መንግስቲ ኤርትራ ምናልባት ምስ’ዚ ጀሚርዎ ዘሎ ሓድሽ መድረኽ ርክብ ምስ ኢትዮጵያን ውሱን ክፉትነትን ንምቅዳውን ንምውዳድን ይሰርሕ ከምዘሎ ይፍለጥ’ዩ። ከም መቐጸልታ ናይ’ዚ መስርሕ ጀነራል ስብሓት ኤፍረም ንቡር ናይ ሚኒስተር ምክልኻልነት ቦታኡ ክሕዝ’ዩ ኣብ ዝብሃለሉ ዘሎ እዋን ጠቕላሊ ሓለቓ ስታፍ ሓይልታት ምክልኻል ኤርትራ ጀነራል ፊሊጶስ ወልደየውሃንስ ከኣ ኣብ ልዕሊ እዚ መዓስከር ሳዋ፡ ምብራቓዊን ማእከላውን እዝታት ተወሲኹሉ ከምዘሎ ተፈሊጡ። እዚ ከም’ዚ ኢሉ እንከሎ ወናኒ ኣገልግሎት ፕረሰንስ ቲቪ (Presence TV) ነቢይ ሱራፍኤል ደምሴ በታ ቀዳመይቲ ነፋሪት መገዲ ኣየር ኢትዮጵያ ናብ ኣስመራ ዝገበሮ ምብጻሕ ዝዝከር ኮይኑ፡ ንዕኡ ንምቕባልን ኣብ ቀጽሪ ሆቴል ኣስማራ ፓላስ (Asmara Palace) ዝገብሮ ዝነበረ ስብከት ዝተሓባበርዎ ዝነበሩ ኣመንቲ ብኣባላት ጸጥታ ካብ ኣባይቶም ይልቀሙ ከምዘለዉ ተፈሊጡ።
Share
