ቪክቶሪያ ላይ ተጥለው ያሉት የኮሮናቫይረስ ገደቦች ከነገ ሐሙስ እኩለ ለሊት ጀምሮ ይረግባሉ

*** ከቤት ሲወጡ የፊት ጭምብል የማጥለቅ ግዴታ አይኖርም

Source: SBS Amharic

የቪክቶሪያ ተጠባባቂ ፕሪሚየር ጄምስ ሜሊኖ ሜልበርንና ሪጂናል ቪክቶሪያ ላይ ተጥለው የነበሩት የኮሮናቫይረስ ገደቦች ከነገ ሐሙስ ጁን 17 ከምሽቱ 11.59pm ጀምሮ እንደሚረግቡ ዛሬ አስታውቀዋል። 

በዚህም መሠረት፤

ማኅበራዊ

• ቤትዎ ውስጥ በየቀኑ ሁለት ጎብኚዎችዎን ሊያስተናግዱ ይችላሉ
• ከቤት ውጪ በቡድን እስከ 20 ሰዎች መሰባሰብ ይፈቀድላቸዋል

የኪሎ ሜትሮች ገደብ

• ቀደም ሲል ከመኖሪያ ቤትዎ ከ25 ኪሎ ሜትሮች ርቀው በላይ እንዳይጓዙ ተጥሎ የነበረው ገደብ ተንስቷል።
• የሜልበርን ነዋሪዎች ወደ ሪጂናል ቪክቶሪያ መጓዝ ይችላሉ።

የፊት ጭምብሎች

• በቤት ውስጥ የ1 ነጥብ 5 ሜትሮች ርቀትን ለመጠበቅ በማይቻልባቸው ሁኔታዎች ካልሆነ በስተቀር የፊት ጭምብል ለማጠለቅ ግዴታ አይኖርም።

የምግብና መስተንግዶ ሥፍራዎች

• የምግብና መስተንግዶ ግልጋሎት ሰጪዎች አንድ ሰው በሁለት ስኩየር ሜትር ርቀት ማስተናገድ ይችላሉ።

 

• አካላዊ እንቅስቃሴ ማካሄጃ፣ የቤት ውስጥ መስተንግዶ ሰጪዎች ግልጋሎቶችን መስጠት ይጀምራሉ።