ኢትዮጵያ ቅድሚ እቲ ናይ ጸጋ ግዜ (grace period) ዝመጽእ ሰኑይ ምእካሉ ፡ ናይ 33 ሚልዮን ዶላር ወለድ ክፍሊት ዩሮቦንድ ክትከፍል ዘይከኣለት ፡ ኣይዚ ቀረባ ዝጠፈሸት ኣፍሪቃዊት ሃገር ኮይና ኣላ ። ሰበ-ስልጣን ሚኒስትሪ ፋይናንስ እታ ሃገር ከምዝገለጽዎ፡ መንግስቲ ኢትዮጵያ ን ኵሎም ኣለቃሕቲ ብማዕረ ምእንቲ ክኸፍል ፡ ናይ ዕዳ ምሕረት ይሓትት ስለዘሎን ከይከፍል እቲ ዉሳነ ከም እተገብረ ገሊጾም ።
እቲ ምጥፋሽ ንኢትዮጵያ ምስ ካልኦት ኣብዚ ቀረባ እዋን ን ኢሮቦንድ ክኸፍላ ዘይከኣላ ኣብ ምምዕባል ዝርከባ ሃገራት ከም ዛምብያ ፡ጋና ፡ ስሪላንካን ክትስራዕ ኪኢላ ኣላ። ኢትዮጵያ ኣብ ዝሓለፈ ወርሒ ዕዳ ናይ ምኽፋል ግዜ ክናውሓላ ምስ ኣለቃሕቲ ሃገራት ኣብ ስምምዕ በጺሓ ኔራ ።
ኢትዮጵያ ኣብነት ዛምቢያን ጋናን ብምስዓብ ፡ ኣብ ሓባራዊ መስርሕ ምድላው G20 ፡ ሕውየት ዕዳ ክግበረላ ትሓትት ኣላ ። እታ ሃገር ካብ 2021 ኣትሒዛ ኣብ ውግእ ሓድሕድን ቊጠባዊ ጸገማትን ብምሽማማ ፡ዕዳኣ ካብ ግዜ ናብ ግዜ ይተዓጻጸፍ እዩ ዘሎ።
