کووڈ ۱۹ کی پابندیوں میں نرمی کے بعد ایس بی ایس اردو نے اس بار سڈنی اور میلبورن سے مشترکہ عید شو کی میزبانی کی۔ اس فیس بُک لائیو شو میں لیجنڈری فنکارہ عظمیٰ گیلانی اور آسٹریلیا کی پہلی خاتون مسلم سنیٹر مہرین فاروقی نے شرکت کی۔ ڈاکٹر مہرین فاروقی کا کہنا تھا کہ عید پر ان کو پاکستان کی عید سب سے ذیادہ یاد آتی ہے جبکہ عظمیٰ گیلانی نے اپنی عید کے زمانے کا نقشہ کھنچتے ہوئے بتایا کہ عید نہ صرف محبتوں کو بڑھانے کا سبب بنتی ہے بلکہ اچانک عید کا چاند نکلنے کی خبر اور پھر مہندی لگانے سے لے کر عید کے کپڑوں کی نوک پلک سنوارنے تک کی تیاری کس طرح اس تہوار میں رنگ بھرتی ہے۔
ایس بی ایس ریڈیو اور اردو پروگرام کی اہمیت پر بات کرتے ہوئے سنیٹر فاروقی نے اسے ایسے آسٹریلیا کی ضرورت قرار دیا جہاں تیس فیصد آبادی بیرونِ ملک پیدا ہوئی۔ دونوں مہمانوں نے ایس بی ایس اردو سے اپنے پرانے رشتے اور تعلق کو یاد کرتے ہوئے اس کے کردار کو سراہا۔ عظمیٰ گیلانی کا کہنا تھا کہ ریڈیو کے مائیکرفون سے ہی ان کا میڈیا سے پہلا رشتہ بنا۔
مہرین فاروقی اور عظمیٰ گیلانی نے اپنے دسترخوانوں پر عید کے خصوصی پکوانون کی بات کی اور عیدی، اور مہندی کو عید کی روائیت کا حُسن قرار دیا۔
ایس بی ایس کے سڈنی اور میلبورن اسٹوڈیوز سے مشترکہ فیس بکُ لائیو شو کی میزبانی ایکزیگیٹیو پروڈیسر ریحان علوی نے کی جبکہ میلبورن اسٹوڈیو سے پروڈیوسر وردہ وقار نے بھی مہمانوں سے سوالات کئے۔
پوڈکاسٹ اپنے پسندیدہ پوڈ کاسٹ پلیٹ فارم سے سنئے
- Spotify Podcast, Apple Podcasts, Google Podcast, Stitcher Podcast
- کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو کو اپنا ہوم پیج بنائیں۔
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
