፍቓድ እንተዘይረኺባ ዳግም ናብ ድልያን ኣድሕንን ስደተኛታት ኣብ ባሕሪ ሊብያ ኣይክትዋፈርን እያ።

 SOS Mediterranee, ሓደ ካብ ናይ ረዲኤት ትካላት ኮይኑ ን Aquarius ዘመሓድር እዩ። እቲ ትካል ኣብ ዘውጽኦ መግለጺ እቲ ምስራዝ ፍቓድ ዝተወሰነ ብመንግስቲ ጥሊያን ጸቕጢ ምስበዝሐ እዩ።

 መንግስቲ ጥሊያን ኣብ ልዕሊ ፓናማ ዝኾነ ይኹን ጸቕጢ ኣይፈጠረን ክብል ናይ ጥልያን ናይ ዉሽጢ ሃገር  ሚኒስተር ማቴው ሳልቪኒ ገሊጹ ኣሎ።