“እታ ኣነ ዝርከቦም ኩላትና ታሪኻዊ ፖለቲካዊ መሰጋገሪ ናብ ዲሞክራሲ ትሰጋገር ኣላ ኢልና ተስፋ ጊርናላ ዝነበርና ኢትዮጵያ ዘይከምትጽቢትና ናብ ዉግእ ሓድሕድ ወዲቓ ኣላ፥ ነዚ እናገደደ ዝኸይድ ዘሎ ግጭት ህጹጽ ዲፕሎማሲያዊ ፍታሕ ክርከብ ሎሚ ነዚ ምምሕዳር ሓፍ ኢለ እሓትት ኣለኹ። እዚ ደማዊን መጠነ ሰፊሕን ግጭት ናብ ክፍትሓሉ ዘይክእል ኩነታት ከይወድቕ ኣስጊኡኒ ኣሎ።” ክብል ሰኔተር መነንደዝ ገሊጹ።
ቦብ መነንደዝ ትማሊ ረቡዕ 18 ሕዳር ብ ሰነት ኣመሪካ ን ኮሚቴ ጉዳያት ወጻኢ “ማሕበረ ሰብ ዓለም ተወሳኺ ግጭት ከየስፋሕፈሐ ብህጹጽ ስጉምቲ እንተዘይተወሲዱ ደማዊን መዕገቲ ዘይርከቦ ናይ ነዊሕ ምጥፍፋእ ከይቅጽል ስክፍታ ኣለኒ።” ክብል እቲ ሰኔተር ኣጠንቂቑ።
“ ኣብ ማይ-ካድራ ዝተፈጸመ ጭፍጨፋ ሰላማዊያን ኣዚዩ ሓዘን ተሰሚዑኒ፥ ንኸምዚ ዝበለ ኣብ ሰላማዊያን ዝወርድ ግፍዒ እናኾነንኩ፡ ብነጻ ክምርመር ኣለዎ” ክብል ቦብ መነንደዝ ኣተሓሳሲቡ።
ኣብቲ ሰነተር መነንደዝ ዘቕረቦ ደብዳበ “ኣብ ትግራይ ተጀሚሩ ዘሎ ግጭት ክቐጽል እንተተሓዲጉ ናብ ዝኸፍአ ጥፍ ኣትን ሰብ ኣዊ ቅልውላው ጥራይ ዘይኮነስ ተወሰኽቲ ጸላእቲ ተፈጢሮም ደሞክራሲ ኢትዮጵያ ተዓናቒፉ ብምል ኡ እቲ ዞባ ክሕምስ እዩ።”
እቲ ሰነተር ማሕበረሰብ ዓለም ቀዳማይ ሚኒስተር ኣብይ ኣሕመድን መራሕቲ ክልል ትግራይን ናብ ዘተ ክምለሱ ህጹጽ ጸቕጢ ክገብሩ ኣለዎም” ክብል ኣትሪሩ ጻዊዒት ኣቕሪቡ ኣሎ።
