ርእሰ ምምሕዳር ክልል ኦሮሚያ ዝነበረ ኣቶ ለማ መገርሳ፥ ሚኒስተር ምክልኻል ሃገር ኮይኑ ተሸይሙ።

ባይቶ ወከልቲ ህዝቢ ኢትዮጵያ ሎሚ መዓልቲ ኣብ ዘሳለጦ ስሩዕ ኣኼብኡ ኣቶ ለማ መገርሳ ሓዊሱ ሹመት ዝተፈላለዩ ሚኒስትራት ኣፅዲቑ።

እቲ ባይቶ ኣብ ዘሳልጦ ስሩዕ ኣኼብኡ ርእሰ ምምሕዳር ክልል ኦሮሚያ ዝነበረ ኣቶ ለማ መገርሳ፥ ሚኒስተር ምክልኻል ሃገር ኮይኑ ክሰርሑ ዝቐረበ ሹመት ኣፅዲቑ።

ብተወሳኺ ርእሰ ምምሕዳር ክልል ኣምሓራ ዝነበረ ኣቶ ገዱ ኣንዳርጋቸው ሚኒስትር ጉዳያት ወፃኢ ፌዴሪኢ ኮይኑ ተሸይሙ ኣሎ።

ሚኒስተር ምክልኻል ሃገር ዝነበረት ኢንጅነር ኣይሻ መሓመድ ድማ ሚኒስትር ልምዓት ከተማን ኮንስትራክሽንን ኮይና ንክትመርሕ ዝቐረበ ሹመት ፀዲቑ።

ብድምር እቲ ዝቐረበ ሹመት ብሓደ ተቓውሞ፣ ሓሙሽተ ድምፀ ተኣቅቦን ብኣብዘሓ ድምፅን ፀዲቑ።

ሓደሽቲ ተሸወምቲ ድሕሪ እቲ ምፅዳቕ ሹመት ቃለ ማሕላ ፈፂሞም እዮም።