ኤድ ሁሲክን ኣን አሊን - ኣብ ኣውስትራልያ ናይ መጀመርያ ሞስሊም ናይ መንግስቲ ሚንስትራት ንኣገዳስነት ሽመቶም ኣፍልጦ ሂቦምሉ ግን ኣብ ሂወት ኣውስትራሊያዊያን ለውጢ ንምምጻእ ነዚ ዕድል ብምጥቃም ኣተኲሮም ክሰርሑ ምዃኖም ኣፍሊጦም ።
እቶም ክልተ ሚኒስተራት ፈደራል መንግስቲ ኮይኖም ተሸይሞም ቃል ማሕላ ፈጺሞም ዘለዉ ኣብ ኣውስትራልያ ሚስተር ሑሲክን ሚስ ኣሊን ናብ ፌደራላዊ ሚኒስትርነት ዝኣተዉ ናይ መጀመርታ ኣባላት ኣመንቲ ምስልምና ኰይኖም ኣብ ታሪኽ ተመዝጊቦም ኣለዉ ።
ሚስተር ሑሲክ ናይ መጀመርታ ኣስላማይ ኣብ ካቢነ ሚኒስተራት ከም ናይ ኢንዱስትሪን ስነ ፍልጠትን ሚኒስተር ኰይኑ ከገልግል እዩ
ሚስ ኣሊ - ናይ መጀመርታ ሰበይቲ ኣማኒት ምስልምና ፡ ሚኒስተር መባእታ ትምህርቲ ቆልዑን መንእሰያትን ኮይና ኣላ።
ሚስተር ሁሲክ ምስ ኤስቢኤስ ኒውስ ኣብ ዝገበሮ ዝርርብ: ናብቲ ካቢነ ምእታው ኣወንታዊ ኣበርክቶ ብምግባር ምስቲ ኽምዝገብ ዝደልዮ "ከቢድ ሓላፍነት" ከም ዝኾነ ገሊጹ ።
"ዝዀነ ይኹን ብዛዕባ ምልክት ዝምልከት ዘረባ ፡ ብዛዕባ እንታይ ይዛረቡ ከም ዘለዉ ኣይፈልጥን እየ" በለ ።
"እዛ ህሞት እዚኣ ፡ ነታ ሃገር ናብ ሓደ ንምምጻእ እተገልግል ኣዝያ ኣገዳሲት ምሳልያዊት ህሞት እያ ።
"ዓቢ ስራሕ ንሰርሖ ኣሎ፡ ከምኡ" ውን ኩሎም ኣውስትራሊያዊያን ናብራኦም ንምምሕያሽ ብሓባር ዝሰርሑ ብዙሓት ሰባት የድልዩና እዮም ። "
ሚስተር ሁሲክ ወሲኹ እቶም ጽምዲ ብዛዕባኦም ጥራይ ዘይኮነስ "ሙስሊም ኣውስትራሊያዊያን ዓቢ ነገር ክንገብር ከም እንኽእል ዘፍልጥ እዮ።"
" መንእሰያት ሙስሊም ኣውስትራሊያውያን ብዛዕባ ኣብ ፖለቲካዊ ህይወት ኣውስትራሊያ ምስታፍ እቲ ማዕጾ ኽፉት ምዃኑ ን ብሓቂ ሓያል መልእኽቲ ዝሰደደ እዩ ።"
"መንእሰያት ፡ ብፍላይ ከኣ ስደተኛታት ቆልዑ ፡ ከም ሓደ ካልእ ኣካል ኰይኖም ብዙሕ ሳዕ ኽስምዖም ይኽእል እዩ ፣ ሎሚ ግና ክፋል ናይቲ ኩሉ ኰይኖም ኣለዉ ።"
ክልቲኦም ብረቡዕ ኣብ ቤት መንግስቲ ኣብ እተገብረ ጽምብል ፡ ብቁርኣን ሚሒሎም ፣ ኣብቲ ሓድሽ ቦታኦም ድማ ብሓላፍነት ክሰርሑ ምዃኖም ቃል ብምእታዎም ኣረጋገጹ ።
ሚስተር ሁሲክ ነቲ ኣብ ምዕራባዊ ሲድኒ ናይ ቺፍሊ መንበር ፓርላማ ብ2010 ኣብ ባይቶ እተመርጸ ናይ መጀመርታ ሙስሊም ኰነ ።
ndustry and Science Minister Ed Husic shakes hands with Governor-General David Hurley after being sworn in as the first person to enter the cabinet of the Musli Source: AAP / LUKAS COCH/AAPIMAGE
ንሱ ወዲ መበቆሎም ቦዝንያዊያን እስላማውያን ስደተኛታት ኰይኑ ፡ ኣብ እተፈላለየ ውልቃውን ህዝባውን ጽላታትኢንዳስትሪ ክሰርሕ ድሕሪ ምጽናሕዩ፡ ኣብ ፖለቲካ ዝኣተወ ።
ብእምነቱ እኳ እንተተሓበነ ፡ ከም ፖለቲከኛ ካብ ሰዓብቲ እምነት ምስልምና ኰይኑ ብሓንቲ ለንስ ጥራይ ክርአ ኣይደለየን ።
ሚስ ኣሊ - ኣባል ኣብ ምዕራብ ኣውስትራልያ ናይ ካዋን መንበር ኮይና - ኣብ እስክንድርያ ፡ ግብጺ ተወልደት ፣ ጓል ክልተ ዓመት ከላ ድማ ምስ ስድራ ቤታ ናብ ኣውስትራልያ ገዓዘት ።
ንሳ ከምዝበለቶ ፡እቲ ናይ ገዛእ ርእሳ ዛንታ ከም ጓል ናይ ኣቦኦም መራሒ ኣውቶቡስ፡ ዝኾነ ሰብ ድማ ዝደልዮ ነገር ክገብር ዝኽእል ከምዝኾነ ን ስደተኛታት መልእኽቲ ክህብ ተስፋ ገይራ ።
ንሳ ን SBS ኒውስ ፡ "ኣነ ናይ መጀመርታ ክኸውን እኽእል እየ ፡ ዳሕራይ ግን ኣይኰንኩን ፡ ነቲ ማዕጾ ድሕረይ ንኸይዓጽዎ ድማ ምርግጋጽ ዓብዪ ሓላፍነት እዩ" በለት ።
"ኣብ ፖለቲካ ስራሕ ክሳተፋ ዝደልያ ብዙሓት መንእሰያት ኣንስቲ ዕድል ምእንቲ ክረኽባ ግና ፡ ነቲ መሳዅቲ እኸፍት ኣለኹ "በለት ።
Anne Aly becomes the first female of the Muslim faith to be sworn in as a federal minister. Source: Source: AAP / LUKAS COCH/AAPIMAGE
ሚስ ኣሊ ካብ ዩኒቨርሲቲ ኢዲት ካዋን ናይ ማስተርስ ዲግሪ ከምኡውን ናይ ፒኤችዲ ዲግሪ ኣለዋ ፡ ናብ ፖለቲካ ቅድሚ ምእታዉ ድማ ኣብ ምዕራባዊ ኣውስትራልያ ህዝባዊ ኣገልግሎት ኣብ ምሃብ ብዙሕ ሓላፍነታት ነይርዋ እዩ ።
