ኣብ ምርጫ ኒው ሳውዝ ወለስ (nsw) 2023 ብኸመይ ድምጽኹም ትህቡ

ኣብ NSW ዝነብሩ ብቑዓት ኣድመጽቲ ፡ ንቐዳም 25 መጋቢት ወከልቶም ኣብ ዝቕጽል ፓርላማ ንምምራጽ ፡ ናብ መድመጺ ነቑጣታት ክኸዱ እዮም ። ድምጺ ምሃብ ንኹሉ ኣብ ናይ ምርጫ ከባቢ ዘሎ ሰብ ናይ ግድን እዩ ።

More than 5.4 million people are eligible to vote in NSW. Source: AAP / DEAN LEWINS/AAPIMAGE

Key Points

• ኣብ NSW, እቶም ናይ ድምጺ ምሃብ መሰል ዘለዎም ፡ ኣብ ኩሎም ናይ ፌደራልን ናይ መንግስትን ምርጫታት ፡ ከምኡ 'ውን ኣብ ናይ ከባቢ መንግስቲ ምርጫታት ክምዝገቡን ድምጾም ክህቡ ኣለዎም ።
• ካብ እንግሊዝኛ ወጻኢ ፡ ናይ NSW ምርጫ ኮምሽን ልዕሊ 20 ቋንቋታት ብዛዕባ ምርጫ ሓበሬታ ይህብ ።
• እቲ ኣብ ኢንተርነት ዝርከብ ናይ ድምጺ ምሃብ ስርዓት iVote ኣይጥቀመሉን እዩ ።

እቲ ብዶሚኒክ ፐሮታ ዝምራሕ ልፍንታዊ መንግስቲ ፡ ንራብዓይ ተኸታታሊ ግዜ ኣብ ስልጣኑ ክዕወት ይጽዕር ኣሎ ።

ሚስተር ፐሮታይ ነቲ ዝለዓለ ስልጣን ናይቲ ግዝኣት ቀንዲ ተቓዋሚኡ መራሒ ሰልፊ ለበር ክሪስ ሚንንስ እዩ ፣ ንሱ ኣብ ሰነ 2021 ነቲ ሰልፊ ክመርሕ ድሕሪ ምምዛዙ ናይ መጀመርታ ኣብቲ ምርጫ ክወዳደር እዩ ።

ፓርላማ NSW ፡ ብሓጋጊ ባይቶ (ታሕተዋይ ባይቶ) ከምኡ 'ውን ብኣፈጉባኤ ካውንስል (ላዕለዋይ ባይቶ) ዝቖመ 'ናይ ክልተ ባይቶ' ኣገባብ ይጥቀም ።

እቲ ናይቲ መንግስቲ ምርጫ ንኣድመጽቲ ኣብ ሓጋጊ ባይቶ ዝውክሎም ክመርጹ ኣብ 93 ናይ ግዝኣት ናይ ምርጫ ኣውራጃታት ከሳትፎም እዩ ።

እቲ ሓጋጊ ባይቶ 42 ኣባላት ዝሓቖፈ ኮይኑ ኣብ ነፍሲ ወከፍ ናይ ግዝኣት ምርጫ 21 ኣባላት ንክልተ ናይ ፓርላማ እዋናትት ከገልግሉ ይምረጹ - እዚ ማለት እቲ ዝበዝሐ ክሳብ ሸሞንተ ዓመት ማለት እዩ ።

ሓደ ወሃቢ ድምጺ ኣብ እዋን ምርጫ ብኣካል እንተ ዘይተረኺቡ: ኣብ ናይ ጶስጣ ድምጺ ንኺወሃብ ክሓትት ይኽእል እዩ ።

ናይ ፖስታ ድምጺ ወሃብቲ ብ 20 መጋቢት ክሳብ ሰዓት 5 ድ.ቀ ጀሚሩ ኣብ ናይ NSW ምርጫ ኮምሽን ከቕርቡ ኣለዎም ።

ዝተዛዘመ ናይ ምሃብ ድምጽን ናይ ፖስታ ሰርቲፊኬት ድምጽን ካብ 10 ሚያዝያ ሰዓት 6 ድ.ቐ. ንደሓር ክቐርብ የብሉን ።

ክሪስ ሚንንስ ንሰልፊ ለበር NSW Labor ንኽመርሕ ኣብ ሰነ 2021እዩ ተመሪጹ። Source: AAP / BIANCA DE MARCHI/AAPIMAGE

እቲ ብ ኦንላይን ምሃብ ድምጺ (iVote) ኣብዚ ምርጫ ኣይሰርሕን እዩ።

ኣብ መዓልቲ ምርጫ ድምጺ ምሃብ – መጋቢት 25

ኣብ መላእ NSW ኣብ ዝርከባ ኣብያተ-ክርስትያን ፡ ኣብያተ-ትምህርቲ ፡ ማእከላት ማሕበረ-ኮማት ፡ ከምኡ 'ውን ኣብ ካልኦት ቦታታት ልዕሊ 2450 ናይ ድምጺ መውሃቢ ማእከላት ክህልዋ እየን ።

እዘን ማእከላት ኣብ መዓልቲ ካብ ሰዓት 8: 00 ቅ / ቀ ክሳብ ሰዓት 6: 00 ቅ / ቀ ይኽፈታ ።

ኣበይ ድምጺ ከም ትህብ ዝገልጽ ዝርዝር ሓበሬታ ኣብ መርበብ ሓበሬታ NSW ናይ ምርጫ ኮምሽን ክርከብ ይከኣል እዩ ።

ኣድመጽቲ ናብ መድመጺ ነቑጣ ኣብ ዝኣትዉሉ፡ ሰራሕተኛታት ስሞምን ኣድራሻኦምን ፡ ከምኡ "ውን ኣብቲ ምርጫ ድሮ ድምጺ ሂቦም እንተሃልዮም ይሓቱ ።

ዝርዝር ሓበሬታ ምስ ተረጋገጸ ፡ መድመጺ ወረቐት ክወሃቦም እዩ ።

ሰራሕተኛታት ኣብ ናይ ምርጫ ናይ ድምጺ ዝርዝር ሓበሬታ ክረኽቡ እንተዘይክኢሎም ፡ ነቲ ናይ ዲክለረሽን ድምጺ ክመልእዎ ኣለዎም ።

ናይ NSW ፕሪሜር ዶሚንክ ፐሮታይ Source: AAP / Bianca De Marchi

ድምጺ ምሃብ ግዴታ እዩ

ኣብ NSW, ብቑዓትን ዝተመዝገቡን ኣድመጽቲ ኣብ ኩሎም ናይ ፈደራል ፣ ግዝኣታዊን ቤት ምኽሪ ምርጫታት ድምጾም ክህቡ ይግደዱ ።

እቶም ከምኡ ዘይገብሩ ፡ መቕጻዕቲ ክቕጽዑ ይኽእሉ ።

ምድማጽ ገዛ እንተዘይብልካ፡ ስንኩል እንተኾይንካ ወይ ኣብ መገሻ እንተለኻ

ቀዋሚ ኣድራሻ ዘይብሎም ኣብ NSW ዝነብሩ ዜጋታት ፡ ኣብ ናይ መንበሪ ቅልውላው ዝርከቡ ወይ ናይ መሰጋገሪ መንበሪ ገዛ ዝነብሩ ፡ ከም ኣድመጽቲ ክምዝገቡ ይኽእሉ እዮም ።

ኣብዚ ኩነታት እዚ ዘለዉ ውልቀ-ሰባት ድምጾም ክህቡ እንተ ዘይክኢሎም ፣ መቕጻዕቲ ኣይረኽቡን እዮም ።

ስንክልና ንዘለዎም ኣድመጽቲ ሓገዝ ዘድልዮም እንተኾይኑ ፣ ድምጾም ክህቡ ንዚሕግዝ ፈታዊኦም ወይ ዘመዶም ወይ ካብ ኣባላት ምርጫ ሓገዝ ምስዝደልዩ ክሓቱ ይኽእሉ እዮም ።

ብኣካል መጺእካ ድምጺ ምሃብ ኣጸጋሚ እንተኾይኑ ፡ ኣብ መጀመርያ ድምጺ ምሃብ ፡ ብፖስታ ድምጺ ምሃብ ፡ ፡ ወይ ድማ ድምጺ ብቴሌፎን ምሃብ ክመርጹ ይኽእሉ ።

ሓደ ወሃቢ ድምጺ ኣብ ካልእ ግዝኣት እንተልዩ ፡ ኣብ መጀመርያ ናይ ድምጺ ማእከል ወይከኣ ኣብ ፖስታ ድምጺ ክህቡ ይኽእሉ ።

ኣብ እዋን ምርጫ ኣብ NSW ዝተመዝገቡ ግን ከኣ ኣብ ወጻኢ ሃገር ዝነብሩ ብ ፖስታ ድምጺ ክህቡ ከድልዮም እዩ ።

ሓበሬታ ብብዙሕ ቋንቋታት

ኮምሽን ምርጫ NSW ከመይ ጌርኩም ክትምዝገቡን ክትመርጹን ከምዘለኩም እንግሊዝኛ ሓዊስካ ብ25 ቛንቛታት ሓበሬታ ይህብ ።

ብኣካል ብዙሕ ቋንቋታት ዝዛረቡ ሰራሕተኛታት ወይ ወለንተኛታት ኣብቲ መጀመርያ ወይ ኣብ መዓልቲ ምርጫ እንታይ ዓይነት ቋንቋ ኽድግፉ ከም ዝኽእሉ ዝሕብር ባጅ ተኸዲኖም ይጸንሑ ።

እቲ ኮሚሽን ኣብቲ ዝርዝር ንዘይተኻተተ ቛንቛታት ብዘይኽፍሊት ብናጻ ናይ ስልኪ ኣስተርጓማይ ኣገልግሎት ይህብ ።

ኣባላት ምርጫ ኣብ ማእከል ድምጺ ሓፋሽ ተወሳኺ ናይ ቋንቋ ደገፍ እንተደልዮም ምስ ናይ ትርጉምን ኣስተርጓማይ ኣገልግሎት (TIS National) ከራኽቡ ይኽእሉ ።

ኮሚሽን ምርጫ NSW ኣብ ማሕበረሰብ ብዛዕባ ዝዝርጋሕ ምርጫ ናይ ሓሶት ሓበሬታ ንምእላይ ፡ ኣሰራትን ነቲ መስርሕ ምርጫ ግጉይ ሓበሬታታትን ዘህስስን ናይ ሓሶት ወረታት ዘህስስን ሓበሬታ የካይድ ኣሎ ።

ብዛዕባ ከመይ ጌርኩም ድምጺ ከምትህቡ ሓበሬታ ንምርካብ ኣብ elections.nsw.gov.au ብጽሑ ወይ ብ 1300 135 736 ደውሉ።