'ትራምፕ ክብትነና'ዩ ዝፍትን ዘሎ።" ቀ/ሚ ማርክ ካርኔ ኣብ ምርጫ ካናዳ ከም ዝተዓወተ ኣብ ዝገለጸሉ ዝበሎ።

ፒየር ፖይልየቭ መራሒ ዓቃባዊ ሰልፊ ካናዳ ፡ ንመራሒ ሰልፊ ሊብራል ዝኾነ ካርኒን ንሰልፉን ከምዝተሳዕረ ገሊጽሉ።

Mark Carney, who had never held elected office and only replaced Justin Trudeau as prime minister last month, previously served as central bank governor in both Canada and Britain. Source: AP / Nathan Denette

እቲ ሓድሽ ተመሪጹ ዘሎ ቀዳማይ ሚኒስተር ካናዳ ማርክ ካርኒ ኣብቲ ናይ ዓወት መደረኡ ፡ ሃገሩ ነቲ ሕቡራት መንግስትታት ኣመሪካ ዝፈጸመቶ ናይ "ጥልመት" ትምህርቲ ክትወስደሉ ኣለዋ፡ ብምባል ሰልፉ ድሕሪ ምዕዋቱ ንፕረዚደንት ዶናልድ ትራምፕ ፡ ተቓዉሞኡ ገሊጽሉ።

ኣብ ኦታዋ ንዝተኣከቡ ደገፍቲ ፡ "ነዚ ናይ ንግዲ ውግእ ክንዕወተሉ ኢና" ክብል ገሊጽሎም። ካርኒ ብተወሳኺ ብዛዕባ እቲ ኣብ መጻኢ ብሰንኪ ናይ ትራምፕ ዝወሰኖ ግብርን ስግኣት ምድማርን ዝመጽእ "በዳሂ" መዓልትታት ከምዝህሉ መጠንቀቕታ ሂቡ ።

ካርኒ ፡ "እቲ ኣብ ኣመሪካ ዝተፈጸመ ጥልመት ኣዝዩ ኣሰንቢዱና ፣ ኰይኑ ግና ፡ ነቲ ዝሃበና ትምህርቲ ፈጺምና ኽንርስዖ የብልናን" በለ ።

"ንኣዋርሕ ዝኣክል ከጠንቅቖም ከም ዝጸናሕኩ ፡ ኣመሪካ፡ ምድርና ፡ ጥሪትና ፡ ማይና ፡ ሃገርና እያ እትደሊ ዘላ።

"እዚኣቶም ንምጕብዕባዕ ጥራይ እተባህሉ ኣይኰኑን ። ፕረሲደንት ትራምፕ ኣመሪካ ምእንቲ ኽትውንነና ፡ ከሰብረና ይጽዕር ኣሎ ። እዚ ከቶ ኣይኪኸውንን እዩ " ክብል ገሊጹ ።

CBC ን CTV News ክልቲኦም ሰልፊ ሊብራል ኣብ ልዕሊ ብፒየር ፖይሊቭረ ዝምራኽ ሰልፊ ኮንሰርቫቲቭ ፡ ኣብ ካናዳ ዝቕጽል መንግስቲ ከም ዘቝሙ ሓቢሮም ነይሮም ፣ ኰይኑ ግና ፡ እቲ ተዓዋቲ ሰልፊ ናይ ኣብዝሓ መንግስቲ ከምዘቕውም ርግጸኛታት ኣይነበሩን።

እቲ ትራምፕ ኣብ መዓልቲ ምርጫ ኣብ ማሕበራዊ መራኸቢታት ንካናዳ ምስ ኣመሪካ ከምዝሕውሳ ምስ ገለጸን ናይ ንግዲ ውግእን ፡ ንካናዳውያን ኣቘጢዕዎም እዩ ፣ እቲ ምርጫ ድማ ምስ ኣመሪካ ኣብ ዝግበር ወፍሪ ዝለዓለ ትኹረት ተዋሂብዎ ሓሊፉ።

እቲ ኣብ ዝሓለፈ ወርሒ ስልጣን ሒዙ ዘይፈልጥ ንነበር ቀዳማይ ሚኒስተር ትሩዶ ተኪኡ ቀዳማይ ሚኒስተር ኰይኑ ዘገልገለ ካርኒ ፡ ጸረ-ትራምፕ መልእኽቲ እቲ ቀንዲ መልእኽቲ ጎስስጓሱ ገይሩ ተጠቒሙ እዩ ።

ኣቐድም ኣቢሉ ኣብ ብሪጣንያን ካናዳን ኣመሓዳሪ ማእከላይ ባንክ ኰይኑ ብምግልጋሉ: ነቶም ኣድመጽቲ ድማ ዓለማዊ ናይ ገንዘብ ተመክሮኡ ኣብ ናይ ንግዲ ውግእ ንካናዳ ከም ዘዐውቶም ንካላናድውያን ከእምኖም ኪኢሉ ኣሎ ።

Mark Carney has never held elected office before and was only appointed as Canada's prime minister last month. Source: AAP / Sean Kilpatrick/AP