እስራኤል ኣብ ልዕሊ ብኣማእታት ዝቝጸሩ ዒላማታት ሕዝቦላህ ደብዳብ ከም ዝጀመረት ብምግላጽ፡ በቲ መጥቃዕቲ ኣብ ውሽጢ ዓሰርተታት ዓመታት ዘይተራእየ ብውሕዱ 492 ሰባት ከም ተቐትሉን ፡ ብኣሽሓት ዝቑጸሩ ህዝቢ ካብቲ መጥቃዕቲ ከም ዝሃደሙን ሰበ-ስልጣን እታ ሃገር ሓቢሮም ።
ኣብ ዝሓለፈ ጥቅምቲ እቲ ውግእ ካብ ዝውላዕ ኣትሒዙ ፡ ካብቲ ዝኸበደ ዶባዊ ምልውዋጥ ግጭት ምስ ኣጋጠመ ፡ እስራኤል ኣብ ሊባኖስ ንዝነብሩ ሰባት ካብቲ ኣጽዋር የዕጥቕ ከም ዘሎ ካብ እትገልጾም ቦታታት ክወጹ ኣጠንቂቓ ነይራ ።
ናስር ያሲን ዝበሃል ናይ ሊባኖስ ሚኒስተር ነቲ ናይ ቅልውላው ግብረ-መልሲ ኣብ ግብሪ ብምውዓል ንሮይተርስ 89 ኣብ ኣብያተ-ትምህርትን ካልእ መሳለጥያታትን ግዝያዊ መዕቈቢ ከም እተበገሰ ሓበረ: በዚ ድማ ልዕሊ 26,000 ዝዀኑ ሰባት ካብቲ "መጥቃዕቲ እስራኤል" ከም ዝሃደሙ ሓበረ ።
ቀዳማይ ሚኒስተር እስራኤል በንያሚን ናታንያሁ ፡ ንሕዝቢ ሊባኖስ ሓጺር ናይ ቪድዮ መግለጺ ሰዲዱ ኣሎ ።
"ውግእ እስራኤል ምሳኹም ኣይኰነን ፡ ምስ ሕዝቦላህ እዩ ። ሕዝቦላህ ንነዊኅ እዋን ከም ዋልታ ሰብ ገይሩ ይጥቀመልኩም ነይሩ እዩ " ድማ በለ ።
ኣውስትራሊያዊያን ካብ ሊባኖስ ብህጹጽ ክወጹ ተሓቲቶም
ሚኒስተር ወጻኢ ጉዳያት ፔኒ ዎንግ ፡ ግትኣትን ነቲ ኩነታት ክዝሕልን ጸዊዓ ኣላ ።
"እቲ ኣብ ሊባኖስ ዘሎ ምጥፋእ ሲቪላዊ ህይወትን ከምኡውን ናብ እስራኤል ዝመጽእ መጥቃዕትታትን ኣዝዩ የተሓሳስበና እዩ" በለት ።
"ብቐጻሊ እንብሎ ነገር ኣሎ ። ኣብዚ ዞባ እዚ ንዝህሉ ሰፊሕ ዞባዊ ግጭት ንዋላ ሓደ ዘርብሕ ኣይኮነን። "በለት ።
ኣብ ሊባኖስ ናይ ንግዲ በረራታት ደው ከይበለከሎ ኣውስትራሊያዊ ብቕልጡፍ ክወጽእ ኣለዎም ብምባል ሚንስተር ዎንግ ጸዊዓ።
ኣብ ሊባኖስ ዝርከቡ ኣውስትራሊያዊያን ኣብ ክፍሊ ጉዳያት ወጻኢን ናይ ንግዲ ቅልውላዋትን ክምዝገቡ ይኽእሉ ።
እስራኤል ኣብቲ ደቡባዊ ዶባ ዝርከብ ኣብ ቓዛ ምስ ሓማስ ንኣስታት ሓደ ዓመት ውግእ ድሕሪ ምክያዳ ፡ ናብ ሰሜናዊ ግምባር ብምጥዋይ ናብቲ ንሓማስ ንምድጋፍ ሮኬታት ዝትኩሰላ ሕዝቦላህ ነቲ ኲናት ኣቕኒዓቶ ትርከብ ።
ሰራዊት እስራኤል ኣብ ደቡብ ምብራቕን ሰሜንን ሊባኖስ ፡ ንህዝቦላህ ከም ዝወቕዖ ገሊጹ ኣሎ ።
ሚኒስትሪ ጥዕና ሊባኖስ ፡ 35 ቘልዑ ዝርከብዎም 492 ሰባት ከም እተቐትሉን እንተ ወሓደ 1,200 ከም ዝቘሰሉን ገሊጹ ኣሎ ።
ሓደ ሊባኖስዊ ብዓል ስልጣን ፡ ካብ 1975-1990 ውግእ ሓድሕድ ጀሚሩ ብኸምዚ መጥቃዕቲ ካብ ዝሞቱ ሰባት እቲ ዝለዓለ መዓልታዊ ሞት ሊባኖስ ምዃኑ ገለጸ ።
እስራኤል ኣብቲ ደቡባዊ ዶባ ዝርከብ ኣብ ቓዛ ምስ ሓማስ ንኣስታት ሓደ ዓመት ውግእ ድሕሪ ምክያዳ ፡ ናብ ሰሜናዊ ግምባር ብምጥዋይ ናብቲ ንሓማስ ንምድጋፍ ሮኬታት ዝትኩሰላ ሕዝቦላህ ነቲ ኲናት ኣቕኒዓቶ ትርከብ ።
ሰራዊት እስራኤል ኣብ ደቡብ ምብራቕን ሰሜንን ሊባኖስ ፡ ንህዝቦላህ ከም ዝወቕዖ ገሊጹ ኣሎ ።
ሚኒስትሪ ጥዕና ሊባኖስ ፡ 35 ቘልዑ ዝርከብዎም 492 ሰባት ከም እተቐትሉን እንተ ወሓደ 1,200 ከም ዝቘሰሉን ገሊጹ ኣሎ ።
ሓደ ሊባኖስዊ ብዓል ስልጣን ፡ ካብ 1975-1990 ውግእ ሓድሕድ ጀሚሩ ብኸምዚ መጥቃዕቲ ካብ ዝሞቱ ሰባት እቲ ዝለዓለ መዓልታዊ ሞት ሊባኖስ ምዃኑ ገለጸ ።
