መዓልቲ ኣንዛክ መዓልቲ ሓርበኛታት ኣብ ኣውስትራሊያ ክዝከር ዘርእይ ስእልታት።

ታሪኽ መዓልቲ ኣንዛክ (Anzac Day)

ሎሚ ሓሙስ መበል 109 ዓመት ዝኽሪ ናይቲ ብ25 ሚያዝያ 1915 ኣብ ጋሊፖሊ ፡ ቱርኪየ ፡ ወተሃደራት ኣውስትራልያን ኒው ዚላንድን ፡ ኣብ ቀዳማይ ውግእ ዓለም ምስ ወተሃደራት ብሪጣንያ ፡ ፈረንሳን ህንድን ዝዓረፍሉ እዋን እዩ ።

ሚኒስተር ምክልኻል ሪቻርድ ማርለስ ኣብቲ ኣብ ጋሊፖሊ ዝግበር ጽምብላት ይካፈል ኣሎ ።

ማርለስ ፡ "ብዛዕባ እቲ ኣብ ጋሊፖሊ እተገብረ ስርሒት ክንሓስብ ከለና ፡ ብጻይነትን መስዋእቲን ኢና ንሓስብ ፣ ነቲ ወተሃደራት ኣንዛክ ዝገበርዎ ዘደንቕ ተግባራት ከኣ ነድንቕ"

"ነቶም ኣብዚ እዋን እዚ ኣብ ስርሒታት ተዋፊሮም ዘለዉ 1500 ኣባላት ምክልኻል ኣውስትራሊያ ኣፍልጦ ንህበሎም ኢና ፤ ነቶም ልዕሊ 103,000 ኣውስትራሊያዊያን ን ሃገርና ህይወቶም ዝሃቡ ክብሪ ኣለና።"

እቲ መዓልቲ ፡ ኣብ ቀዳማይ ውግእ ዓለም ፡ ወተሃደራት ኣውስትራልያን ኒው ዚላንድን ንፈለማ እዋን ኣብ ውግእ ዓለም ከቢድ ውግእ ዝገበርሉ እዩ ነይሩ ።

ኣብ ዋና ከተማ ናይ ወጋሕታ ስነ ስርዓት ዝኽርን ምረሻን

ኣብ ካንበራ ፡ ኣብቲ ኣስታት 32,000 ሰባት ተኣኪቦምሉ ዝነበሩ ስነ ስርዓት ዝኽሪ መጠን ሙቐት ናብ 2 ዲግሪ ሰንቲግሬድ እዩ ዝሒሉ ነይሩ።

ኣብ ቀዳማይ ውግእ ዓለም ካብ ኣባላት ኣንዛክስ እተላእከ ደብዳበታት ተነብበ: ዝርዝር ስም እቶም ዝወደቑ ወተሃደራት ከኣ ኣብቲ ኣብ ካንቤራ ዝርከብ ህንጻ በሪሁ ፣ እቲ ስነ ስርዓት ካብ ሰዓት 5.30 ቅ.ቀ. ጀሚሩ ፡ ብናይ ሓደ ደቒቕ ስቕታ ተዛዘመ ።

ዂንስላንድ

ኒው ሳውዝ ወልስ (NSW)

ቪክቶሪያ