ንዳድ ሓዊ ኣውሮጳ: ኣብ መዝገብ ዓለም ቅድሚ ሕጂ ዘይተመዝገበ መጠን ሙቐት ህይወት ቆልዓ ከይተረፈ ኣሕሊፉ ኣሎ።

ከተማታትን ሓውሲ ከተማታትን ፈረንሳ ፡ ኢጣልያ ፡ ስጳኛን ሃገራት ባልካንን ብሰንኪ ብርቱዕ ሙቐት ኣብ ከቢድ ተጠንቀቕ ኣትየን ኣለዋ።

Firefighters have been battling a fire in the Vila Real area in north Portugal for 10 days. Source: EPA / Pedro Sarmento Costa

ኣብ ደቡባዊ ኣውሮጳ ብርቱዕ ሃሩር ኣብ ዘለወሉ እዋን ፡ ሓደ ቈልዓን ሰለስተ ሰብኡትን ሞይቶም እዮም ፣ ብኣሽሓት ዝቝጸሩ ሰባት ከኣ ካብ ኣባይቶም ክወጹ ተገዲዶም ኣለዉ ።

ሳድሪኒያ ኣብ እትብሃል ደሴት ሓደ ወዲ ኣርባዕተ ዓመት ሮማንያዊ ፡ ብሰኑይ ኣብ ኢጣልያ ፡ ኣብ ማኪና ስድራ ቤቱ ከሎ ሃለዋቱ ድሕሪ ምጥፋእ ድሕሪ ሒደት መዓልትታት ሞይቱ ።

ሰሉስ ፡ ሓደ ኣብ ስጳንኛ ኣብ ዝርከብ ማእከል ኣፍራስ ዝዓዪ ሰራሕተኛ ፡ ካብ ማድሪድ ናብ ሰሜን ኣብ ዝርከብ ከባቢ ብዘጋጠሞ መጉዳእቲ ከም ዝሞተ ሰበ ስልጣን እታ ሃገር ገሊጾም ፣ ኣፍራስ ከድሕን ከም ዝፈተነ እውን ተፈሊጡ እዩ ።

ጸኒሑ ፡ ኣብ ሰሜናዊ ምዕራብ ስጳኛ ኣብ እትርከብ ካስቲልን ሊዮንን ዝርከቡ ሰበ ስልጣን ፡ ምስ ሓዊ እናተቓለሰ ከሎ ካልእ ሰብኣይ ከም እተቐትለ ኣረጋጊጾም ።

ኣብ ሞንተኔግሮ እውን ሓደ ወተሃደር ሞይቱ ኣሎ ፣ ሓደ ካልእ ሰብ ከኣ ፡ ካብ ርእሰ ከተማ ፖድጎሪኻ ብሸነኽ ሰሜን ኣብ ዝርከብ ጎቦታት ኣንጻር ሓዊ እናተቓለሰ ከሎ ፡ ቦጥ ማዮም ምስ ተገልበጠት ፡ ከቢድ ጕድኣት ወረዶ ።

'ኣዚዩ ዝሞቐ ዓለም'

ኣብ ኢጣልያ ፡ ፈረንሳ ፡ ስጳኛ ፡ ፖርቱጋልን ሃገራት ባልካንን ፡ ሙቐት ካብ 40 ሲ.ሲ ንላዕሊ ከም ዝኸውን ዝሕብር መጠንቀቕታ ዝተዋህበ ኮይኑ ፣ እቲ ሙቐት ከኣ ካልእ ምልክት ለውጢ ክሊማ ከም ዝዀነ ፡ እዚ ድማ እናገደደ ዝኸይድ ዘሎ ፡ እናበርትዐ ዝኸይድ ዘሎ ብርቱዕ ሙቐት ምዃኑ ክኢላታት ይዛረቡ ።

ኣብ ዓዲ እንግሊዝ ዝርከብ ዩኒቨርሲቲ ሪዲንግ ደፓርትመንት ሜትሮሎጂ ዝዓዪ ኣክሺይ ዶራስ ንማዕከን ዜና ኣጃንስ ፍራንስ-ፕረስ ኣብ ዝሃቦ ሓበሬታ ፡ "ብሰንኪ ለውጢ ክሊማ ፡ ሕጂ ኣብ ኣዝዩ ምዉቕ ዓለም ኢና እንነብር ዘለና" በለ ።

Tኣሻሓት ሰባት ገዝኦም ጠንጢኖም ክወጹ ተገዲዶም፡

ብኣማእታት ዝቝጸሩ ተቐማጦ እታ ኣብ ጥቓ ርእሰ ከተማ ስጳኛ ማድሪድ እትርከብ ትረስ ካንቶስ ፡ ካብቲ ሰሉስ ንግሆ ዘጋጠመ ቅልጡፍ ባርዕ ክሃድሙ ተገዲዶም ኣለዉ ።

ቀዳማይ ሚኒስተር ስጳኛ ፔድሮ ሳንቸዝ ኣብ ኤክስ ከም ዝገለጾ ፡ ካብ ኣገልግሎት ኣድሕን ፡ "ነቲ ሓዊ ንምጥፋእ ከይተሓለሉ ይጽዕሩ ኣለዉ ።" ኢሉ።

ኣብ ካልእ ቦታታት ፡ ኣብ ደቡባዊ ስጳኛ ኣብ ዝርከብ ኣንዳሉስያ ዝርከብ ህቡብ ገማግም ታሪፋ ፡ ኣስታት 2,000 ሰባት ካብ ሆቴላትን ኣባይትን ግዒዞም እዮም ።

ኣብ ካስቲል ን ሊዮንን ፡ ብዙሕ ባርዓት ከም እተዘርግሐ ፡ እዚ ነቲ ኣብ መዝገብ ውርሻ ዩኔስኮ ተመዝጊቡ ዝርከብ በቲ ጥንታዊ መዐደኒ ወርቂ ሮማውያን ዝፍለጥ ቦታ ዘስግእ ላስ ሜዱላስ ዝብሃል ቦታ ዘጠቓልል ምዃኑ ተሓቢሩ ኣሎ ።

ኣብ ጎረቤት ሃገር ፖርቱጋል ፡ ኣባላት መጥፋእቲ ሓዊ ምስ ሰለስተ ዓበይቲ መጥፍኢታት በረኻ ይቃለሱ ኣለዉ ፣ ኣብ ማእከል እታ ሃገር 700 መጥፋእቲ ሓዊ ተዋፊሮምሉ ኣብ ዝነበሩ ጥቓ ትራንኮሶ ኣዝዩ ከቢድ ምዃኑ እውን ተገሊጹ ።

---

For the latest from SBS News, download our app and subscribe to our newsletter.