ኣብ ኣውስትራሊያ፡ ኢትዮጵያውያንን ኤርትራዊያንን ኣብ ዋና ከተማ ካንበራ ናይ ሓባር ሰልፊ ጌሮም።

እቲ ሰልፊ፡ መንግስቲ ኣውስትራሊያን ካልኦት ምዕራባዊያን ሃገራት ነቲ ኢትዮጵያ ኣብ ትግራይ ትገብሮ ዘላ "ናይ ሕጊ ምኽባር" ስርሒት ክድግፋ ዝጽውዕ ምዃኑ ካብ ተሳተፍቲ ገሊጾም።

Source: Ethiopia

ኣብ ኣውስትራሊያ ዝነብሩ  ኢትዮጵያውያን፣ ትውልደ ኢትዮጵያውያንን ኤርትራውያንን  ናይኢትዮጵያ መንግስቲ “ሕጊ ምኽባር” ብዝብል ምኽንያት ኣብ ትግራይ ንዘካይዶ ዘሎ ኲናት ብድጋፍን ነቶም ኣብ ልዕሊ ኢትዮጵያ ጸቕጢ ንምፍጣር ንዲፕሎማሲያዊ ማሕበረሰብ ዘደናግሩ ዘለዉ ዝበልዎም ዝኹንን፡ ካብ መላእ ኣውስትራሊያ ዝተኣኻኸቡ ኢትዮጵያዊያንን ኤርትራዊያንን ባንዴራ እናውለብለቡን ጭሮሖታት ተሓንጊጦምን  ኣብ ዋና ኸተማ  ካንቤራ  ሰላማዊ ሰልፍ ጌሮም፡፡

እቶም ተሳተፍቲ እቲ ሰልፊ መንግስቲ ኢትዮጵያ ኣብ ትግራይ ዝወስዶ ዘሎ ናይ “ሕጊ ምኽባር ስጉምቲ” ከምዝድግፉን ምዕራባውያን መንግስታት ኣብዝገብርዎ ንጥፈታት ናይ ኢትዮጵያ ሉዓላውነታ ንምሕላውን ሓድነታ ንምቕጻልን ትወስዶ ሕጋዊ ስጉምቲ ምድጋፍ እምበር ኣብ ናይ ዉሽጢ ጉዳይ ኢትዮጵያ ጣልቃ ክኣትዉ ከምዘይብሎም እቶም ሰልፈኛታት ኣተሓሳሲቦም።