"ይምጽኡ ምዉቕ ኣቀባብላ ክንገብረሉ ኢና" ጌታቸው ረዳ

ሓላፊ ሰላምን ጸጥታን ክልል ኣምሓራ ዝኾነ ሰማ ጥሩነህ "ህዝቢ ኣምሓራ ነቲ ሽበራዊ ጉጅለ ዝጭፍልቐሉ እዋን ሕጂ እዩ" ብምባል ነቲ ኣብቲ ክልል ዝርከብ መንግስታዊ መራኸቢ ብዙሃን ሓቢሩ ። "ኵሉ ህዝቢ ናብ ቅድሚት መጺኡ ገዛእ ርእሱ ይሓሉ።"

Source: Getty Images

እቲ ናብ ኢትዮጵያ እናሰፍሐ ዝኸይድ ዘሎ መጥቃዕቲ ሓይሊታት ትግራይ ብ ዓርቢ ሓደገኛ እዩ ብምባል ናይ ክልል ኣምሓራ በዓል ስልጣን፡ "ሓይልታት ኣምሓራ  ኣብ ልዕሊ ናብቲ ክልል ዝኣተውን ኣብ መዝገብ ውርሻ ዩኔስኮ ንዝተመዝገበት ከተማ ላሊበላ ዝተቖጻጸሩን ሓይልታት ትግራይ ቀዳም መጥቃዕቲ ኽፍኑ እዮም" ኢሉ ።

ሓላፊ ሰላምን ጸጥታን ክልል ኣምሓራ ዝኾነ ሰማ ጥሩነህ "ህዝቢ ኣምሓራ ነቲ ሽበራዊ ጉጅለ ዝጭፍልቐሉ እዋን ሕጂ እዩ" ብምባል ነቲ ኣብቲ ክልል ዝርከብ መንግስታዊ መራኸቢ ብዙሃን ሓቢሩ ። "ኵሉ ህዝቢ ናብ ቅድሚት መጺኡ ገዛእ ርእሱ ይሓሉ።"

 

ወሃቢ ቃል ሓይልታት ትግራይ ጌታቸው ረዳ ን ኣሶሸትድ ፕረስ ነቲ ካብ ኣምሓራ ክመጽእ ዝኽእል መጥቃዕቲ ኣብ ዝሃቦ ምላሽ "ይምጽኡ ምዉቕ ኣቀባብላ ክንገብረሉ ኢና" ኢሉ ። እቲ ግጭት ነታ ኣብ ኣፍሪቃ ካልኣይቲ ዝበዝሐ ህዝቢ ዘለዋ ሃገር ኣብ ሓደጋ ዘእቱ እዩ ፣ ኣብታ ሃገር ኣብ ትሽዓተ ወርሒ ኣብ ዝተኻየደ ውግእ ኣሽሓት ሰባት ተቐቲሎም እዮም ።

 

ጌታቸው ረዳ ብስልኪ ንኣሶሸትድ ፕረስ ኣብዝሃቦ ቃለ-ምልልስ ሓይልታት ትግራይ ናብ ክልል ኣምሓራ ፣ ናብ ክልል ዓፋር ሰጊሮም ኣለው ድሕሪ ምባል እዚ ዝኾነሉ ኣብዚ ቀረባ ሰሙናት ነቲ መንግስቲ ኢትዮጵያ ኣብ ልዕሊ ትግራይ ኣጽኒዕዎ ዘሎ መዕገቲ ንምስባር'ዩ ኢሉ። ኣብ ትግራይ ብኣማእታት ኣሽሓት ዝቝጸሩ ሰባት ፡ኣብ ከቢድ  ኵነታት ጥሜት ይርከቡ ኣሎዉ ፣ ውድብ ሕቡራት ሃገራትን ሕቡራት መንግስታት ኣመሪካን ከኣ ፡ ኣብዚ ሰሙን እዚ ላዕለዎት ሰበ-ስልጣን ናብ ኢትዮጵያ ልኢኾም ረድኤት ክረኽቡ ተማሕጺኖም እዮም ።

ጌታቸው ረዳ ከምዝገለጾ " ሕጂ እውን ዝኾነ ዝትኩስ  ሰብ ክንተሓሓዞ ኣሎና"። " ነቲ ዝትኮሰና ደው ንምባል  ናብ ኣዲስ ኣበባ ምኻድ እንተ ኣድልዩና ፡ ክንገብሮ ኢና ። ተስፋ እገብር ግን ነዚ ኣይክንገብርን ኢና "ብምባል ሰላማውያን ሰባት ክፈርሑ የብሎምን ፣  ኢሉ ።

 

"ንሕና ኣንጻር ናይ ኣምሓራ ኽልልን ህዝቢ ኣምሓራን ኣይኮንናን ። . ኣብ ልዕሊ ህዝብና ተዅሲ ክሳብ ዘይተኮሱ ጸገም የብልናን "ይብል ጌታቸው ።

 

ሚኒስትሪ ወጻኢ ጉዳያት ኢትዮጵያ ብወገኑ ኣብዘውጽኦ መጠንቀቕታ  ሓይልታት ትግራይ 'ናብ ኣምሓራን ዓፋርን ገጹ ምስፍሕፋሑ " ናይ መንግስቲ ፌደራል ትዕግስቲ ይፍትኖ ከምዘሎን ፡ ነቲ ንሰብ ኣዊ ኩነታት ተባሂሉ ብተናጸል ዝወሰዶ ናይ ተዂሲ ደው ምባል ስጉምቲ ናብ መጥቃዕቲ ክቕይሮ ይኽእል እዩ።" ክብል ኣጠንቂቑ ። በቲ ናይ ለንቅነ መጥቃዕቲ ኣስታት 300,000 ሰባት ካብ መረበቶም ከም እተመዛበሉ ድማ እቲ ናይ መንግስቲ መግለጺ ኣፍሊጡ።

 

እቲ ግጭት ብሰላማዊ መንገዲ ንኽፍታሕ እንተዘይተጌሩ "ኢትዮጵያ ምሉእ ናይ ምኽልካል ዓቕማ  ኣብቲ ግዝኣት ከተዋፍር ትኽእል እያ" ይብል እቲ መግለጺ ። እቲ ቀዳማይ ሚኒስተር ኣብዚ ሰሙን እዚ ንውትህድርና ደም ኣብዝለገሰሉ  ፡ ኣብ ርእሰ ከተማን ኣብ ካልእ ቦታታትን ኢትዮጵያ ወተሃደራዊ ምዕጣቕ ጎስጓስ ጽዒቑ ቀንዩ ኣሎ።

ኩሎም ወገናት ብቕጽበት ተኹሲ ደው ንኽብል ኣህጉራዊ ጸቕጢ እኳ እንተገበሩ: ጌታቸው ረዳ ምስ መሻርኽቲ ኣብ ዝገብሮ ዝርርብ ሓይልታት ትግራይ ምስ መንግስቲ ኢትዮጵያ "ምስጢራዊ ዝርርብ" ናይ ምግባር ሓሳብ ነጺግዎ እዩ ።

 

እቲ ኣፈኛ መንግስቲ ክልል ትግራይ፡ "ኣብዪ ሰላም እንተ ደልዩ ፡ ኣብ ቅድሚ ህዝቢ ክወጽእ ኣለዎ ፣ ነቲ ምዕጋት ድማ ከልዕሎ ኣለዎ" ኢሉ።

 

ጌታቸው ብተወሳኺ ዕላማ ሓይልታት ትግራይ ኣብ ክልል ዓፋር ዝገብሮ ዘሎ ወፍሪ  ካብ ጎረቤት ሃገር ጂቡቲ ናብ ካልእ ኢትዮጵያ ዝወስድ ወሳኒ መስመር ቀረብ ንምቁጽጻር ምዃኑ  ኣረጋጊጹ ። ኣብ ትግራይ ዝነብሩ ህዝቢ ብጥሜት ይሳቐዩ ከም ዘለዉ ብምግላጽ ፡ "እዚ ሓደ ክፋል እቲ ጸወታ" ኢሉ ገሊጽዎ ።

 

ብዓርቢ ዩኔስኮ ብዛዕባ እቲ ናብ ላሊበላ እተገብረ ምስፍሕፋሕ ከም ዘተሓሳሰቦ ገሊጹ ኣሎ ።

 

ኣፈኛ ናይ ሕቡራት መንግስታት ኣመሪካ ፋርሃን ሃቕ ንጋዜጠኛታት ኣብ ዝሃቦ መግለጺ "ብዛዕባ እቲ ዘሎ ዕንወት ዝምልከት ሓበሬታ ብዓይንና ኣይንረክብን ኢና" ኢሉ ።