'ኩለን ንኣሽቱ ኣዋልድ ገጸን ኣባይ ተንጸባሪቑ ክርእያ እትስፎ': ናይ 2019 ሚስ ዩኒቨርስ ደቡብ ኣፍሪቃዊት ተጣባቒት

ናይዚ ዓመት ዉድድር መልክዕ ጽባቐ ዓለም ደቡብ ኣፍሪቃዊት ዞዚቢኒ ቱንዚ ብምዕዋታ ድሕሪ 8 ዓመታት ነዚ ዓወት ዝጨበጠት ጸላም ጓል ኣንስተይቲ ኮይና።

Miss South Africa Zozibini Tunzi is crowned Miss Universe 2019. Source: AAP

ብሰንበት ኣብቲ ኣብ ኣትላንታ ብምዕሩግ ኣገባብን ደቂ ኣንስትዮ ዘሐይል መደረታት ተሰኒዩ ዝተጸምበለ ሚስ ደቡብ ኣፍሪቃ እያ ነቲ ሚስ ዩኒቨርስ ዝበሃል ኣኽሊል ጽባቐ ተሸሊማቶ።

 ጓል 26 ዓመት ዞዚቢኒ ቱንዚ ንተን ኣብናይ መወዳእታ ዓወት በጺሐን ዝነበራ ጓል ፖርቶ ሪካዊትን መክሲካዊት መልክዕኛታት ጸብለል ኢላ ብምውጻእ እያ ተዓዋቲት ኣኽሊል ጽባቐ ኮይና።

Miss South Africa Zozibini Tunzi reacts after being crowned Miss Universe 2019. Source: AAP

ሚስ ቱንዚ ተዓዋቲት ኮይና ድሕሪ ምውጻኣ ኣብዘስምዓቶ ዘረባ ነኣሽቱ ኣዋልድ ርእሰ ተኣማንነተን ከዕብያ ከተሐይለን ከምትሰርሕ ገሊጻ።

"ነዓይ ምስዝዝመስላ ደቂ ኣንስዮ እየ ዓብየ። ከምናተይ ሕብሪ ቆርበትን ዓይነት ጸጉሪ ዘለወን ኮይነን መልክዐኛታት ምዃና ተሰሚዑና ኣይፈልጥን” ኢላ።

"ከምዝመስለን እቲ ግዜ ሎሚ ኣብቂዑ እዩ።" ምስበለት ነጎድጓዳዊ ጣቒዒት ተለጊሱላ።

ሚስ ቱንዚ ኣብቲ ንመበል 68 ኣብ ኣትላንታ Tyler Perry ስቱዲዮ ዝተዳለወ ሚስ ዩኒቨርስ ዝተዓወተት ካብ ብዙሓት ሃገራት ንዝተወዳደራ 90 ተወዳደርቲ እያ ስዒራ።

Miss South Africa Zozibini Tunzi walks on stage before being crowned Miss Universe 2019. Source: AAP

እቲ ኣኽሊል ዓወት ካብታ ሚስ ዩኒቨርስ 2018 ዝነበረት ፊሊፒናዊት ካትሪዮና ግረይ እዩ ንሚስ ቱንዚ ተረኪቡ።

እቲ ዉድድር ናይ ጽባቐ መልክዕ ኣብዝሓለፈ እዋን ኣዛራቢ ነገራት ተፈጺምሉ እዩ። ሓደ ካብኡ ናይ ኣመሪካ ፕረሲደንት ዶናልድ ትራምፕ ነቲ ትካል ካብ 1996-2015 ወኒንዎ ኣብዝነበረሉ እዋን ናብቲ እተን ዝወዳደረ መልኽ ዕኛታት ክዳነን ዝቕይራሉ ክፍሊታት እናኣተወ የሸግረን ከምዝነበረ ይግለጽ።

ብተወሳኺ ተወዳደርቲ ንሚስ ዩኒቨርስ ዝወዳደራ ኣብ ተለቪዥን ዘይመሓላለፍ እኳ እንተኾና ናይ መሐምበሲ ፕታንቲ ወድየን ምውድዳረን ብዙሕ ወቐሳ እዩ ዝወርዶ።