ኣብ ኢትዮጵያ ብዘጋጠመ ሓደጋ ምህማም መሬት ቁጽሪ ዝሞቱ ሰባት ልዕሊ 229 በጺሑ።

ኣብ ደቡብ ኢትዮጵያ ብዘጋጠመ ምህማም መሬት ብህይወት ዝተረፉ እንተልዮም ንምርካብ ዝግበር ድልያ ይቕጽል ኣሎ።

Footage shared by the local administration showed people digging up bodies with shovels and bare hands. Source: Getty / Anadolu

ኣብ ደቡብ ኢትዮጵያ ዘጋጠመ ኣብ ክልተ ቦታታት ሓደጋ ምህማም መሬት ዝሞቱ ሰባት ልዕሊ 229 ከም ዝበጽሐ ሰብ መዚ እቲ ከባቢ ኣፍሊጦም። እቲ ቁጽሪ ምውታት ከምዝዛይድን ብህይወት ዝተረፉ እንተተረኽቡ እቲ ድልያ ይቕጽል ኣሎ።

፡ ኣብቲ ኣብ ደቡብ ኢትዮጵያ ዝርከብ ዞባ ጎፋ ፡ድሕሪ ብርቱዕ ዝናም ብሰንበት ምሸት ብዝተፈጥረ ምህማም መሬት ፣ ሓደ ካልኣይ ምህማም መሬት ሰኑይ ንግሆ ንኻልኦት ንምሕጋዝ እተኣከቡ ውሒጥዎም ።

"መዓስ ከም ዘቋርጽ ኣይፈልጥን እየ ። ሬሳታት ነውጽእ ኢና ዘለና" ክብል ኣብ ዞባ ጎፋ፡ ሓላፊ ሃገራዊ ወኪል ግብረ-መልሲ ዕንወት ዝዀነ ማርኮስ መልሰ ፡ ንሮይተርስ ብተሌፎን ሓቢሩ ።

"ሕጂ እውን ንዅዕት ኣለና" በለ ።

ሓደ ብዓል ስልጣን ብሰኑይ ፡ እንተ ወሓደ 50 ሰባት ከም ዝሞቱ ፡ ቈልዑን ኣባላት ፖሊስን ድማ ከም ዝሞቱ ገሊጹ ኣሎ ።

ምምሕዳር እቲ ከባቢ ዝዘርግሖ ስእልታት ቪድዮ ፡ ሰባት ነቲ ሬሳታት ብባዴላን ብጥራዩ ኣእዳውን ብምዅዓት ሬሳ ከውጽኡ የርእዩ ።

ኣማሓዳሪ ወረዳ ጎፋ ኣቶ ምስኪር ምትኩ "እቶም ኸድሕኑ ዝመጹ ሰባት ኣብቲ መጻወድያ ምስ ኣተዉ እቲ ናይ ሞት ሓደጋ ዛይዱ።

ኣዝዩ ዘሕዝን ኣጋጣሚ እዩ "በለ ።

ቀዳማይ ሚኒስተር ኣብዪ ኣሕመድ በቲ ዘጋጠመ ዘሕዝን ሞት ኣዝዩ ከም ዝጐሃየ ድሕሪ ምግላጹ: ሰበ-ስልጣን ፌደራል ነቲ ዝወረደ ዕንወት ንምንካይ ተዋፊሮም ከም ዘለዉ ገለጸ ።

ኣቦ ወንበር ሕብረት ኣፍሪቃ ሙሳ ፋቂ ማሃማት ኣብ ማሕበራዊ መራኸቢ ብዙሃን ኤክስ.ኤ. ኣብ ዘስፈሮ ጽሑፍ "ምስ ህዝብን መንግስትን ኢትዮጵያ ኮይናና ፡ ነቶም ዝጠፍኡ ንምርካብን ነቶም እተመዛበሉ ንምሕጋዝን ጻዕሪ ደው ንብል" ኢሉ ።

ሓላፊ ናይ ውደብ ጥዕና ዓለም ዶ/ርቴድሮስ ኣድሓኖም ገብረየሱስ ብዛዕባ ኩሎም እቶም ዝተጎድኡ ስድራቤታት ይሓስብ ከምዘሎን ኣብ ቀረባ እዋን ናይ ጥዕና ጸገም ንዘለዎም ንምሕጋዝ ሓደ ጉጅለ WHO ከምዝለኣኽን ተዛሪቡ ።