آسٹریلیا کی قانون کونسل کا کہنا ہے کہ ہجرت اور شہریت کے قانون میں مجوزہ ترامیم کو قانون میں تبدیل نہیں کیا جانا چاہیے۔ پارلیمانی مشترکہ کمیٹی برائے انٹیلی جنس اینڈ سکیورٹی کے سامنے بات کرتے ہوئے ، باڈی نے کہا کہ نئی مجوزہ قانونی دفعات کے بارے میں خدشات ہیں ، جو سرکاری اداروں کی فراہم کردہ خفیہ معلومات کی بنیاد پر ویزا منسوخ کرنے یا کسی شخص کی شہریت منسوخ کرنے کی اجازت دے گی۔
نیا تحفظ شدہ معلومات کا فریم ورک مائیگریشن ایکٹ 1958 (Cth) اور آسٹریلین سٹیزن شپ ایکٹ 2007 (Cth) میں شامل کیا جائے گا۔
لاء کونسل کے صدر ڈاکٹر جیکوبا براش نے کہا ہے کہ حفاظتی انتظامات اور احتسابی اقدامات کا فقدان ہے۔ گزٹڈ ایجنسیوں کے ذریعہ فراہم کردہ معلومات (جیسے غیر ملکی قانون نافذ کرنے والے ادارے اور دیگر آسٹریلوی ایجنسیاں) اس شخص کو بنا بتائے یا اسے جواب کا موقع دیے بغیر استعمال کی جا سکتی ہیں۔
Australian citizenship. Source: AAP
ان اصولوں میں منصفانہ سماعت کا حق ، موثر عدالتی جائزہ ، انصاف کا مناسب انتظام ، اور انتظامی اختیارات کی پارلیمانی اور آزادانہ جانچ پڑتال شامل ہے۔
"اگر یہ منظور ہو جاتا ہے ، تو بغیر کسی پارلیمانی جانچ پڑتال کے ترامیم وزیر کی طرف سے متعین کردہ ایجنسیوں کی معلومات پر لاگو ہوں گی ؛ اور اس کی نوعیت ، حساسیت ، سچائی یا انکشاف سے پیدا ہونے والے خطرات کے بارے میں کسی قانونی امتحان کو پورا کرنے کی ضرورت نہیں رہے گی۔"
'غیر متناسب جواب'
آسٹریلین ہیومن رائٹس کمیشن کے صدر ، ایمریٹس پروفیسر روزلینڈ کروچر نے کہا کہ آسٹریلیا کی قومی سلامتی اور حساس مجرمانہ تحقیقات سے متعلق معلومات کی حفاظت کے لیے بل "غیر متناسب جواب ہے" ۔
"یہ بل ایجنسیوں کو اجازت دے گا کہ وہ کم اہمیت کی معلومات کی ایک وسیع رینج کو خفیہ رکھیں، اس کی مناسب تشخیص کیے بغیر کہ آیاعوامی مفاد میں کہ اسے بتایا جائے یا نہیں اور اس کی بنیاد پر کسی کے ویزا کو منسوخ کر دیا جائے۔
An Australian citizenship recipient holds his certificate during a citizenship ceremony on Australia Day in Brisbane. Source: AAP
پروفیسر کروچر نے کہا، "تمام ایجنسیاں بشمول سیکورٹی ایجنسیاں بعض اوقات غلطیاں کرتی ہیں ... ان لوگوں کے لیے جن کے ویزے "کردار" کی بنیاد پر منسوخ کیے گئے ہیں ان کی منسوخی کی بنیاد کو صحیح اور منصفانہ طور پر جانچنے کے لیے ، انہیں حکومت کی طرف سے انحصار شدہ مواد تک رسائی فراہم کی جانی چاہیے۔
" عوامی مفاد کی جائز بنیاد پر وہ معلومات خفیہ رکھنے کے لیے ہیں تو ان کا فیصلہ ایک آزاد عدالت کے ذریعے کیا جانا چاہیے ، جو متعلقہ حالات کی مکمل حد کو مدنظر رکھنے کے قابل ہو۔"
- پوڈ کاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے
Spotify Podcast, Apple Podcasts, Google Podcast, Stitcher Podcast - کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو کو اپنا ہوم پیج بنائیں
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
- اردو پروگرام سننے کے طریقے
