"ኣብ ትግራይ ኣብዚ ሕጂ እዋን ኣስታት ሓሙሽተ ሚልዮን ዝዀኑ ሰባት ሰብኣዊ ሓገዝ የድልዮም ኣሎ።" ዳይረክተር ውድብ ጥዕና ዓለም

በቲ ኣብ ኢትዮጵያ ተጓሃሂሩ ዝርከብ ግጭት ብፍላይ ድማ ኣብ ክልል ትግራይ ሰባት "ብጥሜት ይሞቱ ኣለው ፡ ኣገልግሎታት ጥዕና ዓንዩ  ኩነታት "ኣስካሕካሒ" ዩ ዘሎ ፡ ።

"ኣብ ትግራይ/ ኢትዮጵያ ዘሎ ኩነታት ንኽገልጾ ፡ ሓንቲ ቃል እንተ ተጠቒመ ፡ "ኣዝዩ ዘስካሕክሕ እዩ" ክብል ጀነራል ዳይረክተር ውድብ ጥዕና ዶ/ር ቴድሮስ ኣድሓኖም ገብረየሱስ ኣብ ዝሃቦ ጋዜጣዊ መግለጺ  ተዛሪቡ።

እቲ ኣብ ሓደ እዋን ዓብላሊ ዝነበረ ህወሓት ፡ ኣብ ልዕሊ መዓስከራት ሰራዊት ፌደራል መጥቃዕቲ ከም ዝፈነወ ድሕሪ ምኽሳሱ እዩ ቀዳማይ ሚኒስተር ኢትዮጵያ ኣብዪ ኣሕመድ ኣብ ወርሒ ሕዳር ሰራዊት ናብ ትግራይ ልኢኹ እቲ ኲናት ቀጺሉ ፡

 እቲ ንሽዱሽተ ኣዋርሕ ዝቐጸለ ግጭት ድማ ብሓይልታት ኢትዮጵያን ካብ ጎረቤት ሃገር ኤርትራ ዝመጹ ወተሃደራትን ናይ ጃምላዊ ህልቂትን ግፍዕን ክሲ ተመስሪቱሉ ኣሎ ።

 ኣብዚ እዋን እዚ ፡ ኣስታት ሓሙሽተ ሚልዮን ሰባት ሰብኣዊ ረድኤት ከም ዘድልዮም ፡ ብፍላይ ከኣ ረድኤት ምግቢ ከም ዘድልዮም ዶ/ር ቴድሮስ ሓቢሩ እዩ ።

 "ብዙሓት ሰባት ብሰንኪ ጥሜት ክሞቱ ጀሚሮም ኣለዉ: ከቢድን ዓጸቦ ምግቢን ድማ የስፋሕፍሕ ኣሎ" ኢሉ ።

 ኣብ ርእሲ እዚ: ብኣማእታት ኣሽሓት ዝቝጸሩ ሰባት ካብ ኣባይቶም ተመዛቢሎም: ልዕሊ 60,000 ዝዀኑ ድማ ናብ ሱዳን ሃዲሞም እዮም ።

 ኣብርእሲዚ ፡ ኣብ ትግራይ ዝነበረ ኣገልግሎት ጥዕና ተዘሪፉን ዓንዩን እዩ ፣ "መብዛሕትኦም ኣይሰርሑን እዮም" ክብል ድማ ገሊጹ ።

ብዘይካዚ ፡ እቲ ሓላፊ ውድብ ጥዕና ዓለም ፡ ብ ኣልማማ ቅትለትን ጾታዊ ዓመጽን ኣብ ማእከል'ቲ ግጭት ኣስፋሕፊሑ ምህላዉ ዀኒኑ።

 "ጾታዊ ዓመጽ ኣስፋሕፊሑ እዩ ። ኣብ ካልእ ክፋል ዓለም ከምዚ ዓይነት መጠን ዓመጽ ዝተፈጸመ ኣይመስለንን።"

 ዶ/ር ቴድሮስ ብዛዕባ እቲ ኣብ ትውልዲ ዓዱ ዘሎ ኩነታት ኮቪድ-19 ተሓቲቱ ፡ ናብቲ ሕማም ዝምለስ ዝኾነ ኣገልግሎት ከምዘየለ ፡ እንተኾነ ነቲ ካልእ ቅልውላው ቀዳምነት ከምዘይወሃቦ ገሊጹ ።

"መብዛሕትኡ ግዜ ፡ ፡ ኣብቲ ዞባ ዝያዳ ዘተሓሳስብ ጕዳያት ስለ ዘሎ ፡ ሓቂ ንምዝራብ ብዛዕባ ኮቪድ ክንመምይያጥ ኣይንኽእልን ኢና ።"

ሓደ ካብቲ ብህጹጽ ነዚ ጸገም ንምፍታሕ ፡ ንሰራሕተኛታት ገበርቲ ሰናይን ንረድኤትን ምሉእ ሓገዝ ክገብሩ ምፍቃድ'ዩ ።

መራሕቲ ዓለምን ትካላት ረዲኤትን ፡ እቲ ኣንጸላልዩ ዘሎ ሓደጋ ኸይዓርግ ዘስግእ ብምዃኑ ፡ ነቲ ቅልውላው ኣንጸላልዩዎ ዘሎ ከባቢታት ምሉእ ብምሉእ ሰብኣዊ ሓገዝ ክግበረሉ ብተደጋጋሚ ይጽውዑ ኣለዉ።

ዓርቢ ፡ ኤውሮጳዊ ኅብረት ነቲ ኣብቲ ዞባ ዝካየድ ዘሎ ምዕጋት ረድኤት ፡ "ሰብኣዊ ረድኤት ከም ኣጽዋር ውግእ" ገይሩ ዀኒንዎ እዩ።

ናይ ህጹጽ እዋን ጉዳያት ዳይረክተር ዝኾነ ሚካኤል ራያን ሰኑይ "ኣብ ትግራይ ግዳያት ንምርካብ ኣዚዩ ኣጸጋሚዩ ዘሎ" ክብል ኣጠንቂቑ ።

መብዛሕትኡ መደበራት ጥዕና ስለ ዝዓነወ ፡ ሕማም ሸሮኽ ፡ ንፍዮን ካልእ ምልባዕ ሕማማትን ከስዕብ ከም ዝኽእል ፡ ትካል ጥዕና ውድብ ሕቡራት ሃገራት ኣተሓሳሲቡ ።