ኣብ ሱዕዲ ዓረብ ደቂ ኣንስትዮን ደቂ ተባዕትዮን ዝፈሊ አገባብ ምእታው ኣብ ቤት ምግቢ አብቂዑ።

መንግስቲ ሱዕዲ ዓረብ ኣውጽእዎ ብዘሎ ሓዲሽ መምርሒ፡ ድሕሪ ደጊም ደቂ ኣንስትዮ ናብ ቤት መግቢ ንምእታው ካብ ናይ ደቂ ተባዕትዮ ዝፈሊን ኣብ ዉሽጢ ኣብያት መግቢ ዝነበረ በበይንኻ ክትበልዕ ዝፈሊ ምጋረዲ ኣይክህሉን እዩ።

People walk in front of a restaurant with signs at top left reads "single section" and at top right reads "family section", in Jiddah, Saudi Arabia. Source: AAP

ደቂ ኣንስትዮ ኣብ ሱዕዲ ዓረብ ካብ ደቂ ተባዕትዮ ዝተፈልየ መእተዊ ናብ ቤት መግቢን ኣብዉሽጢ ምስኣተዋ ካብ ደቂ ተባዕትዮ ዝፈሊ መቐመጢ ዝእዝዝ መምርሒ አልጊሳቶ።

እዚ መንግስቲ ካብቲ ብዙሕ ንነዊሕ ዓመታት ክስርሓሉ ዝጸንሐ ዓቃባዊ ነገራት ሓደ ስጉምቲ እዩ።

እዚ ውሳነ ኣብ ህዝባዊ ቦታታት ፍልልይ ጾታ ደው ዘብል መምርሒ ኮይኑ፤ ብሰንበትዩ ብሙኒሲፓሊቲን ናይ ገጠር ጉዳያት ሚኒስተር ብሰላሕታን ብብዙሕ ቃላት ተቓሚሙን ተገሊጹ።

A woman leaves a ladies only service area at a restaurant in Jiddah, Saudi Arabia. Source: AAP

ኣብ ባሕራዊያን ከተማታት ጂዳን ርያድን ዝርከባ ኣብያተ መግቢን ካፌታትን ድሮ ዘይዛመዱ ደቂ ተባዕትዮን ኣንስትዮን ብነጻነት አብድላዮም ኮፍ ክብሉ አፍቂደን አለዋ። እዚ ስጉምቲ ንዝጸንሐ  አተሓሳስባ ዓቃባዊ አተሓሳስባታት ማለት ጾታዊ ፍልልይ ሃይማኖታዊ ግደታት ምዃኑ ንዝ አምኑ ልምዲ ገለ ሱዕዳዊያን ዘዕኑ እዩ። ከምዚ ዓይነት ሰራርሓ አብተን እስላማዊያን ጎረባብቲ ሃገራት ተመሳሳሊ መምርሒ የለን።

አብ መላእ ሱዕዲ ዓረብ ክትግበር ዝጸንሐ መምርሒ፡ ዘይዛመዱ ደቂ ተባዕትዮን ኣንስትዮን ኣብ ህዝባዊ ቦታታት ብሓንሳብ ክረኣዩ የብሎምን። ብመንግስቲ ዝመሓደሩ ኣብያተ ትምህርቲ ዩኒቨርሲታትን ኣብ ናይ ሱዕዳዊያን መርዓታት ከይተረፈ እዚ መምርሒ ዝስርሓሉ ዘሎ መምርሒ እዩ።

እቲ ዝጸንሐ ደቂ ተባዕትዮን ኣንስትዮን ኣብ ህዝባዊ ቦታታት ብሓንሳብ ከይ ኣትዉን ከይወጹን ከይረኣዩን ዝኽልክል መምርሒታት ብሱ ዕዳዊ ልዑል መሓመድ ቢን ሳልማን አብዚ ቅሩብ እዋን ብዙሕ ምቅይያራት ክግበረሎም ጸኒሑ ኣሎ።