መገዲ ኣየር ኢትዮጵያ ካብ ኣስመራ ናብ ኦስሎ ቀጥታዊ በረራ ክጅምር እዩ።

መገዲ ኣየር ኢትዮጵያ ኣገልግሎቱ ካብ ኣስመራ ናብ ኦስሎ ኖርወይ ቀጥታዊ በረራ ከምዝጅምር ኣፍሊጡ። ኣብዚ እዋን እቲ መገዲ ኣየር ካብ ኣዲስ ኣበባ ናብ ኦስሎ ብመገዲ ስቶክሆልም እዩ በረራኡ ዝገብር። እዚ በረራ ኣብ ሰሙን ኣርባዕተ ግዜ ዘሎ ኮይኑ ምስ ምጅማር እቲ ካብ ኣስመራ ዝግበር ቀጥታዊ በረራ ኣብ ሰሙን ናብ ሽዱሽተ ግዜ ክብ ክብል እዩ።

በዚ ሓዲሽ ናይ በረራ መስመር መሰረት ካብ ኣዲስ ኣበባ ናብ ኣስመራ፡ ኤርትራ ብድሕር’ዚ ናብ ኦስሎ፡ ኖርወይ ኣብ መወዳእታ ድማ ስቶክሆልም፡ ስዊድን (ADD-ASM-OSL-ARN). ክኸውን ማለት ከምዝኾነ ተገሊጹ ኣሎ። . እዚ መስመር ናይ ፈለማ መስመር ካብ ኤርትራ ብቐጥታ ናብ ኣውሮጳ ዝግበር መስመር ምዃኑ ተፈሊጡ ኣሎ።