ብሰኑይ ኣብ ምርኮ ዝጸንሑ ምስ ስድራቤቶምን ፈተውቶምን ክተሓቛቖፉ ተራእዮም። ነቲ ንኽልተ ዓመት ኣብ ቓዛ ዝጸንሕዎ ምርኮ ናይ ሓጎስ ንብዓት ኣፍሲሶም።
ሰማያውን ጻዕዳን ዝሕብሪ እስራኤል ባንዴራ ተጠምጢሞም፡ ወተሃደራውያን ሄሊኮፕተራት ነቶም ብጅሆ ተታሒዞም ዝጸንሑ ሒዘን ክምለሳ ከለዋን ኣብ እስራኤል ምስ በጽሓን ፡ ነቶም ብህይወት ዝተረፉ 20 ሰባት ይቕበሉ። እዚ ኣብ ትሕቲ ብኣመሪካ ዝድገፍ ተዂሲ ደው ምባል ስምምዕ ምስተገብረ እዩ ተፈጺሙ።
አናቭ ዛንጋወርክ ነቲ ብፍሽኽታ ዝመልአ ወዳ ማታን ኣብ ሓንቲ ቪድዮ እናሓቘፈቶ ፡ "ህይወተይ ፡ ንስኻ ኢኻ ሂወተይ ፡ ንስኻ ጅግና ኢኻ" ብምባል በኸየት ።
"ፍቱወየ ፡ ፍቕሪ ኣዴኻ ተባረኸለይ ፡ ይባርኸካ"
ኣቦኡ ን ዔታን ሞር ፡እፎይታ ተሰሚዕዎ ንሱን ኣደ እቲ ጐበዝን ኣጥቢቖምእናሓቖፍዎ ፡ ።
ከም ባር ኩፐርሽታይን ዮሰፍ ሃይማም ኦሃና ዝኣመሰሉ መንእሰያት ድማ ካብ መሳዅቲ ናይ "ቲ ኣብ ጥቓ ቴልኣቪቭ ዝርከብ ማእከል ሕክምና ሸባ ኣብተን ዘጓዓዕዛኦም ዝነበራ መኻይን ኮይኖም ኢዶም እናወዛወዙ ፡ ነቶም ኣብቲ ከባቢ ዝነበሩ ሓያሎ ሰባት ድማ ባንዴራታት እስራኤል ሓፍ ኣቢሎም እናንበልበሉ ።
ናጻ ዝወጹ እስራኤላውያን-ጀርመናውያን ማናቱ ጋሊን ዚቭ በርማን ፍሽኽታ ኣሰንዮም ነታ ዓባይ ዓባይቶኦም ዊጥ እናበሉ፡ ብጫን ሰማያውን ማልያ ናይታ ትፈትዋ ጋንታ ኩዕሶ እግሪ ማካቢ ቴልኣቪቭ ተኸዲኖም ይረኣዩ ።
ስድራቤት ናይቶም ብጅሆ ተታሒዞም ዝጸንሑ ሓጎሶም ይገልጹ፡
ኣብቲ ብሰኑይ ኣብ ቴልኣቪቭ ዝርከብ ኣደባባይ ጅሆ: ዜና ምፍታሕ ሱራት ምስ ተሰምዐ ብኣማእታት ዝቝጸሩ ሰባት ብሓጐስ ፍንጭሕ በሉ ።
ጓል 34 ዓመት ሸሊ ባር ኒር ፡ "ኣዝዩ ዘሐጕስን ልዕሊ ዓቕምና ዝዀነን ፡ ኣብ መወዳእታዝኸውን ዘሎ እዩ " በለት ።
ኣብቲ ብ7 ጥቅምቲ 2023 እተፈነወ መጥቃዕቲ ፡ ሓማስን ሰራዊቱን 251 ጅሆ ሒዞም ናብ ጋዛ ኣተዉ ።
መብዛሕትኦም ቅድሚ ሕጂ ተፈቲሖም እኳ እንተ ነበሩ ፡ ብ7 ጥቅምቲ ካብ እተታሕዙ 47 ሰባት ግና ኣብ ጋዛ እዮም ተታሒዞም ጸኒሖም ። ካብዚኣቶም 20 ጥራይ እዮም ብህይወት ጸኒሖም ።
'ናብ ገዛኹም እንቋዕ ብደሓን መጻእኩም'
ኣብ ዝሓለፈ ክልተ ዓመት ፡ ሰባት ኣብ ቴልኣቪቭ ዝርከብ ኣደባባይ ጅሆ ተባሒሉ ኣብ ዝፍለጥ ቦታ ፡ ብተደጋጋሚ ብምውጻእን ምትእኽኻብን ተስፋ ገይሮም ክጽበዩ እዮም ጸኒሖም ።
እቶም ዝተረፉ ሸውዓተ ሰባት ፡ ሰኑይ ከም እተፈትሑ ምስ ሰምዑ ፡ እቲ ኣደባባይ ብሓጐስን ብመዝሙርን ተአልአ ።
እስራኤል ጸኒሓ ን20 ዝኣኽሉ ሰባት ናብቲ ሃገር ከም እተመልሱ ኣረጋገጸት ፣ ኣብ ማሕበራዊ መራኸቢ ኤክስ ""Welcome home". ዝብል ተኸታታሊ ፖስት ተገብረ ።
እስራኤል ነቶም ብጅሆ ዝተታሕዝዋ ከም መለዋወጢ ንኣስታት 2,000 ኣብ ቤት ማእሰርቲ ተኣሲሮም ዝነበሩ እሱራትን ናጻ ኣውጸኣቶም ፣ መብዛሕትኦም ካብ መጀመርታ እቲ ግጭት ካብዝጅመረሉ ኣትሒዞም ኣብ ቤት ማእሰርቲ እተታሕዙ ጋዛውያን እዮም ነይሮም
For the latest from SBS News, download our app and subscribe to our newsletter.
