እቲ ኤሪክ የቮን ዘቕረቦ ዲዛይን ፡ገዛእ ርእስኻ ትገልጸሉ፡ ብዙሕነትን ንኹሉ ዘካትትን ከምዝኾነ እዩ ተገሊጹ ።
ኣብ መልበርን ዝመደበሩ ናይ ፋሽን ዲዛይነር ን SBS ዜና "ንኹሉ ሰብ ዝኸውን ክዳውንቲ ክንሰርሕ ንደሊ ኢና ። ስለዚ ነዚ ኣብ ግምት ዘእተወ እዩ" ኢሉ ።
"ሓደ ንድፊ ፡ መስመር ወይ ቍርጽራጽ ክፈጥር ከለኹ ፡ ንዅሉ እቲ ቅርጺ ዝውክል ክከውን ኣለዎ ።"
ኣብ ሲድኒ ዝመደበሩ ዲዛይነር ን SBS ዜና ኣብ ዝሃቦ ሓበሬታ "ዝያዳ ፈተነ ክትገብር ትኽእል ኢኻ ፡ ዘሐጉስ እዩ " ኢሉ ።
"ሰባት እንታይ ከም ዝኽደኑ ኸይነገሩ ፡ ናይ ገዛእ ርእሶም ቅዲ ኽሕዙ እዮም ዝደልዩ ።"
ካብ ጾታ ነጻ ዝኾነ ክዳውንቲ ዕዳጋ ብቕልጡፍ ይዓቢ ኣሎ ፡ ኣብ 2030 ብዙሕ ሚልዮን ዶላር ከውጽእ ምዃኑ ተንተንቲ ይንበዩ ።
ናይ ኣውስትራሊያ ናይ ፋሽን ቤት ምኽሪ ዋና ኣካያዲ ስራሕ ለይላ ናጃ ሂብሪ ናይ ጾታ ብዙሕነት ምሕቋፍ ንኢንዱስትሪ "ሓድሽ ኣይኮነን" ትብል ።
"ኣብ ሓደ እዋን ፡ መልክዕ ተባዕታይን ኣንስተይትን በበይኑ ነርኢ ነበርና ፣ ስለምንታይ ከምኡ ከም ዝዀነ ድማ ኣይርድኣንን" በለት ።
"ፋሽን ብዛዕባ ገዛእ ርእስኻ፡ ጾታዊ ስምዒትካ: ዝዀነ ይኹን ጾታኻ ምግላጽ እዩ ።"
ዋክካ ዋካ ሞዴል ካይ ክላንሲ ከምዝብሎ ናይ ኣውስትራሊያ ፋሽን ኢንዱስትሪ ብዙሕ ናይ ጾታ መለለይታትን መግለጺታትን ኣብ ምርኣይ ዝሓሸ እናኾነ ይመፅእ እኳ እንተሎ ገና ምምሕያሽ የድልዮ እዩ ።
