ኣብ ቀረባ ግዜ ዝተኻየደ ሓደ መጽናዕቲ ሓተትቲ ዑቕባን ስደተኛታትን፡ ተፈጥሮ ከም ሓደ መራኸቢ ቦታ ጥራይ ዘይኮነ፡ ተሳተፍቲ ብዘይምትዕዝዛብን ሕቶታትን ድሕነት ዝስምዖም ቦታ ኮይኑ ኣገልጊሉ።
ኢያን ሲል ዳይረክተር ምክያድ LGBTQIA+ ዝኾኑ ስደተኛታትን ሓተትቲ ዑቕባን ዝደጋገፍ ማሕበር Many Coloured Sky ኣብ መልበርን'ዩ። ጽምዋ ሓደ ዓቢይ ጸገም ኣብ'ዚ ማሕበረሰብ'ዩ ክብል ንSBS Examines ሓቢሩ።
"ብዙሓት ካብ ኣባላት ማሕበረሰብና፡ ኣብ'ዚ ኣብ ኣውስትራሊያ፡ ካብ ናቶም ባህላዊ ድሕረ ባይታ ዘለዎም ሰባት'ዮ ዝተሓተ ድሕነት ዘለዎም ኮይኑ ዝስመዖምን ብዝወሓደ መጠን ጥራይ ምትእስሳር ዝህልዎምን ክብሉ ዝነግሩና፡ ምኽንያቱ እዚኦም ድሕነቶም ክረኽቡ ኢሎም ሃዲሞምሉ ካብ ዝመጹ ባህሊ ዝኾኑ ሰባት ስለዝውክሉ።" ክብል ይገልጽ።
"ብዙሓት ካብ'ቶም ኣባላት ማሕበረሰብና ኣብ መንጎ ምስ ባህለይ፡ ድሕረ ባይታይ፡ ስድራይን ማሕበረሰበይን ምትእስሳረይ ክቕጽል ዶ ወይስ ኣብ ማሕበረሰብ LGBTIQ+ ቦታ ክረክብ ሓዲኡ ክመርጹ ይግደዱ'ዮም። ኣብ መንጎ'ዚኦም ከቢድ ዝኾነ ቅልስ ጉዕዞ ኣሎ።"
ሚም ካብ ቪየትናም ናብ ኣውስትራልያ 11 ዓመታት ይገብር ድሕሪ ምምጽኡ ነዚ ጥራይ ክሓልፎ ከምኡ ክገብር ሃሊይዎ።
"ሓፋር'የ ኔረ፡ እንግሊዘይ ድማ ዝተወሰነ ጥራይ'ዩ ኔሩ። ስለ'ዚ ዝበዝሕ እዋን ምስ'ቲ ቪየትናማዊ ማሕበረሰበይን ዘመድ ኣዝማደይን ጸኒሐ። ስለ'ዚ ድሕነት ተሰሚዑኒ፡ ብዙሕ ግን ኣይወጽእን ኔረ። ኩሉ ነገር ኣብ ውሽጠይ ይሕዞን ጾታዊ መንነተይን መንነተይ ባዕሉን ክሓብእ ፈቲነ፣" ክብሉ ንSBS Examines ሓቢሮም።
ብመንገዲ'ዚ መደብ፡ ሚም ን36 ካልኦት LGBTQIA+ ስደተኛታትን ሓተትቲ ዑቕባን ኣብ ሓደ ናይ ሸሞንተ ሰሙን መደን ተፈጥሮ (ኔቸር ፕሮግራም) ክሳትፉ ተዓዲሞም።
ተሳተፍቲ ኣዕዋፍ ተዓዚቦም፣ ምግቢ ተኻፊሎምን ብናይ ደገ ንጥፈታት ኣስተንቲኖምን፣ ኣብ ገማግም ባሕሪ ብእግሮም ተጓዒዞም፣ ከምኡ'ውን ጀርዲን ተኸናኺኖም።
መሪሕ ተመራማራኢ ነርከዝ ኦህፓቺን፣ ድሕሪ'ዚ መደብ፣ ኣብ'ቶም ተሳተፍቲ ምጉዳል ጽምዋን ወሰኽ ኣብ'ቲ ምትእስሳሮም ምስ ተፈጥሮን ኔሩ ክብል ንSBS Examines ገሊጹ።
"[ተፈጥሮ] ከም ሓደ ዘይሻራዊ፣ ምትዕዝዛብ ዘይብሉ ባይታ ርክባትን ምትእስሳራትን ኮይኑ የገልግል።"
ሚም እዚ መደብ ሰላማዊ ኣገባብ ምስ ሰባት ዝራኸበሉን ምስ ማሕበረሰብን ዝተኣሳሰረሉን'ዩ ኢሎም።
"ተፈጥሮ ፈውሲ'ዩ... ሰላም ይስመዓኒ።"
ኣብ'ዚ ትሕዝቶ SBS Examines ተፈጥሮ ጽምዋ ኣብ ምምካት ከመይ ይሕግዝ ክንፍትሽ ኢና።
