''ዘሕዝን ጥፍኣት ': - ኵሎም እቶም ኣብታ ናብ ታይታኒክ ንምኻድ ጠፊኣ ዝቐነየት ሳብማሪን ዝነበሩ ሓሙሽተ ሰባት ምማቶም ተረጋጊጹ።

ኣብ ኦሽንገይት አጽፐዲሽን ታይታን ንምርካብ እተገብረ ጻዕሪ ፡ ኣብታ ትሕተ ማይ ትጓዓዝ ንዝነበሩ ኵሎም ሰባት ከምዝሞቱ ተረጋጊጹ ኣሎ ።

Titanic tourist vessel missing

The submersible went missing while looking for the Titanic wreck. Source: Press Association / OceanGate Expeditions/Alamy

እቶም ኣብታ ዝጠፍአት ንእሽቶ ጃልባ ዝነበሩ ሓሙሽተ ሰባት ፡ ኣብቲ "ንውሽጢ ዝወሓጠ ጥፍኣት" ከምዝሃለቑ ፣ ሓደ ናይ ሓለዋ ገማግም ባሕሪ ኣመሪካ በዓል ስልጣን ብምርግጋጽ ፡ ነቲ ጉጅለ ናብ ታይታኒክ ኣብ ዝገበሮ ጕዕዞ ብምስዋሩ ክግበር ዝጸንሐ ዓብዪ ኣህጉራዊ ምድላይ ኣብ ናይ መወዳእታ ምዕራፉ ከም ዝበጽሐ ገለጸ ።

"እዞም ሰባት እዚኣቶም ፍሉያት ናይ ተመኵሮ መንፈስ ዝነበሮም ዳህሰስቲ እዮም ነይሮም ፣ ውቅያኖሳት ዓለም ንምድህሳስን ንምዕቋብን ከኣ ሓያል ባህጊ ነበሮም" ኣብ ኣመሪካ ዝመደበራ ንታይታን ተነቖትቲ ባሕሪ ዘካይድ ኩባንያ OceanGate Expeditions, ሽታን እትቈጻጸር ትካል ኣብ ዘውጽኦ መግለጺ ፡ ኣፍሊጡ።

"ኣብዚ ዘሕዝን እዋን እዚ ፡ ልብና ምስዘን ሓሙሽተ ነፍሳትን ምስ ኵሎም ኣባላት ስድራ ቤቶምን እዩ ።"
ሓደ ኣብ ማዕሙቕ ባሕሪ ዝነጥፍ ሰብ ኣልቦ ሮቦት ፡ መርከብ ካናዳ ብሓሙስ ንግሆ 488 ሜትሮ ኣቢሉ ካብታ ቅድሚ ሓደ ዘመን ዝጠሓለት ታይታኒክ ርሒቑ ስብርባር ፡ 4 ኪ.ሜ. ንታሕቲ ምስ በጽሐ ፡ ስብርባር ቲታን ከም ዝረኸበ ፡ ናይ ሓለዋ ገማግም ባሕሪ ኣመሪካ ኣድሚራል ጆን ማውገር ኣብ ዝሃቦ ጋዜጣዊ መግለጺ ሓቢሩ ።

"ኣብዚ ዘሎ ስብርባር ፡ ምስቲ ነታ ማሽን ዘጋጥማ ዕንወት ዝሳነ እዩ" በለ ።

እቶም ኣብታ መርከብ ዝነበሩ ሓሙሽተ ሰባት ፡ ወዲ 58 ብሪጣንያዊ ቢልዮነርን ሃሚሽ ሃርዲንግ ዝስሙ ዳህሳስን ፣ ወዲ 48 ዓመት ፓኪስታናዊ ሃብታም ሻህዛዳ ዳውድ ፡ ምስ ወዱ፡ ወዲ 19 ዓመት ሱሌማን ፡ ክልቲኦም ዜጋታት ብሪጣንያ፡ ወዲ 77 ፈረንሳዊ ክኢላ ውቅያኖስን ናይ ታይታኒክ ተመራማሪ ፖል-ሄንሪገለት፡ ከምኡ'ውን ፣ እቲ መስራቲ ናይቲ ኣብ ኣመሪካ መደበሩን ኩባንያ ዋና ኣካያዲ ስራሕን ዝዀነ ነታ ሳብማሪን ዝዝውራ ዝነበረ ስቶተን ሩሽ ኣብታ ጃልባ ዝሞቱ እዮም ።

ኣብ ጕዕዞ ከላ ብ1912 ምስ ጎቦ ናይ በረድ ተጋጭያ ዝጠሓለት ታይታኒክ ፡ ልዕሊ 1500 ሰባት ኣብታ መርከብ ዝነበሩ ሞይቶም እዮም።

ናብቲ ስብርባር ናይ ታይታኒክ ንምብጻሕ ዝግበር በቲ ነዚ ጉዕዞ ዘካይድ ኩባንያ OceanGate ካብ 2021 ኣትሒዙ ፡ ንሓደ ሰብ $US250,000ከም ዘኽፍል ኣብቲ መርበብ ሓበሬታ ናይቲ ኩባንያ ተገሊጹ ይርከብ ።

Share

Published

Source: AAP

Share this with family and friends


Follow SBS Tigrinya

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Tigrinya-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service