Match pauses will allow footballers and match officials observing Ramadan to take on liquids, or energy gels.
- ኣብ ዓዲ እንግሊዝ ዝርከቡ ሙስሊም ተጻወቲ ኩዑሶ እግሪ ፡ ኣብ እዋን ጸወታታት ጾሞም ንኽስዕሩ ዕድል ክወሃቦም እዩ ።
- ልዕሊ ሓደ ቢልዮን ዝዀኑ ኣብ መላእ ዓለም ዝርከቡ ኣመንቲ ምስልምና ፡ ንሓደ ወርሒ ኣብ ሰዓታት ቀትሪ ኺጾሙ ፡ ጸሓይ ምስ ዓረበት ድማ ጾሞም ኪሰብሩ እዮም ።
ኣብ ክልተ ዓበይቲ ሊጋት ብሪጣንያ ዝወዳደሩ ሙስሊም ተጻወቲ ኲዕሶ እግሪ ፡ ኣብ ረመዳን ጾሞም ንኸፍጥሩ ዕድል ከም ዝወሃቦም ተሓቢሩ ኣሎ ።
ታሽዐይቲ ወርሒ ዓውደ ኣዋርሕ ሉናር ዝዀነት ረመዳን ፡ ረቡዕ እትጅምር ኰይና ፡ ዓርቢ 21 ሚያዝያ ምሸት ክትዛዘም እያ ።
ኣብ መላእ ዓለም ንዚርከቡ ሰዓብቲ እምነት ምስልምና ፡ እንተላይ ላዕለዎት ተጻወቲ ኩዕሶ እግሪ ዝርከብዎም ልዕሊ ሓደ ቢልዮን ዝዀኑ ሰባት ፡ ኣብ ውሽጢ ሓደ ወርሒ ጸሎትን ግብረ ሰናይን ከካይዱ ይተባብዑ እዮም ።
ናይ ዳንነት ኣካላት ንሰበ-ስልጣን ፕሪመር ሊግን እንግሊዝ ፉትቦል ሊግን ከም ዝሓበርዎም ፡ ኣብ እዋን ጸወታ ባህርያዊ ዕረፍቲ ምስ ዝህሉ ፡ ከም ድሕሪ ሸቶ ምምዝጋብ ወይ ቅላዓት ፡ እዞም ተጻወትቲ ኣብ እዋን ዕራርቦ ጾም ከፍጥሩ ከም ዝኽእሉ ፡ ስካይ ኒውስ ዓዲ እንግሊዝ ሓቢሩ ።
እዚ ፡ እቶም ንራመዳን ዝጾሙ ተጻወቲ ኵዑሶ እግሪ ኰነ ሰበ ስልጣን ፡ ፈሳስን ሓይሊ ዝህብን ወይ ካልእ ነገራትን ንኺወስዱ ከኽእሎም እዩ ።
ብዘይካዚ ፡ እቶም ደያኑ ቅድሚ ጸወታ ምጅማሩ እቶም ዚጾሙ ተጻወትቲ ከለልዩን ኣብ ጸወታ ንዕረፍቲ ዝኸውን ግዜ ኣብ እተመደበሎም ሰዓት ክሰማምዑን ኪኢሎም ኣለዉ ።
ናይ ሊቨርፑል ኣጥቃዓይ መሓመድ ሳላሕ ፡ ናይ ቸልሲ ኣከፋፋሊ ኒጎሎ ካንተ ከምኡ ድማ ኣብ ማንቸስተር ሲቲ ቨንገር ሪያድ ማህረዝን ካብ መንጎ እቶም ኣብ ሰዓታት ቀትሪ ካብ ምብላዕን ምስታይን ክቝጠቡ ትጽቢት ዝግበረሎም ተጻወትቲ እዮም ።
ኣብ ዝሓለፈ እዋናት ፡ ሓንቲ ጋንታ ኣቐዲማ ሕቶ እንተ ኣቕሪባ ፡ ኣብ እዋን ጸወታ ፕሪመር ሊግ እንግሊዝ ደው ከተብል ፈቒዱ እዩ ።
ኣብ 2021 ኣብ መንጎ ሌስተር ሲቲ ክሪስታል ፓላስን እተኻየደ ግጥም ፡ ዳይና ግራሃም ስኮት ድሕሪ ፍርቂ ሰዓት ደው ኣቢሉ ፡ ናይ ሌስተር ተጻዋቲ ወስሊ ፎፋናን ናይ ክሪስታል ፓላስ ቸኩ ኩየትን ድሕሪ ዕራርቦ ጸሓይ ጾሞም ከፍጥሩ ክኢሎም እዮም ። እቲ ንፈለማ እዋን ኣብ ግጥማት ፕሪመር ሊግ እንግሊዝ እተገብረ ሓጺር እረፍቲ ፡ ቅድሚ እቲ ግጥም ኢፍጣር ክግበር ኣብ ስምምዕ ተበጺሑ ነይሩ እዩ ።
- With Reuters.
