ልዕሊ800 ተሰደድቲ ካብ ባሕሪ ድሕሪ ምድሓኖም ኣብ ጣልያን ተራጊፎም።

እቶም 800 ስደተኛታት መብዛሕትኦም ካብ ሊብያን ቱኒዝያን ዝተበገሱ ኣብ ዝተፈላለየ ስርሒታት ማእከላይ ባሕሪ ብ Sea Eye 4 ድሒኖም ። ኣስታት 170 ካብቶም ዝደሓኑ ከኣ ቈልዑ ከም ዘለዉ ፡ ሴቭ ዘ ችልድረን ይገልጽ ።

The Sea Eye 4 ship carrying 800 migrants rescued in various rescue operations in the Mediterranean sea, docks in the port of Trapani, southern Italy. Source: ANSA

ልዕሊ 800 ስደተኛታት ኣብ ማእከላይ ባሕሪ ዝደሓኑ ስደተኛታት ብሰንበት ኣብ ሲሲሊ ካብ ዝርከብ ብናይ ግብረ ሰናይ ትካል ረድኤት መርከብ ዝተበገሱ ኮይኖም መብዛሕትኦም ድማ ናብ ክልተ ናይ ናይ ውሸባ መራኽብ ዝተሰጋገሩ እዮም ።

ሰራሕተኛታት ቀይሕ መስቀል ነቶም ስደተኛታት ሓገዝ ሂቦሞም ፡ ገሊኦም ኮቦርታን ዝበዝሑ ጥራይ እግሮም ኮይኖምዮም ካብ Sea Eye 4 ተራጊፎም ፡ ጥልያን ብዙሕ ናይ ምድሓን ስርሒታት ድሕሪ ምፍጻሙ ፡ ክትቅበሎም ለመንዋ ።

እቶም ሰራሕተኛታት ህጻናት ኣብታ መርከብ ከባቢ 170 ትሕቲ ዕድመ ህጻናት ከምዝነበሩ እኳ እንተሓበሩ ፡ ክንደይ ዝኣኽሉ ምስ ስድራቤታት ይጉዓዙ ከምዘለውን ኣላዪ ዘይብሎም ክንደይ ከምዝኾኑን ግን ገና ኣይተነጸረን ።

ገለ ካብቶም ስደተኛታት ሓጎሶም ንምግላጽ ኣእዳዎም ንላዕሊ ኣወዛወዙ፡ እታ ቀያሕ መርከብ ኣብ ምዕራባዊ ሲሲሊ ናብ ዝርከብ ወደብ ትራፓኒ ምስ ኣተወት ብሓጐስ ተሰራሲሮም ። ገሊኦም ከኣ ደኺሞምን ኣእጋሮም ፈጥፈጥ እናበለ ኮፍ ኢሎም ይረኣዩ።

እታ Sea Eye 4 ትበሃል መርከብ 400 ዝዀኑ ሰባት ሒዛ ነበረት: ካልኦት 400 ሰባት ንምድሓን ድማ ብሓሙስ ብዕንጨይቲ ኣብ እተሰርሐት ጃልባ ተኣኪቦም ነበሩ።

ሓደ ግብረ ሰናይ ብህጹጽ ዘድሊ ረድኤት ከም መግብን ኮቦርታን ድሕሪ ምቕራቡ: ከምኡውን ሓገዝ ክረክብ ተደጋጋሚ ምሕጽንታ ምስ ቀረበሉ ድሕሪ ሒደት ሰዓታት ፍቓድ ከም እተዋህቦ ናይ ጀርመን ዘይመንግስታዊ ትካል ንAFP ሓቢሩ ።

ድሕሪ መርመራ ኮሮና ፡ እቶም ናይ ጥዕና ጸገም ዘይብሎም ዓበይቲ ኣብ ውሸባ መራኽብ ክኣትዉ ነበሮም ።

ናይ ውድብ ሕቡራት ሃገራት ትካል ሰብኣዊ መሰላት ኣብ ትዊተር ኣብ ዘስፈሮ ጽሑፍ "ኢጣልያ ነቶም ኣብ ባሕሪ ህይወቶም ኣብ ሓደጋ ዝወደቑ ሰባት እንደገና ሓንጎፋይ ኢላ ብምቕባላ ብሓጎስ ንቕበሎ" ኢሉ ።

ጥልያን ሓደ ካብ ቀንዲ ኣፍደጌታት ናይ ነቶም ካብ ሊብያን ቱኒዝያን ዝተበገሱ ስደተኛታት ናብ ኤውሮጳ መእተዊት እያ፡ ኣብ ነፍሲ ወከፍ ዓመት ብዓሰርተታት ኣሽሓት ዝቝጸሩ ማእከላይ ባሕሪ ዝሰግሩ ድማ በታ ሃገር ኣቢሎም ናብ ኣውሮጳ ይኣትዉ ።

The Sea Eye ship with 800 people on board arrives in Italy. Source: LaPresse

ብመሰረት ኣሃዛት ኣገልግሎት ውሽጣዊ ጉዳያት ፡ ኣብዚ ዓመት እዚ ዳርጋ 55,000 ዝዀኑ ስደተኛታት ኣብ ኢጣልያ ኣትዮም ኣለዉ ።

ካብ 2014 ክሳዕ 2017 ኣብ ዝነበረ እዋን ፡ ልዕሊ 90 ካብ ሚእቲ እቶም ኣብ ኢጣልያ ዝዓልቡ ስደተኛታት ካብ ሊብያ ዝተበገሱ እዮም ፡ እቶም ስደተኛታት ኣብ መንጎ ሊብያን ቱኒዝያን 'ብሰፊሕ ተዘርጊሖም "ከም ዘለዉ ማትዮ ቪላ ካብ ትካል ኣህጉራዊ ፖለቲካዊ መጽናዕትታት (ISPI) ገሊጹ ።

ካብቶም ካብ ቱኒዝያ ዝብገሱ ልዕሊ 70 ሚእታዊት ቱኒዝያዊያን እዮም ፡ መብዛሕትኦም እቶም ካብ ሊብያ ኽሰግሩ ዝፈተኑ ሰባት ድማ ካብ ባንግላዲሽ ይርከብዎም ።

እታ ኦሽን ቫይኪንግ እትበሃል ናይ ግብረ ሰናይ መርከብ፡ ብ ኤስኦኤስ መዲተራንያ ትመሓደር ኮይና ብሰንበት ልዕሊ 300 ሰባት ድሕሪ ምድሓና ነቶም ዝደሕኑ ተዕርፈሉ ክሳዕ ሕጂ ወደብ ትደሊ ኣላ ።

ኤስ ኦ ኤስ መዲተራንየ ኣብ ትዊተር ኣብ ዘስፈሮ ጽሑፍ ፡ "ኵነታት ኣየር እናበኣሰ ኣብ ዝኸደሉ ዘሎ እዋን ፡ እቶም ሕክምናዊ ጕጅለ ፡ ካብቶም 306 ፀገማት ጥዕና እናወሰኸ ክኸይድ ትጽቢት ይገብሩ" በለ ።