ጉጅለ ጋንታ ኩዕሶ እግሪ ዋልታ ፖሊስ ትግራይ ብዘይተፈለጡ ዕጡቓት መጥቃዕቲ ወሪዱ፡ ካብ ኣባላት እታ ጋንታ ሽዱሽተ ቆሲሎም ሓደ ተቐቲሉ።

እቶም ተጻውቲ ኩዕሶ እግሪ ትማሊ ምስ ደብረ ብርሃን ከነማ ዝነበሮም ጸወታ ወዲኦም ካብ ኣዲስ አበባ ተበጊሶም ብዓፋር ኣቢሎም ናብ መቐለ እናተጓዕዙዮም መጥቃዕቲ በጺሕዎም። ናይ ትግራይ ክልል ፀጥታን ምምሕዳርን ቤት ጽሕፈት ናይ ኮምኒኬሽን ዳይሬክተር ኣቶ ሃፍታይ መለስ፡ እቲ መጥቃዕቲ  ትማሊ ንግሆ ከምተፈጸመ ገሊጹ። ካብቶም 6 በቲ መጥቃዕቲ ዝተወግኡ እቲ ሓደ ከምዝሞተውን ኣረጋጊጹ አሎ። ኣቶ ሀፍታይ መለስ  ጋንታ ኰዕሶ እግሪ ትግራይ ፖሊስ ተሳዊታ ክትምለስ ከላ መንነቶም ብዘይፍለጡ ዕጡቓት ነቲ መጥቃዕቲ ከምዝፈጸምዎ ገሊጹ። ካብቶም ዝቖሰሉ እቶም ክልተ ከቢድ መጉዳእቲ ወሪድዎም እቲ ሓደ ግና ህይወቱ ከምዝሃለፈት ኣረጋጊጹ። በቲ ዝወረደ ሓደጋ አዚዩ ከምዘሕዘኖን ዘቖጥዖን እቲ በዓል መዚ ንመዲያ ገሊጹ።