انیو ساؤتھ ویلز حکومت نے ایک بڑے نئے گرانٹ پیکیج اور ڈائن اینڈ ڈسکور پروگرام میں تبدیلی کا اعلان کیا ہے تاکہ موجودہ پابندیوں سے متاثر نیو ساؤتھ ویلز کے کئی ہزار چھوٹے کاروبار اور لوگوں کی مدد کی جاسکے۔
اس پیکیج میں چھوٹے کاروباروں کے لئے پانچ ہزار سے دس ہزار ڈالر کے درمیان گرانٹ ، تمام مالکان کے لئے پےرول ٹیکس میں التواء شامل ہے۔ ڈائن اینڈ ڈسکور پروگرام میں 31 اگست تک کی توسیع اکے علاوہ لوگوں کوہوم ڈیلیوری کے ذریعے گھر پر کھانا منگوانے کے لئے ڈائن اینڈ ڈسکور واؤچر استعمال کرنے کا اپشن شامل ہے۔
این ایس ڈبلیو کی پریمیر گلیڈیز بیریجیکلیان نے کہا کہ اس پیکیج کا اصل مقصد چھوٹی کاروباروں کی معاونت ہے جو پابندیوں کے دوران کاروبار کے کیش فلو کی کمی کو کم کرکے کاروباری مالکان کی مدد کرے گی۔ اس کو کاروباری اخراجات جیسے کرایہ ، سروسز اور اجرت کے لئے استعمال کیا جاسکتا ہے جس کے لئے حکومت کی کوئی اور مدد دستیاب نہیں ہے۔
"پریمیئیر کا کہنا تھا کہ حکومت وبائی مرض کے دوران کاروبار میں مدد فراہم کرنے اور ملازمتوں کے تحفظ کے لئے ہر ممکنہ اقدامات کرے گی ۔"
چھوٹے کاروباروں کے لئے تین مختلف گرانٹ رقوم دستیاب ہوں گی جو ان پابندیوں کے دوران متوقع کاروبار میں کمی پر منحصر ہوں گی - کاروباری آمدنی میں ستر فیصد کی کمی پر دس ہزار ڈالر، ، پچاس فیصد کمی پرسات ہزار اور تیس فیصد کی کمی پرپانچ ہزار ڈالر تک کی گرانٹ دی جائے گی۔
کاروبار جولائی کے آخر سے سروس این ایس ڈبلیو کے ذریعہ گرانٹ کے لئے درخواست دے سکیں گے اور انہیں 26 جون سے شروع ہونے والی پابندیوں کے آغاز کے بعد کم سے کم دو ہفتوں کے دوران کاروبار میں کمی کا ثبوت دینا ہوگا۔
گرانٹ کو دوبزنس گرپس میں تقسیم کیا گیا ہے۔
چھوٹے بزنس کے لئے کوویڈ ۔19 سپورٹ گرانٹ: ایسے بزنس جن کا ٹرن اوور پچھتر ہزار ڈالر سالانہ سے زیادہ ہو اوراس سال یکم جولائی کو حکومتی پےرول ٹیکس کی حد بارہ لاکھ سے کم ہو۔
ان کاروباروں میں 20 سے کم کل وقتی مساوی ملازمین اور آسٹریلیائی بزنس نمبر نیو ساؤتھ ویلز میں رجسٹرڈ ہو کاروبار بنیادی طور پر نیو ساؤتھ ویلز میں کام کررہا ہو ۔
. مہمان نوازی اور سیاحت امدادی گرانٹ ۔یہ گرانٹ سیاحت یا مہمان نوازیسے وابستہ کاروبار کے لئے دستیاب ہے جس کا کاروبار پچھتر ہزار ڈالر سالانہ سے زیادہ ہے اور اس سال یکم جولائی تک آسٹریلیا میں سالانہ اجرت دس ملین ڈالرسے کم ہے۔
اعلان کردہ پیکیج کے دیگر اہم نکات یہ ہیں
ڈائن اینڈ ڈسکور واؤچر اہل اور رجسٹرڈ ڈائن بزنس سے ٹیک وے کے لئے استعمال ہوسکیں گے
ریستوراں یا کیفے کے ذریعہ گھر تک براہ راست فراہمی کو ترجیح حاصل ہوگی
کھانا کسی بھی کھانے کے مرکز سے اٹھایا جاسکتا ہے لیکن کیو آر کوڈ کے ساتھ چیک ان کرنا ضروری ہے۔ ڈائن اینڈ ڈسکور واؤچرز کسی اور فرد کے آڈر کے لئے استعمال نہیں کر سکتے۔
ڈائن اینڈ ڈسکور واؤچر م کی معیاد میں اکتیس اگست تک توسیع کردی گئی ہے
چھوٹے کاروباری معاونت کی گرانٹ اور ڈائن اینڈ ڈسکور پروگرام میں تبدیلی کے بارے میں مزید معلومات سروس این ایس ڈبلیو ویب سائٹ پر جلد ہی دستیاب ہوگی
Everyone living in Greater Sydney, Blue Mountains,Shellharbour, Central Coast and Wollongong must stay at home until midnight on 9 July. Source: NSW Health
A closed sign is seen on a business at Newport beach, on Sydneys northern beaches. Source: (AAP Image/Dan Himbrechts)
- How to Bookmark SBS URDU's website or make it your home page
- SBS Urdu is broadcast every Wednesday and Sunday at 6 PM (AEST)
- How to Listen
- COVID 19 Latest Updates in Urdu
- Install “SBS Radio” mobile app
