ዶናልድ ትራምፕ ንኮንግረስ ካብ ዘስምዖ መደረ ቀንዲ ዛዕባታት፥

ፕረዚደንት ኣመሪካ ዶናልድ ትራምፕ ፡ ኣብ ወርሒ ጥሪ ስልጣን ካብ ዝሕዝ ንነጀው ፡ ንኮንግረስ ንመጀመርታ ግዜ ኣብ ዘስምዖ መደረ ፣ "ኣመሪካ ናብ ቦታኣ ትምለስ ኣላ" ድሕሪ ምባሉ ፡ ኣብ ኻልኣይ ዘመን ስልጣኑ ዘለዎ ራእይ ዘርዚሩ ኣሎ ።

Donald Trump said the American dream is "unstoppable" as he addressed a joint session of Congress for the first time since returning to power. Source: Getty / Win McNamee/Getty Images

ፕረዚደንት ሕቡራት መንግስታት ኣመሪካ ዶናልድ ትራምፕ ኣብ ጥሪ ናብ ስልጣን ካብ ዝምለስ ንመጀመርታ ግዜ ኣብ ሓባራዊ ኣኼባ ኮንግረስ መደረ ኣስሚዑ ኣሎ ፡ "ኣመሪካ ናብ ቦታኣ ተመሊሳ ኣላ።" ኣመሪካዊ ሕልሚ "ዝዓግቶ የለን" ብምባል ኣብ ኻልኣይ ዘመን ስልጣኑ ብወግዒ ስርሑ ከምዝጀመረ ኣጕልሐ ።

መደረ ትራምፕ ንሓባራዊ ኮንግረስ ብሓደ ፕረሲደንት ኣመሪካ ካብ ዝተገብረ ዝነውሐ መደረ ዝነውሐ ግዜ ዝተባህለሉን፡ ንልዕሊ ሓደ ሰዓትን 40 ደቒቕን ዝጸንሐ ኰይኑ ፡ ንመጻኢ ዝኸውን ተባዕ መብጽዓታት ዝሓዘ እዩ ነይሩ ።

እቲ ወዲ 78 ዓመት ሪፐብሊካዊ ቢልዮነር ፡ ብቐጥታ ኣብዝመሓላለፍ ዝነበረ ስርዓት ፡ ኣማኻሪኡ ቢልዮነር ኤሎን ማስክ ኣብ ዝተረኽበሉን እዋን ፡ ነታ ሃገር ዳግም ንምህናጽ ኣብ ዝገለጾ መደብ ፡ "ገና ሕጂ እዩ ተጀሚሩ" ኢሉ ።

ትራምፕ ነቲ ኣብተን ናይ መጀመርታ ሽዱሽተ ሰሙናት ኣብ ስልጣኑ ዝጸንሓሉ ዝረኸቦ ዓወታት ብምምጓስ፡ ዝኸፈሎ መስዋእቲ ብዘየገድስ ፡ ንመንግስቲ ኣመሪካ ዳግም ንምሕዳስን ውግእ ዩክረይን ደው ንምባልን ዝገብሮ ጻዕሪ ከም ዝቕጽሎ ቃል ኣተወ ።

"ካብቲ ኣብ ውሽጢ ኣርባዕተ ዓመት ወይ ሸሞንተ ዓመት ዝግበር ናይ መብዛሕትኡ ምምሕዳራት ፡ ኣብ ውሽጢ 43 መዓልቲ ዓሚምናዮ ኢና ፣ ገና እውን ንጅምር ኢና ዘለና።" ድሕሪ ምባሉ እሙናት ፖለቲከኛታት ፡ "USA USA!" ኢሎም ክጭድሩ ተሰሚዖም ።

ካብ ዘረባኡ ኣገዳሲ ዝዀነ ነገራት ቀጺሎም ዘለዉ እዮም ነይሮም።

ዝግበር ግብሪ (Tariffs ) ኣብ ቁጠባ ኣመሪካ ግዚያዊ ምርባሽ ከኸትል ይኽእል ይከውን

ትራምፕ ነቲ ኣብዚ ሰሙን 'ዚ ዝጀመሮ ናይ ንግዲ ኩናት ቁጠባዊ ጽልዋ ክገብርዩ ዝበሃል ኣዋዲቕዎ። ከምዝፍለጥ ኣብ ሜክሲኮን ካናዳን 25 ሚኢታዊ ቀረጽ ፡ ካብ ቻይና ናብ ሃገር ዝኣቱ ድማ 10 ሚኢታዊ እዩ ።

ቊጠባ ኣመሪካ ካብቲ ዝግበር ቀረጽ "ዉሑድ ምርብባሽ" ከጋጥሞ ከም ዝኽእል እኳ እንተ ተኣመነ ፡ እቲ ቀረጽ ከም ዘስፋሕፍሕ ምግባሩ ግና ፡ ኣብ መወዳእታኡ ዘቤታዊ ኢንዳስትሪ ከም ክድንፍዕ እዩ ክገብር ኢሉ።

"ቀረጽ ንኣመሪካ ከም እትህብትምን ከም ክትዓቢ ይገብራ እዩ" ድማ ኢሉ ።

"ከምኡ ድማ ኰይኑ ኣሎ ። ቀልጢፉ ድማ ክኸውን እዩ ። ቁሩብ ክርበሽ ይኽእል እዩ ፡ ግን ደሓን ኢና ። ብዙሕ ክኸውን ኣይክእልን እዩ "በለ ።

ሓረስቶት ሓደ ካብቶም ዝጽለዉ ጽኮይኖም ፣ ትራምፕ ንኢንዱስትሪ ሕርሻ "ቅሩብ ተጸበዩኒ" ኢሉ ተማሕጺንዎም ።

ትራምፕ ፡ ቁጠባ ሕርሻ ንምልዕዓል ብኸመይ መደብ ከም ዘለዎ ዝርዝር ሓበሬታ ድሕሪ ምግላጽ ፡ ካብ ወጻኢ ሃገር ዝወጽእ ፍርያት ሕርሻ ፡ ቀረጽ ኣመሪካ ምውሳኹ ፡ ዘቤታዊ ንግዳዊ ርክባት ከም ዝከላኸል ገሊጹ ።

እንተኾነ ቀረጽ ንናይ ሕርሻ ፍርያት ናብ ኣመሪካ ንኸይኣቱ ምሉእ ብምሉእ ኣይዓግቶን እዩ ፡ እንተኾነ ግን ንተጠቀምቲ ዝያዳ ክኸብሮም እዩ።

'ድሕሪ ደጊም ዓብላልነት የለን'

ትራምፕ ነቲ "ኣስገዳድ" ናይ ብዙሕነትን ሓቛፍነትን (diversity and inclusion) መደባት ኣብ መላእ ፌደራላዊ መንግስቲ ከም ዘብቅዖ ብምግላጽ: ኣመሪካ "ደጊም ኣይክትስግደድን እያ" ኢሉ መብጽዓ ኣተወ ።

"ወግዓዊ ፖሊሲ መንግስቲ ሕቡራት መንግስትታት ኣመሪካ ፡ ክልተ ጾታ ኣለት ተባዕታይን ኣንስተይትን ጥራይ ከም ዘለዉ ዝገልጽ ትእዛዝ ከቲመ" ድማ በለ ።

እቲ ትራምፕ ዝሃቦ ትእዛዝ ፡ ክልተ ወግዓውያን ጾታጥራይ ከም ዘለዉ ፡ ንመሰላት እቶም ካልእ ጾታዊምንነት ዘለዎም ሰባት ዒላማ ዝገበረ ካልእ ስምምዕ እውን ከም ዝዀነ ይገልጽ ።

እቲ ትእዛዝ ነቶም ጾታኦም ዝቐየሩ ኣባላት ሰራዊት ንኽባረሩ መገዲ ዝኸፈተ ኮይኑ፡ ኣብ ፓስፖርት ንዝግበር ምልውዋጥጾታ ዝኽልክል ከምኡ "ውን ኣብ ናይ ስቶንዋል ናዕብታት ንምዝካር ካብ መርበብ ሓበሬታ ከም ዝወጹን ዝገብር እዩ ።

ኲናት ኣንጻር ምስግጋር ሓሽሽ

ትራምፕ ኣብቲ ጾታዊ ዓመጻን ቅትለትን ከም ዝፈጸመ ከምኡውን ንሃገራዊ ድሕነት ኣመሪካ "ከቢድ ስግኣት ከም ዘውረደ" ዝኸሰሶ ናይ ሜክሲኮ ካርተል ሓሽሽ 'ኽዋጋኦ "ተመባጺዑ ኣሎ ።

"እቲ ካርተላት ኣብ ኣመሪካ ውግእ የካይድ ኣለዉ ፣ ኣመሪካ ድማ ኣንጻሮም ትገብሮ ውግእ ግዜኡ እዩ ተካይዶ ድማ ኣላ" በለ ።

ኣመሪካ በዚኾይኑ በቲ ንግሪናንድ ክትቆጻጸራ እያ፡

ትራምፕ ንህዝቢ ርእሰ ምምሕዳር ክሊ ዴንማርክ "ክንከላኸለልካ ኢና" ብምባል ቃል ኣትዩ፡ ንግሪንላንድ ንምውናን ዝነበሮ ባህጊ ከም ብሓድሽ ገለጸ ።

"ዓለምለኻዊጸጥታዊ ድሕንነት ብሓቂ የድልየና እዩ ፡ ነዚ ድማ ክንረኽቦ ኢና ኢለ እየ ዝሓስብ ። ብሓደ መገዲ ወይ ካልእ መገዲ ክንረኽቦ ኢና "በለ ።

"ብሓንሳእ ፡ ንግሪንላንድ ቅድሚ ሕጂ ሓሲብካዮ ዘይትፈልጥ ናብ ዓብዪ ነገር ኽንወስዳ ኢና ።"

ትረኣምፕ ንዘለንስኪ ኣጠንቂቑ

ትራምፕ ብዛዕባ ፕረዚደንት ዩክረይን ቮሎዲሚር ዘለንስኪ እተዛረቦ ነቐፌታ ኣልዒሉ ።

እንተኾነ ኣብ ኣጋ መወዳእታ ናይ መደረኡ ግን ካብታ ኣብ ድሮ እታ መዓልቲ ካብ ዘለንስኪ እተላእኸት ደብዳበ ኣንበበ ።

"እታ ደብዳበ ፡ ዩክረይን ነባሪ ሰላም ምእንቲ ከተስፍን ፡ ኣብ ዝሓጸረ እዋን ናብቲ ናይ ድርድር ጣውላ ክትመጽእ ድልውቲ ምዃና ዝገልጽ እዩ" በለ ።

" ካብ ዩክሬናውያን ንላዕሊ ሰላም ዝደሊ የለን ። ኣነን ጋንታይን ኣብ ትሕቲ ሓያል መሪሕነት ፕረዚደንት ትራምፕ ንሰላም ክንሰርሕ ድሉዋት ኢና" ብምባል ድማ ካብታ ደብዳበ ኣንበበ ።