ኣቶ በረኸት ስምዖን ብ6 ዓመታት ማእሰርቲን 10 ሽሕ ቅርሽን አቶ ታደሰ ካሳ 8 ዓመታት ማእሰርቲን 15 ሽሕ ቅርሽን ክቕጽዑ ቤት ፍርዲ ወሲኑ።

ኣብ ላዕለዋይ ቤት ፍርዲ ክልል ኣምሓራ ብዓቃቢ ሕጊ እቲ ክልል ተኸሲሶም ዝጸንሑ ኣቶ በረኸት ስምዖንን አቶ ታደሰ ካሳን ሎሚ ኣብ ዝተውሃበ ናይቲ ክልል ናይ መወዳእታ ውሳኔ ኣቶ በረኸት ስምዖን  ብ6 ዓመታት ማእሰርቲን 10 ሽሕ ቅርሽን አቶ ታደሰ ካሳ 8 ዓመታት ማእሰርቲን 15 ሽሕ ቅርሽን ክቕጽዑ ወሲኑ።

አቶ በረኸት ስምዖን ብረቡዕ ኣብ ዝነበረ መጋባእያ እቲ ቤት ፍርዲ ገበነኛ ከም ዝኾኑ ተነጊርዎም መቃለሲ ሓሳብ ክህሉ ተሓቲቶም : አቶ በረኸት ስምዖን መቃለሊ ሓሳብ ከቕርብ ተሓቲቱ : ውሳነ ቤት ፍርዲ ክሰምዕ እምበር ገበነኛ ኣብ ዘይኮንኩሉ ጉዳይ መቃለሊ ሓሳብ ከቕርብ ኣይደልን’የ ኢሎም ነይሮም።

ኣብ'ቲ ሎሚ ረፋድ ዝተሰምዐ ውሳኔ መቕጻዕቲ ናብ ቤትፍርዲ ፌደራል ይግበኣና ናይ ምባል መሰሎም ክፉት ከም ዝኾነ ተገሊጹ።