"مارڈی گرا" فرانسیسی لفظ ہے جس کہ معنی " فربہ منگل" ہیں۔ روایتی طور پر یہ عیسائی مذہب میں کرسمس کی "فاسٹنگ" سے پہلے دل کھول کر کھانے کا آخری موقع ہوتا ہے۔
دنیا بھر میں مارڈی گرا فیسٹیول منایا جاتا ہے، جن میں برازیل کے شہر، ریو ڈی جینیارو، اور امریکہ کے شہر نیو اورلینز کے فیسٹیول کو نمایاں شہرت حاصل ہے۔
لیکن سڈنی کی سالانہ پیریڈ دیگر شہروں میں ہونے والی پیریڈ سے ذرا مختلف ہے۔
اس تقریب کو نہ صرف ایل جی بی ٹی آئی کیو پلس کمیونٹی کے لئے منایا جاتا ہے بلکہ یہ سماجی انصاف کے فروغ کے لئے بھی منائی جاتی ہے۔
آسٹریلین تاریخ
NSW police take part in the Sydney Mardi Gras parade on Oxford Street in Sydney on March 2, 2013. Source: AAP
چوبیس جون انیس سو اٹھتّر کے دن سڈنی میں ایک ریلی منعقد کی گئ جس کا مقصد، انیس سو انھتر میں نیو یارک شہر میں ہونے والے ہم جنس پرستوں کے حقوق کے سلسلے میں اسٹون وال فسادات کے دن کو منانا اور احتجاج کرنا تھا۔
سڈنی میں اس روز پولیس اور ریلی کےشرکا کے درمیان جھڑپ ہوئی اور پچھتر افراد کو گرفتار کیا گیا۔
اس کے علاوہ ہم جنس پرستی کو فروغ دینے پر ان لوگوں کو عوامی سطح پر شرمندہ بھی کیا گیا۔
واقعے کے بعد احتجاج اور گرفتاریوں کا سلسلہ کئی مہینوں تک جاری رہا۔
لیکن انیس سو اسّی میں نیو ساؤتھ ویلز حکومت کی جانب سے ہم جنس پرستوں کے حق میں قانون سازی ہوئی جس کے بعد اگلے سال تین ہزار سے زائد لوگوں نے، کسی بھی ناخوشگوار واقعے کے بغیر ایک ریلی نکالی جسے سڈنے کے عوام نے بھی قبول کیا۔
Former Prime Minister Malcolm Turnbull with Cher at the Sydney Mardi Gras. Source: Twitter: @TurnbullMalcolm
تقریباّ چالیس سال بعد اب یہ سمجھا جاتا ہے کہ ان ریلیوں اور احتجاجوں کے باعث ہی سڈنی آسٹریلیا کا مارڈی گرا کیپیٹل بنا۔
آج دنیا بھر سے ہزاروں کی تعداد میں لوگ سڈنی مارڈی گرا میں شرکت کے لئے آسٹریلیا کا رخ کرتے ہیں۔
سدرن کراس یونیورسٹی کے شعبہ سیاحت کے پروفیسر، کیون مارک ویل کا کہنا ہے کہ سڈنی پیریڈ دنیا کی دیگر پیریڈوں سے مختلف ہے۔
People carry a giant gay movement flag during the Gay Pride Parade at Copacabana beach in Rio de Janeiro, Brazil. Source: AAP
"سڈنی کی پریڈ رات میں ہوتی ہے، جبکہ امریکہ کی تقریباّ ساری تقریبات دن میں منعقد کی جاتی ہیں۔ اور چونکہ یہ رات میں ہوتی ہے تو اس کا انداز اور انفرادیت دنیا بھی سے بالکل مختلف ہوتا ہے۔ اس کے علاوہ لائٹنگ کا بھی استعمال بھی ہوتا ہے جو دنیا میں کہیں نظر نہیں آتا۔"
نیو ساؤتھ ویلز حکومت کو فیسٹیول کی مد میں اڑتیس ملین ڈالر کی کمائی ہوتی ہے جو مقامی معیشت کا حصہ بنتی ہے۔
آسٹریلیا کے قدامت پسند اور مزہبی حلقے آج بھی ہم جنس پرستی کی مخالفت کرتے ہیں۔
