ህዝቢ ካብ ሱዳን ምህዳም ይቕጽል ኣሎ።

"እቲ ኵነታት ኣዝዩ ሕማቕ እኳ እንተ ነበረ ፡ ካብኡ ወጺእና ናብ ፖርት ሱዳን ክንመጽእ ዝኸኣልና ኣምላኽ ይመስገን ።"

Passengers fleeing from Sudan arrive at the Argeen land port, Egypt 27 April 2023. EPA/KHALED ELFIQI Source: EPA / KHALED ELFIQI/EPA

ዜጋታት ሱዳንን ካልኦት ዜጋታትን ፡ ካብቲ ዝግበር ዘሎ ግጭት እታ ሃገር ንምህዳም ፡ ብዓርቢ (28 ሚያዝያ) ናብ ፖርት ሱዳን ምውሓዝ ቀጺሎም ።

ነቲ ብሰራዊት ክልቲኡ ወገናት ዝተኣወጀ ን72 ሰዓታት ዝቐጸለ ናይ ተኹሲ ደው ምባል ስምምዕ ምንዋሕ ዕሽሽ ብምባል ፡ ንናይ ሱዳን ርእሰ ከተማ ካርቱምን ነታ ኣብ ጥቓኣ ትርከብ ከተማ ባሕሪን ፡ ብነፈርቲ ፡ ታንክታትን መዳፍዕን ምትዃስ ቀጺሉ።

ብ15 ሚያዝያ ኣብ መንጎ ሰራዊት መንግስቲን ሰራዊት ህጹጽ ደገን [RSF] ብዝተኻየደ ሓያል ቃልሲ ብኣማእታት ዝቝጸሩ ሰባት ተቐቲሎም: ብዓሰርተታት ኣሽሓት ዝቝጸሩ ድማ ህይወቶም ንምድሓን ሃዲሞም እዮም ።

ብመሰረት ውድብ ሕቡራት ሃገራት ፡ እንተ ወሓደ 512 ሰባት ተቐቲሎም ፡ ኣስታት 4,200 ቈሲሎም ኣለዉ ፣ እቲ ቝጽሪ ካብዚ ኣዝዩ ከም ዝዛይድ እዩ ዝሕብር ።

ሱዳናዊ ተማሃራይ ማሳዓድ ዓብደል ራሕማን ብዛዕባ ኣብታ ሃገር ዘሎ ኩነታት ይገልጽ ።

"ኣብ ጐደና ኣል-ሰቲን ንኣስታት ሸውዓተ መዓልቲ ዝኸውን መግቢ: መስተ: ኤለክትሪክ ወይ ማይ ኣብ ዘይብሉ ኣብ መንጎ እቶም ተቐርቂሮም ዝነበሩ ሰባት ሓደ እየ ነይረ ። እቲ ኵነታት ኣዝዩ ሕማቕ እኳ እንተ ነበረ ፡ ካብኡ ወጺእና ናብ ፖርት ሱዳን ክንመጽእ ዝኸኣልና ኣምላኽ ይመስገን ። እቲ መገዲ ቁሩብ ከቢዱና ኔሩ እንተኾነ ነገራት ጽቡቕ ኔሩ ኣብኡ ድማ በጺሕና ። ከም እትርእዮ ዘለኻ ፡ ኤምባሲ ስዑዲ ዓረብ ንዓና ዝኸውን ነገራት የሳልጠልና እዩ ዘሎ። "