وفاقی حکومت کا کہنا ہے کہ آسٹریلینز آج بروز منگل سے ویکسین کے بین الاقوامی ثبوت کے لئے درخواست دے سکیں گے ، جس کے بعد وہ محفوظ بین الاقوامی سفر کے مزید نزدیک آجائیں گے ۔
اتوار کی شب حکومتی وزراء نے ایک مشرترکہ اعلامیے میں کہا تھا کہ یہ ثبوت آسٹریلین پاسپورٹ اور ویزہ رکھنے والے افراد کے لئے دستیاب ہے ، جنہوں نے اپنا کووڈ ویکیسنیشن آستریلین ایمونائزیشن ریجسٹرمیں ریکارڈ کروایا ہے ۔
ان کا کہنا ہے کہ بین الاقوامی ثبوت برائے ویکسین میں ایک کیو آر کوڈ محفوظ ہے جو دنیا بھر کے سرحدی حکام کو پیش کیا جا سکتا ہے ، اور یہ کسی بھی فرد کی اعتماد کے ساتھ محفوظ سفر کی اہلیت کوبڑھا دیتا ہے ۔
یہ ثبوت ویکسین کی دونوں خوراکیں لینے ولاے آسٹریلینز کو آسٹریلیا سے باہر جانے اور" آسٹریلیا کے کووڈ – 19 ردعمل کی منتقلی "کے قومی منصوبے کے مطابق سفر کرنے کا اہل بنائے گا ۔
یہ نہ صرف ڈیجیٹلی ڈاون لوڈ کیا جاسکتا ہے بلکہ پرنٹ بھی کیا جا سکتا ہے اور کووڈ – 19 ٹریول ایپس جیسا کہ انٹرنیشنل ائر ٹرانسپورٹ ایسوسی ایشن سے بھی مطابقت رکھتا ہے ۔
وفاقی حکومت نے اعلان کیا ہے کہ آسٹریلین باشندوں کے لئے بین الاقوامی سفری پابندیاں نومبر کے آغاز سے نرم کی جا رہی ہیں ۔
آسٹریلینز افراد سے کچھ ممالک میں ویکسین کا ثبوت مانگا جا سکتا ہے جبکہ کچھ ممالک میں اس کی ضرورت نہیں ہو گی ۔
وزراء کا کہنا ہے کہ بین الاقوامی ویکسین کے ثبوت میں "وزیبل ڈیجٹل سیل ٹیکنالوجی " عالمی طور پر مانی ہوئی ہے اور اتنی ہی محفوظ ہے جتنی کہ آسٹریلین پاسپورٹ ۔
اعلامیے میں کہا گیا ہے کہ بینالاقوامی ویکسین سرٹیفیکیٹ ، بین الاقوامی سول ایوی ایشن آرگنائزیشن کی جانب سے بیان کردہ عالمی معیار پر پورا اترتا ہے اور عالمی ادارہ صحت کی رہنمائی کے عین مطابق ہے ۔
بین الاقوامی ویکسین ثبوت کا اجراء بحفاظت بین الاقوامی سرحدیں کھولنے اور آسٹریلیا کی جانب سے کووڈ -19 کی معاشی بحالی کی حمایت میں ایک اہم قدم ہے ۔
درخوست گزار اپنے میڈی کئیر اکاونٹ مائی گوو،یا میڈی کئیر ایکسپریس کے ذریعے مفت بین الاقوامی سرٹیفیکیٹ حاصل کر سکتے ہیں ۔
- پوڈ کاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے
- Spotify Podcast, Apple Podcasts, Google Podcast, Stitcher Podcast
- کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو کو اپنا ہوم پیج بنائیں
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
- اردو پروگرام سننے کے طریقے
