ኣባላት ኩዑሶ እግሪ ደቂ ኣንስትዮ ኢራን ኣብ ኣውስትራሊያ ናይ ዑቕባ መስርሕ ኣብ መዲያታት ደሚቑ ክረአ ቐንዩ ፡ ምስታ ጉጅለ ዝመጻ ሸውዓተ ደቂ ኣንስትዮ ኣብዚ ሰሙን ኣብ ኣውስትራሊያ ዑቕባ ክወሃባ ከለዋ ፡ መንግስቲ ድማ ኣብ ፓርላማ ናይ ኢሚግሬሽን ሕጊታት ቀይሩ ።
10 መዓልቲ ድሕሪ'ቲ ኣባላት ሃገራዊት ጋንታ ኢራን፡ ከም ምልክት ተቓዉሞ ዝተራእየ ኣብ ዋንጫ ሃገራት ኤስያ ናይ ሃገረን ሃገራዊ መዝሙር ምዝማር ምእባየን ፡ ሓሙሽተ ተጻወትቲ ናብ ኢራን እንተተመሊሰን ንደሕንነተን ብምስጋእ ፡ ኣብ ኣውስትራልያ ክጸንሓ ብምውሳን ናይ ሰብኣዊ ቪዛ ተቐቢን ።
ድሕሪ ሓደ መዓልቲ ፡ ረቡዕ ሚኒስተር ውሽጣዊ ጕዳያት ሃገር ቶኒ ቡርክ ፡ ነቲ ኣውስትራልያ ዘቕረበቶ ሕቶ ዑቕባ ተወሰኽቲ ክልተ ተጻወትቲ ከም እተቐበልኦ ከረጋግጽ ከለዉ ፡ እቶም ዝተረፉ ኣባላት እታ ጋንታ ድማ ናብ ማሌዥያ ብነፋሪት ተሳፊሮም ከዱ ። ሚስተር በርክ ጸኒሑ ሓንቲ ካብተን ተጻወትቲ ሓሳባ ከም ዝቐየረት ገሊጹ ።
ብረቡዕ ፈደረሽን ኩዕሶ እግሪ ኢራን፡ ኣውስትራልያውያን እተን ተጻወትቲ ኣብ ኢራን ክእሰራ ወይ ክቕተላ ምዃነን "መሰረት ዘይብሉ ክሲ" ነተን ተጻወትቲ ከም ዝነገርዎም ገሊጹ ።
ሓላፊ ፈደረሽን ኩዕሶ እግሪ ኢራን ማህዲ ታጅ ፡ እታ ጋንታ ምስ ማቲልዳስ ድሕሪ ዘካየደቶ ግጥም ፡ "ፖሊስ ኣውስትራልያ ጣልቃ ብምእታው ንገለ ካብቶም ተጻወትቲ ካብቲ ሆቴል ወሲዶምዎም" ኢሉ ።
"እተን ተጻወትቲ እንተተመሊሰን ፡ ንኹለን ክኣስሩወንን ክቐትልዎንን እዮም ኢሎም ነጊሮመን ፡ እዚ መሰረት ዘይብሉ ጠለባት እዮም ኣቕሪበሙለን" ክብል ታጅ ኣብ ናይ ኢራናውያን ተለቪዥን እታ ሃገር ብ ፋርሲ ዝተዛረቦ፡ SBS ኒውስ ከም ዝተርጐሞ ገሊጹ ።
ሚስተር በርክ ንጋዜጠኛታት ኣብ ዝሃቦ መግለጺ ፡ "ዑቕባ ንምሕታት ዕድል" ከም እተዋህቦምን 'ጸቕጢ ከም ዘይነበሮምን "ሓቢሩ ።
"እቲ ዘዘራረብናዮ ነገር ፡ ዚህወኽ ከም ዘየልቦ ፡ ጸቕጢ ከም ዘየጋጠመ እዩ ። ኵሎም እቶም ውልቀ-ሰባት ምርጫ ክገብሩ ክብሪ ከም ዘለዎም ምርግጋፅ ጥራይ እዩ ነይሩ "በለ ።
ኣተሓሕዛ ሓተቲ ዑቕባ ኣብ ትሕቲ ዝተሓደሰ ምጽራይ ጉዳያት
ማእከል ሓተትቲ ዕቑባ ንኢራናውያን ተጻወቲ ዕቑባ ስለዝተዋህባ ብሃጎስ ዝተቐበሎ ኮይኑ ፡ እንተኾነ እዚ ናይ መጀመርታ ስጉምቲ ምዃኑ ኣተንቢሁ ።
"እዚ ስጉምቲ 'ዚ ፡ ብዙሓት ኢራናውያን ናብ ኢራን ክምለሱ እንተተገዲዶም ከጋጥሞም ንዝኽእል ከቢድ ሓደጋ ዘቃልል ርህሩህን ግብራውን ስጉምቲ እዩ" ይብል ሓላፊ Asylum Seekers Centre ፡ ኤልያስ ቡሎ ኦሃም ኣብ ዝሃቦ መግለጺ ።
"እዛ ህሞት እዚኣ ግና መጀመርታ እምበር ፡ መወዳእታ ኣይኰነትን ። እዚ ነቶም ኣብ ሰንፈላል ኮይኖም ኣብ ማሕበረሰብና ዑቕባ ዝሓቱ ዘለዉ ብዙሓት ኢራናውያን ፡ ርጉጽነትን ውሕስነትን ይጽበዩ ከም ዘለዉ ዘጉልሕ ክኸውን ኣለዎ "ይብል ።
ቡኦል ፡ ኵሎም እቶም ዑቕባ ዝሓተቱ ሰባት ፡ እቲ ሓደጋ ከም ዝስምዕዕም ምግንዛብ ግቡእ ከም ዝዀነ ገለጸ ።
ኣብዚ ሰሙን እዚ ፡ መንግስቲ ፈደራል ፡ ብምኽንያት እቲ ኣብ ማእከላይ ምብራቕ ዘሎ ውግእ ፡ ካብ ገሊአን ሃገራት ንዝመጹ ሰባት ግዝያዊ ቪዛ ኸይረኽቡ ዝዓግት ሕጊ ኣተኣታትዩ ኣሎ ።
ንኡሳንን ናይ ዉልቂን ሰልፍታት ነቲ ስጉምቲ ዝተቓወምዎ ኮይኖም፡ ፣ ወሃቢ ቃል ኢሚግሬሽን ሰልፊ ግሪንስ ዴቪድ ሾብሪጅ ፡ እቲ ለውጢ "ግብዝነት" ኢሉ ብምጽዋዕ ፡ ኣብ ማእከላይ ምብራቕ ዘሎ ውግእ ዕቝባ ንምርካብ ንኢራናውያን ክዓግቶም ከም ዝኽእል ገሊጹ ።
ኣብ ካንቤራ ንጋዜጠኛታት ኣብ ዝሃቦ መግለጺ ፡ "ሰልፊ ለበር ንብ ኣጻብዕ ዝቑጸራ ተባዓት ኢራናውያን ተጻወትቲ ኩዕሶ እግሪ ደቂ ኣንስትዮ ዕድል ኣብ ዝሃበትላ መዓልቲ ፡ ቪዛ ተዋሂብዎም ንዝነበሩ 7,200 ኢራናውያን ፡ ናይ ጸጥታ ንጹርነት ዘለዎም ሰባት ማዕጾ ዓጽይሎም ኣሎ" ኢሉ ።
እቲ መንግስቲ ነቲ ሕጊ ኣብ ፍሉያት ሃገራት ኣየተኵርን 'ዩ ፡ ዝበለ ሚስተር በርክ እንተኾነ ኩነታት ኢራን ከምዝተቐየረ ገሊጻ ።
ብረቡዕ ንጋዜጠኛታት ኣብ ዝሃቦ መግለጺ ፡ "ብዝሒ በጻሒ ቪዛ ኣዝዩ ኣገዳሲ ዝዀነሉ እዋን ፍልይ ዝበለ እዩ" በለ ።
ማእከል ሓተትቲ ዕቑባ ኢራናውያን ናይ ድሕነት ፡ ርትዓዊ መስርሕን ንጹር መንገዲ ናብ ቀዋሚ ውሕስነት ክኽፈተሎም ጸዊዑ ።
ቡሎ ፡ "ዕቝባ ኣብ መድረኽ ኩነታት ኽምርኮስ የብሉን" ኢሉ።
For the latest from SBS News, download our app and subscribe to our newsletter.
