ብሓድሽ ስምምዕ ምስ ናሳ (NASA ) ኣውስትራሊያ ዝሰርሓታ ሮቨር ናብ ወርሒ ሰዲዳ።

ናይ ኣውስትራልያ ሉናር ሮቨር፡ ኣብ ዉሽጢ ሓሙሽተ ዓመት ኣብ ወርሒ ክትዓልብ ተስፋ ይግበረላ። እዚ ድማ ኣብታ ብተፈጥሮኣዊ ሳተላይት ኣብ ምድሪ ህላወ ደቂ ሰብ ንምርግጋጽ ዘኽእል እዩ።

Looking for life on Mars

The Perseverance rover on the assembly line at the Jet Propulsion Laboratory; ‘Looking for Life on Mars’ Source: NASA

ኣውስትራሊያ ናይ መጀመርታ ወርሒ ተልእኾኣ ምስ ናሳ ብምርድዳእ ኣብ ውሽጢ ሓሙሽተ ዓመታት ናይ ሉናር ሮቨር ትሰርሕ ኣላ ።

ዓበይቲ ናይ ኣውስትራሊያ ሰብ ሃብቲን ተመራመርቲን እታ መንኮርኮር ኣብ መጻኢ ናብ ወርሒ ዝግበር ተልእኾ ኣብ ስራሕ ንምውዓል ክሕግዙ እዮም።

እቲ ከፊላዊ ርእሰ-ምምሕዳራዊ ሮቨር ፡ ካብ ወርሒ ኦክስጅን ዘለዎ መሬት ክእክብ'ዩ ፣ ናሳ ድማ ካብዚ ክጥቀም ዕላማ ኣለዎ ።

ኣብ ወርሒ ምንጪ ኦክስጅን ምርካብ: ነባሪ ሰብኣዊ ህላወ ንምቛምን ኣብ መጻኢ ንዚግበር ናይ ማርስ ተልእኾታት ንምድጋፍን ወሳኒ እዩ።

ናይ ኣውስትራሊያ ናይ ጠፈር ሓላፊ ኤንሪኮ ፓሌርሞ እቲ ተልእኾ ናይታ ሃገር ክእለት ኣብ ናይ ዕደና ዓውዲ ክኢላታት ንምስኣል ኣብ ናይ ርሑቕ ስራሓት ዘርኢ እዩ ኢሉ።

"ኣውስትራሊያ ንናይ ሮቦት ቴክኖሎጂን ናይ ርሑቕ ስርሓትን ኣብ ጫፍ እያ ትርከብ ፡ እዚ ድማ ኣብ ወርሒ ቀጻልነት ዘለዎ ህላወ ንምምስራትን ኣብ መወዳእታ ድማ ንሰብኣዊ ዳህሳስ ማርስ ንምድጋፍን እዩ ዝኸውን" ኢሉ ።

ሚስተር ፓሌርሞ ከምዝብሎ ናይ ኣውስትራሊያ ናይ ጠፈር ጽላት ክዓቢን ንናይ ልምዓት ኢንዱስትሪ ክሕግዝን እዩ ።
ኣብ ትሕቲ እቲ ስምምዕ ፡ ናሳ ነታ ሮቨር ዘድሊ ቅድመ ኵነታት እንተተማሊኡ ፡ ካብ 2026 ኣትሒዙ ናብ ወርሒ ምጒዓዝ ክጅመር ይኽእል እዩ ።

ኣማሓዳሪ ናሳ ቢል ኔልሰን ፡ እቲ ርክብ ኣብቲ ንልዕሊ ፍርቂ ዘመን ኣብ ምርምር ጠፈር እተሃንጸ ኣውስትራልያዊ-ኣመሪካዊ ትካል ከም እተሃንጸ ገሊጹ ።

"ናሳ ምስ ትካል ጠፈር ኣውስትራልያን ኣብ መላእ ዓለም ምስ ዘለዉ መሻርኽትናን ብሓባር ብምዕያይ ፡ ኣብ ፕሮግራም ኣርጤምስ ተወሳኺ ርኽበታት ክቐልዕን ዝያዳ ምርምር ክገብርን እዩ" ድማ በለ።

አርጤሚስ ናይ ናሳ ሰባት ናብ ወርሒ ንምምላስ ከምኡ "ውን ኣብ ገጻ ሓድሽ ናይ ጠፈር ምርምር ንምክያድ መሰረት ከንጽፍ ድፍኢት ዝገብር እዩ።

መንግስቲ ሞሪሰን ፡ ካብ ወርሒ ናብ ማርስ ዝግበር ተበግሶ ፡ ነታ ተጐታቲት ማኪና ካብ መሬት ንምውራድ ፡ 50 ሚልዮን ዶላር ወጻኢታት ክገብር እዩ ።
The moon seen from Panama City in October 2020.
The moon seen from Panama City in October 2020. Source: Photo by Luis Acosta/AFP/Getty Images 27 October 2020.
ቀዳማይ ሚኒስተር ስኮት ሞሪሰን ፡ ኣውስትራልያ ኣብ ዓውዲ ህዋ ዓለም ዕዉትቲ ክትከውን ምኽኣላ ፡ ዘደንቕ ኣጋጣሚ ምዃኑ ገሊጹ እዩ።

"እዚ ንወርሒ ዝምልከት ተልእኾ ፡ ሓደ ካብቲ ንመጻኢ ዕድልን ስራሕን ክንፈጥረሉ እንኽእል መሳጢ መገዲ እዩ ፡ መንግስትና ድማ ኣውስትራሊያዊያን ነቲ ጥቕምታት ከምዝዓጽድዎ ክገብር እዩ" ኢሉ።

እቲ መንግስቲ ኣብ 2030 ክንዲ ስፍሓት ናይ ጠፈር ጽላት ብሰለስተ ዕጽፊ ክብ ንምባል ዝዓለመ ኮይኑ ፡ ኣብ ቁጠባ 12 ቢልዮን ዶላር ክውስኽን ክሳብ 20,000 ዝበጽሑ ክኢላታት ዕድል ስራሕ ክፈጥርን እዩ ።

ሚኒስተር ስነ-ፍልጠት መሊሳ ፕራይስ እቲ ኣገዳሲ ስምምዕ ንናይ ጠፈር ዓውዲ ሓድሽ መዋእል ከምጽእ እዩ ኢላ ።


Share

Published

Source: AAP

Share this with family and friends


Follow SBS Tigrinya

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Tigrinya-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service