ሓደ ኣብ ምዕራብ ፐርዝ ኣብ ዝርከብ ቤት ናይ ቀደም ኣፍቃሪቱ ንምድላይ ምስከደ ፡ ቅድሚ ገዛእ ርእሱ ምቕታሉ፡ ኣብ ኡ ዝጸንሓቶ መሓዛኣን ጓላን ብጥይት ቀቲልወን ።
እታ ጓል 59 ዓመት ሰበይቲ ኣብቲ ቦታ ብኡ ንብኡ ክትመውት'ከላ እታ ጓል 18 ዓመት ጓላ ድማ ከቢድ ማህሰይቲ ኣጋጠምዋ: ጸኒሓ ከኣ ኣብ ሆስፒታል ሞተት ።
እቲ ወዲ 63 ዓመት ሰብኣይ ፡ ነታ ኣብቲ ግዜ እቲ ኣብቲ ገዛ ዘይነበረት ናይ ቀደም መጻምድቱ ንምርካብ ፡ ሰዓት 4.30 ድ.ቐ. ናብቲ ቦታ ከም ዝመጸ ፡ መርመርቲ ገሊጾም።
መርማሪ ፖሊስ ዋኦ ዴቪድ ጎርተን ፡ ዓርቢ ድሕሪ ቀትሪ ኣብ ከባቢ ፍሎራት ናብ ዝርከብ ሓደ ገዛ ፡ ፖሊስ ከም እተጸውዐ ሓቢሩ ነይሩ ።
እቲ ናይ መወዳእታ ጥይት ኣብ እተተኰሰሉ እዋን ፡ ፖሊስ ኣብ መገዲ ከም ዝነበሩ ገሊጹ ።
"እቲ ኣብ መወዳእታ እተተኰሰት ጥይት ፡ እቲ ሰብ ኣይ ህይወቱ ዘጥፍኣላ ምዃና ኢና እንኣምን" በለ ።
እቲ ሰብኣይ ኣብ ፖሊስ ፍሉጥ እኳ እንተ ነበረ ፡ ዓመጽ ዝመልኦ ታሪኽ ግን ኣይነበሮን ።
"ዝዀነ ይኹን ሞት ዘሕዝን እዩ" ድማ በለ ።
"ይኹን እምበር ፡ ብዙሕ ቅትለት ምስ ዘጋጥመካ ፡ ኣብ ስድራ ቤት ፡ ኣብ ፈተውትኻ ፡ ኣብ ፈለማ ምላሽ ዝህቡኻ ፡ ከምኡ እውን ኣብ ማሕበረሰብ ዓብዪ ጽልዋ ኣለዎ ።"
ፖሊስ ኣብ ዝሓለፈ እዋናት ተራኺቦም ዝነበሩኳ እንተኾኑ ፡ እቲ ሰብኣይን እታ ኣደን ኣብ ርክብ ስለ ዘይነበሩ ፡ እቲ ቅትለት ምስ ስድራቤታዊ ዓመጻ ዝሕሰብ ከምዘይኮነ ይኣምን።
እቲ መርመራ ቀጻሊ እዩ ።
ንኣእምሮኣዊ ጥዕና ደገፍ ዝደልዩ ኣንበብቲ ብ1300 22 4636 ናብ Beyond Blue ክድውሉይኽእሉ እዮም ። ተወሳኺ ሓበሬታ ኣብ beyondblue.org.au. ክርከብ ይከኣል እዩ ።
