'እታ ካብ ኵሉ ዝበለጸት መግለጺ ፍቕሪ "፦ ዴቦራ ናይ ኣዲኣ ማህጸን ተጠቒማ ብኸመይ ክልተ ቆልዑ ወሊዳ?

ኣብ ፈረንሳይ ናይ መጀመርታ ዝኾነ: ኣብቲ ቅድሚ 34 ዓመታት ን ዴቦራ በርልዮዝ ክትውለድ ዝገበረ ማህጸን: ሚሻ ዝስማ ጓላ'ውን ነቲ ማህጸን ናይ ኣዲኣ ተጠቒማ ተወልደት ።

ዲቦራን ጓላ ሚሻን

ዴቦራ በርሊዮዝን ሚሻ ጓላን ክትኣምኖ ብዝኸብድ ካብ ሓንቲ ማህጸን እየን ተወሊደን ።

ዴቦራ ጓል 17 ዓመት ምስ ኮና ፡ ማህጸን ዘይብላ ከም እተወልደት ተፈልጠ ፣ ጥንሲ ኽትጸውር ከም ዘይትኽእል እውን ተነግራ ።

እንተዀነ ግን: ብ2020 : ጥዑይ ማህጸን ኣዲኣ ናብቲ ማህጸን ኣልቦ ሰውነታ ከም ዝኣቱ ብምግባር ጥንሲ ክትሕዝ ከኣለት ።

ዴቦራ ፡ "እቲ ዝገበረቶ ኣዝዩ ብዙሕ እዩ ነዓይ" በለት ።

"ንሳ እያ ገይራትለይ"

Déborah and her mother, Brigitte.

ዴቦራ ፡ ማይር-ሮኪታንስኪ-ኩስተር-ሃዋዘር (MRKH) ስንድሜራ ዝበሃል ሕማም ኣለዋ ፣ እዚ ድማ ፡ ኣብ ላዕለዋይ ክፋል ብልዕቲን ማህጸንን ዘይዓበየ ወይ ከምዘይህሉ ዝገብር ዘይንቡር ሕማም እዩ ። Mrkh ኣብ እዋን ወሊድ ካብ 5000 ደቂ ኣንስትዮ ኣብ ኣስታት 1 ዝርከብ ሕማም እዩ ።

ሓደ እዋን ፡ ከምዚ ኩነታት ዘለዋ ሰብ ጥንሲ ክትሕዝ ይከኣል እዩ ኢልካ ዘይሕሰብ እኳ እንተ ነበረ ፡ ብሳላ ሕክምናዊ ምዕባለታት ግና ሕጂ ክከኣል ይኽእል እዩ ። ኣደ ዴቦራ ማህጸና ብምልጋስ ነቲ ኣጋጣሚ ተጠቒማትሉ ።

ብሪጂት ሚኮላጅኪዝክ "ማህጸነይ ክህበኪ እንተኽኢሉ ፡ ክህበኪ'የ ኢለ ኩሉ ግዜ ይዛረባ ነይረ እየ ።

Brigitte Mikolajczyk and her partner waiting ahead of surgery.

ሚሻ ብኸምዚ ክትወልድ ኣብ ፈረንሳ ናይ መጀመርታ እኳ እንተ ኰነ ፡ ኣብ መላእ ዓለም ካብ ዝነብሩ ኣስታት 40 ዝዀኑ ህጻናት ፡ እቲ ዝተወልዱሉ ማህጸን ናይታ ዝወለደቶም ኣደ ኣይኮነን ።

ዴቦራ ነቲ ኣዲኣ ዝገበረቶ ህያብ ፡ "ካብ ኵሉ ዝበለጸ መግለጺ ፍቕሪ" ምዃኑ ገለጸት ።

"ነፍሲ ወከፍ ሰብ ስምዒቶም ወይ ፍቕሮም ናይ ገዛእ ርእሱ መግለጺ ስለ ዘለዎ ፡ ልበይ በዚተተንኪፉ እዩ ።

"ድሕሪ ንዓይ ህይወት ምሃባ ንዓይ ካብ ዝሃበትኒ ህያባት እቲ ዝበለጸ እዩ ።

ዳግም ተስፋ ይዕምብብ

ፕሮፈሰር ፍርዝ ብርንግልስትሮም ካብቲ ኣብ ሽወደን ዝርከብ ዩኒቨርሲቲ ጎተንበርግ ብ2014 ኣብ ዓለም ናይ መጀመርታ ምስግጋር ማህጸን ዝገበረ እዩ ። እቲ ማህጸን ካብ ጓል 61 ዓመት ዝተወፈየ መሓዛ ስድራ ናይታ ክትወልድ ዝኸኣለት ሰበይቲ ኮይኑ ንሳ ቅድሚ ሸውዓተ ዓመት ንጽፈ ጽግያት ዘጋጠማ ማህጸን እያ ወፍያትላ ።

ዴቦራ ብተኣምራዊ መገዲ ጥንሲ ክትጠንስ ዝሓገዘ፡ ፕሮፌሰር ዣን-ማርክ ኣዩቢ ኣብ ሆስፒታል ፎክ ኣብ ስረነስ እዩ ፣ ንሱ ፡ ን10 ዓመት ምስ ጋንታኡ ድሕሪ ዝገበሮ ምርምር ፡ ኣብ ትሕቲ ግዝኣቱ ማህጸን ናይ ምስግጋር መስርሕ ክገብር ክኢሉ እዩ ።

ወትሩ ዝብሎ ዝነበርኩ ዝከኣል እንተኾይኑ ማህጸነይ ክህበኪ እየ። እንተኾነ ኣብቲ እዋንክኸውን ኣይከኣለን ነይሩ።

Brigitte Mikolajczyk

ዴቦራን ብሪጂትን ካብ 250 ክግበረለን ዝሓተታ ስድራ እዮን ተመሪጸን ፣ ማዕከን ሆስፒታል ፎክ ድማ ንዅሉ ወጻኢታት ሕክምና ሸፊንዎ ።

ፕሮፌሰር ኣዩቢ ፡ "እዛ ሰበይቲ ዓቃልን ትስፉውን ኣወንታውን ኰይና ክትርእያ ከላ ፡ ብኣዒንታ ክርአ ዝኽእል ውዕዉዕ ስምዒት ፡ ብዛዕባ ትብዓትን ትዕግስትን ትምህርቲ ትህበና እያ" በለ ።

"ተስፋ ኣሎ"

Déborah and her partner Pierre in the operating theatre during the birth of their baby, Misha.

ምትሕልላፍ ማህጸን ፡ ማለት እቲ ሓድሽ ኣማራጺ ናይ ምርባሕ ተኽእሎ ኮይኑ፡ ኣብ ውሽጢ እቲ ዝጸንሐ ትሕተ ቅርጺ ኣካላት ካልእ ሰብ ዝሰማማዕ ጥዑይ ማህጸን ምውፋይ የጠቓልል ።

ዴቦራ ድሕሪ 16 ሰዓታት መጥባሕቲ ድሕሪ ምግባራ ፡ ደም ናብ ማህጸን ኣዲኣ ክውሕዝ ጀመረ ።

"ኣካላት ሰብ ኣዝዩ ዘደንቕ እዩ" ድማ በለት ።

"ነዚ ኣካል ሰብ እዚ ናተይ ገይረዮ" ትብል ።

ማህጸን ምውፋይ ኣብ መንጎ እተን ዕድመ ሕርሲ ዝሓለፈንን ሕጻን ክወልዳ ሃረር ዝብላ ንኣሽቱ ኣንስትን ፍሉይ ርክብ እዩ ዝፈጥር ። ከም ናይ ዴቦራ ዝኣመሰለ ኵነታት ፡ ናይ ቀረባ ኣባላት ስድራ ቤት እውን ዘጠቓልል እዩ ።

ብሪጂት ፡ "ኣደ ንውላዳ ተባዕ እንተ ኰይና ኣይፈልጥን እየ" ብምባል ነቲ ናይ ወፈያ መጥባሕቲ ክትገብረሉ ትጽበ ነበረት ።

"ንቡርን ባህርያውን ይመስል"

Misha is the first baby in France born from a uterus not belonging to their birth giver.

ኣብ ዝሓለፈ 4 ዓመታት ፡ ኣብ ቻይና ፡ USA ፡ ብራዚል ፡ ቸክ ሪፓብሊክ ፡ ጀርመን ፡ ሰርብያ ፡ ሜክሲኮ ፡ ህንድን ኣውስትራልያን ፡ ሓያሎ መደባት ምስግጋር ማህጸን ኣብ መላእ ዓለም ተጀሚሩ እዩ ።

ኣብ ዝሓለፈ ወርሒ ፡ ኣብ ኒው ሳውዝ ወልስ ኪሪ ብሪያንት ኣብ ኣውስትራልያ ናይ ፈለማ ሰብ ናይ ማህጸን ምስግጋር ዝገበረት ኮይና ፡ ከም ኣካል ናይቲ ኣብ ሲድኒ ኣብ ዝርከብ ሮያል ሆስፒታል ደቂ ኣንስትዮ ዝተገብረ መጽናዕቲ እያ ።

ምስግጋር ማህጸን ብኸመይ እዩ ዝኸውን

ዴቦራን ኣዲኣን ፡ ዝተመርጻሉ ረቛሒታት ተጻዋርነት ሕማም ምስምማዕ፡ ጽቡቕ ጥዕናን ስነ-ኣእምሮኣዊ ጥዕና ፡ ስነ-ኣእምሮኣዊ ርግኣት ስለ ዘለወን ፡ ምስ ስነ-ኣእምሮኣዊ ርግኣትን እየን ። እንተዀነ ግን: ቅኑዓት ሕጹያት እውን እንተ ኰኑ: ምምሕልላፍ ማህጸን ግን ክሳዕ ሕጂ ሳሕቲ እዩ ዘሎ: ዋጋኡ ድማ 75,000 ዩሮ (120,000 ዶላር) እዩ: ዕዉት ክኸውን'ውን ውሕስነት የብሉን: ከምኡውን እተሓላለኸ መስርሕ ዝሓትት እዩ ።

ቀዳማይ ፡ እቲ እተወፈየ ማህጸን ካብቲ ዝሰማምዖ ወሃቢ ብመጥባሕቲ ኽውገድን ናብ ተቐባሊ ኺሰጋገርን ኣለዎ ።

Déborah, Pierre, Professor Jean-Marc Ayoubi and Misha.

ካብ ሕክምና ኣዩቢ ሓንቲ ሓኪም ከምትገልጾ፡ "ማህጸን ምውጻእ ኣዝዩ ኣጸጋሚ እኳ እንተ ዘይኰነ ፡ ነቲ መትኒታት ናይታ ለጋስን ተቐባሊትን ምእንቲ ኸተራኽብ ፡ እኹል ንውሓት የድልየኻ እዩ" በለት ።

ቅድሚ መጥባሕቲ ናይ ሆርሞን ዝግበር ሕክምና ብምግባር፡ ኵነታት ማህጸን ናይቲ ንጽፈ ጽግያት ዝበጽሓ ወይ ዝሓለፋ ወሃቢት ክንክን ክግበር ኣለዎ ።

.

ድሕሪኡ: እቲ ተቐባሊት ማህጸን፡ ወርሓዊ ጽግያታ ንምብርባር ሆርሞናት ይወሃባ ። እቲ ሓድሽ ማህጸን ተቐባልነት ምስ ረኸበ ፡ ናይ IVF ድቂ ይትከል ። እቲ ዕሸል ዕዉት ናይ ምትእትታውን ጥዑይ ምዕባለ ድቂን ምስ ዝህልዎ: እቲ ህጻን ኣብ ከብዲ ኣዲኡ ይኣቱ ።

ብሪጂት ፡ ድሕሪ እቲ ዴቦራ ዘካየደቶ ዕዉት ናይ ምትሕልላፍ መጥባሕቲ ፡ "ማህጸነይ ኣብ ውሽጥኺ ዘሎ ኰይኑ ኣይስምዓንን እዩ" ኢላ።

"ዝዀነ ኰይኑ ፡ ስራሐይ ኣኽቲሙ እዩ ። ሕጂ ናትኪ እዩ ። "

ካልኣይ ተኣምራት

እቲ ኣብ ፈለማ እተገብረ ፕሮቶኮል ፡ ሓደ ውሉድ ናብ ውሽጢ ማህጸን ክኣቱ ፡ ካብ ካልእ ማህጸን ድማ ክውለድ ዘኽእል እዩ ነይሩ ። ድሕሪ እቲ ፈላሚ ዝዀነ ሽወደናዊ ጕጅለ ዘምጽኦ ተስፋ ዝህብ ውጽኢት ግን ፡ ኣብ ውሽጢ ሓሙሽተ ዓመት ካልኣይ ጥንሲ ክቕበላ ኣኽኢሉ እዩ ።

ዴቦራ ብ17 ለካቲት ካልኣይ ውላዳ ብ ኣዲኣ ብርጂት ብዝተወፈየ ማህጸን ወለደት ። ማክሲን ዝስማ ጥዕይቲ ቈልዓ ተወሊዳ።

ጉጅለ ፕሮፈሰር ኣዩቢ ኣብ ወርሒ መስከረም ናይ ዝሓለፈ ዓመት እውን ንኻልኣይ ግዜ ኣብ ማህጸን ዘይብላ ምስግጋር ማህጸን ክገብር ክኢሉ እዩ ። እቲ ኣብታ ጓል 36 ዓመት ሰበይቲ እተገብረ ምትሕልላፍ ፡ ማህጸን ናይታ ዓባይ ሓብታ ብምጥቃም እዩ ተፈጺሙ ።

Watch the episode 'Miracle Birth' on SBS on Tuesday at 9.30pm or stream via SBS on Demand.

Watch the episode 'Transplant Breakthroughs' on Insight at 8.30pm or stream via SBS on Demand.