ኣብ ከተማ መቐለ ናይ ኣየር መጥቃዕቲ ከምተፈጸመ ማዕከናት ዜና ትግራይ ኣፍሊጠን።

መንግስቲ ኢትዮጵያ ብሰኑይ ኣብ ርእሰ ከተማ ክልል ትግራይ ናይ ኣየር መጥቃዕቲ ከምዝጀመረ መዲያታት ትግራይ ገሊጾም ።

ትግራይ ቲቪ ፡ ከምዝሓበሮ እቲ ኣብ ከተማ መቐለ ዝተፈጸመ መጥቃዕቲ ፡ ሓያሎ ሰላማውያን ሰባት ከም ዝቐተለ ገሊጻ ። ኣብታ ከተማ መጥቃዕቲ ከምዝተፈጸመ እውን ሓደ ሰራሕተኛ ረዲኤትን ሓደ ዶክተርን ገሊጾም ።

ወሃቢ ቃል መንግስቲ ኢትዮጵያ ለገሰ ቱሉ ዝኾነ መጥቃዕቲ ከይፍኑ ተኸልኪሉ ። "ስለምንታይ እዩ መንግስቲ ኢትዮጵያ ነታ ከተማኡ ዝኾነት መቐለ ዘጥቅዓ ? መቐለ ናይ ኢትዮጵያ ከተማ እያ " ተባሂሉ ተሓቲቱ ክሒዱ ክብል ሮይተርስ ጸብጺቡ።

እዚ መጥቃዕቲ ዝመጽእ ዘሎ፡ ሰብ መዚ ትግራይ ኣብ ሰሜን ወሎ ብሓይሊታት ፈደራል መንግስቲ ኢትዮጵያን ክልል ኣምሓራን ንዝተፈነወሎም መጥቃዕቲ ከምዘፍሸልዎን ዓወታት ከምዝሓፈሱን ኣብ ዝገልጽሉ ዘለዉ እዋን'ዩ።

ዲፕሎማሰኛታትእዚ ከምብሓድሽ ተወሊዑ ዘሎ ኲናት ነታ 109 ሚልዮን ህዝቢ ዝነብረላ ኢትዮጵያ ዝያዳ ከዕንዋ ፡ ኣብ ትግራይን ኣብ ከባቢኡን ዘሎ ጥሜት ድማ ከዕምቝ እዩ ኢሎም ስግኣቶም ይገልጹ።