ናይ ውድብ ሕቡራት ሃገራት መርመርቲ ፡ እስራኤል ኣብ ጋዛ "ዓሌት ምጽናት" ከም ዝፈጸመት ብምኽሳስ ፡ ኣብቲ "ንፍልስጤማውያን" ንምጥፋእ ኣብ እተገብረ ጭፍጨፋ ፣ ስም ቀዳማይ ሚኒስተር እስራኤልን ካልኦት ላዕለዎት ሰበ ስልጣንን እስራኤል ተጠቒሶም ኣለዉ ።
ናይ ውድብ ሕቡራት ሃገራት ነጻ ኣህጉራዊ ኮምሽን ምጽራይ (COI) ፡ ኣብ ክንዲ ናይ ዓለም ኣካላት ዘይዛረብን ተሪር ናይ እስራኤል ነቐፌታ ዘስዕበሉን ፡ "ዓሌታዊ ጽንተት ኣብ ጋዛ ይፍጸምን ይቕጽል ከም ዘሎን" ዋና ኮሚሽን ናቪ ፒላይ ገሊጹ ።
ፒላይ ፡ "ሓላፍነት ናይዚ ገበን እዚ ፡ ሰበ-ስልጣን እስራኤል ብዝለዓለ ዝሕተቱ ኮይኖም ኣብቲ ንፍልስጤማውያን ኣብ ጋዛ ንምጥፋእ ፍሉይ ዕላማ ዘለዎ ንክልተ ዓመት ዝኣክል ጅምላዊ ቅትለት ዝፍጽሙሉ ዝለዓለ ኢድ ዘለዎም ሰባት እዮም " በለ ።
እቲ ኮሚሽን ፡ ነቲ ኣብ ክልታት ፍልስጤም ዘሎ ኵነታት መሰላት ናይ ምጽራይ ዕማም ዝሓዘ ኰይኑ ፡ እቲ ውግእ ኣብ ጋዛ ካብ ዝውላዕ ድሕሪ ክልተ ዓመት እዩ ፡ ሰሉስ ነቲ እዋናዊ ጸብጻብ ኣውጺእዎ ዘሎ ።
ካብቲ ሓማስ ብ7 ጥቅምቲ 2023 ዝፈጸሞ መጥቃዕቲ ስዒቡ 30 ቖልዑ ዝርከብዎም 1200 ሰባት ድሕሪ ምቕታሎምን 200 ጅሆ ምሓዞምን ፡ እስራኤል ንጋዛ ብነፈርቲ ንኽልተ ዓመት ደብዲባታ እያ ።
ብመሰረት ሰብ መዚ ጥዕና ፍልስጤም ፡ ኣብቲ እስራኤላውያን ንሓማስ ኣብ ጋዛ ንምድምሳስ ኣብ ዝገበርዎ ተኸታታሊ ወፈራ ፡ ልዕሊ 64,000 ፍልስጤማውያን ከም እተቐትሉን ንመብዛሕትኡ እቲ ብጻዕቂ ልዕሊ ክልተ ሚልዮን ህዝቢ ዝነብረሉ ከባቢ ከም ዘይነበረ ገይሮሞ እዮም ።
እቲ ብ7 ጥቅምቲ ዘጋጠመ መጥቃዕቲ ፡ ኣብቲ ኣብ መንጎ እስራኤልን ሓማስን ንነዊኅ እዋን ዝጸንሐ ግጭት ፡ ናብ ዝለዓለ ጥርዚ ኣደይብዎ እዩ ።
እስራኤል ነታ ምሉእ ብምሉእ ዓጸቦ ከምዝኣተዋ ዝኣወጀት ከተማ ጋዛ ንምቍጽጻር ጻዕርታት ኣብ እተካይደሉ ዘላ እዋን ፡ መብዛሕትኦም ጋዛውያን እንተ ወሓደ ሓንሳእ ካብ መረበቶም ተመዛቢሎም እዮም ።
