ስፖርት፡ ንሓጺን ጽልኢ ክሰብር ከሎ

ሓብቱ ንመራሒ ሰሜን ኮርያ ኪም ጆንግ ኡን ምስ መራሒ ደቡብ ኮርያ ኢድ ን ኢድ ተጨባቢጦም ሰላም ስለተበሃሃሉ ዊንተር ኦልፕምፒክ 2018 ታሪኽ ሰሪሑ ይሓልፍ ኣሎ።

እዚ ናይ ኪም ዮ ጆንግን መራሒ ደቡብ ኮርያ ፕረሲደንት ሙን ጃ ኢን ታሪኻዊ ዘብሎ ናይ ክልቲኤን ኮርያታት ውግእ ኣብ 1953 ምስ ተወደአ፡ ንሰሜን ኮርያ ብሓጺን ዝገዝእዋ ካብ ዘለዉ ስድራ ( ኣቦሓጎ፡ ኣቦን እዚ ዘሎ  መራሒ) ኣብ ደቡብ ኮርያ እግሮም ረጊጾም ምስ መራሒ ደቡብ ኮርያ ሰላም ክበሃሃሉ ካብቲ ስድራ እዚ ናይ ኪም ዮ ጆንግ ናይ ፈለማ እዩ።

እዚ ክስተት ከም ካብንቡር ወጻኢ ዝኾነ መር ኣያ ሓድነትን ሰላምን ናይ ክልቲኤን ሃገራት እዩ ተቖጺሩ።

እቲ ካልእ ኣብ መኽፈቲ ስነስርዓት ዝተራእየ እሞ ቀልቢ ህዝቢ ዓለም ዝሰሓበ፡ ኣብዚ ምምሕዳር ዶናልድ ትራምፕ ምስ መራሒ ሰሜን ኮርያ ኪም ጆንግ ኡን ብምኽኒያት መጣፍኢ ደቂ ሰባት ዝኾነ ኑክሌስ ተፋጢጦሙሉ ኣብ ዘለዉ፡ ሓብቱ ንመራሒ ሰሜን ኮርያ ዝኾነት ኪም ዮ ጆንግ ኣብ ድሕሪ ምክትል ፕረሲደንት ኣመሪካ ማይክ ፐንስ ኮፍ ኢላ ነቲ ስነስርዓት መክፈቲ ክዕዘቡ ምርኣይ እዩ።