ኣብ ወርሒ ለካቲት፡ ፈደራል ባይቶ፡ ኣብ'ቲ ገበናዊ ዓንቀጽ ሕጊ 1995 (Criminal Code Act of 1995) ንዘለዉ ድንጋገታት ገበናት ጽልኢ ለውጥታት ብምግባር፡ እማመ ምምሕያሽ ገበናዊ ሕጊ (Criminal Code Amendment (Hate Crimes) Bill) ኣጽዲቑ።
እቲ እማመ ብፈደራል ኣባል ባይቶ ሰልፊ ለይበርን ኣኽባሪ ሕጊ ዝነበረን ማርክ ድረይፈስ ዝሓለፈ ዓመት ናብ ባይቶ ቀሪቡ።
ንሱ እዞም ሓደስቲ መሐለውታታት ንኣኽበርቲ ሕጊ ተግባራት ጎነጽ ንምክልኻል ብኣግኡ ምትእትታው ናይ ምግባር ብቕዓቶም ይድግፎም ኢሉ።
በዚኦም ሕግታት ኣቢልና ነቶም ክኸፋፍሉና ዝደልዩ ንጹር መልእኽቲ ንሰደሎም ኣለና። ኣንጻር ካልኦት ጎነጽ ክግበር ዝደፋፍእ ወይ ዘፈራርሕ ዘረባ ጽልኢን ካልእ ብጽልኢ ዝተላዕጠጠ ባህርይን ኣብ'ዚ ሃገር ቦታ የብሉን።
ገሊኦም ክኢላታት ግን ነቶም ተጠቃዕቲ ወይ ዒላማ ዝኾኑ ማሕበረሰባት ንምድጋፍ ዝያዳ ክስራሕ ኣለዎ ይብሉ።
ቅድሚ'ቲ ሰነ 18 ዝኽበር ዓለምለኻዊ መዓልቲ ምምካት ዘረባ ጽልኢ (International Day for Countering Hate Speech)፣ ንጽልዋ ኣብ ሕብረተሰብና ንምውጋድ ዓሊሞም ሓደስቲ ንዘረባ ጽልኢ ዝምልከቱ ዝወጹ ሕግታት ኣውስትራልያ ከመይ ይሰርሑን ካልእ ከ እንታይ ክግበር ይከኣልን ኣብ'ዚ ንሓትት ኣለና።
