’میں اپنے خاندان کے ساتھ آسٹریلیا پہنچ گئی مگر کابل ائیرپورٹ پر افراتفری میں والد بچھڑ گئے‘

کابل میں طالبان حکومت کے دوسرے دن بین الاقوامی ہوائی اڈے کے آس پاس ہزاروں افراد کی بھیڑ جمع ہو رہی تھی ہجوم میں شامل بہت سے افراد بغیر دستاویزات کے تھے۔ اسی بھیڑ اور دھکم پیل میں آسٹریلین شہری ایمان اپنے خاندان کے چھ افراد کے ساتھ آخری چیک پوسٹ سے ہوائی اڈے میں داخل ہونے میں کامیاب ہو گئیں مگر اسی لمحے شدید فائیرنگ اور افراتفری میں ان کے والد ہجوم کے ریلے میں باہر رہ گئے۔ایمان اپنے والد کی آسٹریلیا آنے کی منتظر ہیں۔