ቻይናዊ ኣምባሳደር ኣብ እስራኤል፡ ኣብ ጥቓ ተል ኣቪቭ ዝርከብ ገዛኡ ሞይቱ ተረኺቡ።

ኣምባሳደር ዱ ዊ ሎሚ ኣብ ጥቓ ተል ኣቪቭ ዝርከብ ገዛኡ ሞይቱ ከምዝተረኸበ ናይ እስራኤል ፖሊስ ገሊጹ።

Du Wei, then Chinese Ambassador to Ukraine, at the Chinese embassy in Kiev, Ukraine, 30 August 2019 Source: EPA

ኣብ መፋርቕ ለካቲት ናብ እስራኤል ዝኸደ ናይ ቻይና ኣምባሳደር ኣብ እስራኤል ዱ ዊ ኣብ ሰሜናዊ ከተማ ተል ኣቪቭ ዝርከብ ገዛኡ ሞይቱ ከምዝጸንሐ ወሃብ ቃል ፖሊስ ሚኪ ሮሰንፈልድ ን AFP  ገሊጹ።

በዓልቲ ቤቱ  ንሚስተር ዱን ወዱን ኣብ እስራኤል ምስ ኡ ኣይነበሩን።

ብዛዕባዚ ጉዳይ መልሲ ዝህበሉ እቲ ሓበሬታ ምስተማልአ ምዃኑ ሚኒስትሪ ጉዳያት ወጻኢ ቻይና ገሊጹ ኣሎ።

ሚስተር ዱ ኣቐዲሙ ኣብ ዩክሬን ናይ እስራኤል ኣምባሳደር ኮይኑ ኣገልጊሉ ኔሩ እዩ።

ሚስተር ዱ ናብ እስራኤል ክ ኣቱ ከሎ ብሰንኪ ኮሮና ቫይረስ ን 14 መዓልታት ተወሺቡ ከምዝነበረውን ተገሊጹ ኣሎ።

ቻይና ምስ እስራኤል ብዘለዋ ጥቡቕ ዝምድና ብፍላይ ኣብ ጽላት ተክኖሎጂ ብዙሕ ብምውፋራ፡ ዘይተሓጎሰት ዋሺንግተን እቲ ቻይና ትገብሮ ብፍላይ ኣብ ስትራየጂካዊ ጽላታት ክግደብ ን እስራኤል ከተጠንቅቓ ጸኒሓ እያ።

ወሃቢ ቃል ኤምባሲ ቻይና ዋንግ ዮንግጁን ምስ ጀሩሳሌም ፖስት ኣብዝሃቦ ርእይቶ ግና እቲ ናይ ቺኖ-እስራኤል ዝምድና ሓባራዊ ረብሓ እዩ ብምባል ነቲ ናይ ኣመሪካ ጥርዓን ነጺግዎ እዩ።