ቪክቶሪያ ላይ ተጥሎ ያለው የኮሮናቫይረስ ገደብ ከዕኩለ ለሊት በኋላ ሊነሳ ነው

*** የፊት ጭምብል ማጥለቅ ግዴታዎች ላልተዋል

Source: SBS Amharic

ከዛሬ ዓርብ ፌብሪዋሪ 26 ዕኩለ ለሊት ጀምሮ ቪክቶሪያ ላይ ተጥሎ ያለው ደረጃ ሁለት የኮሮናቫይረስ ገደብ ቅድመ የገና በዓል ወደ ነበረበት ይመለሳል። 

በዚህም መሠረት፤

ማኅበራዊ

• ከቤት ለመውጣት ገደብ የለም
• በአደባባይ ለመሰባሰብ ከተለያዩ የቤተሰብ አባላት እስከ 100 ሰዎች መሰባሰብ ይችላሉ (ቁጥሩ ዕድሜያቸው ከ12 ወራት በታች የሆኑ ሕጻናትን አይጨምርም) 
• በቀን ቁጥራቸው ከ30 ያልበለጡ ሰዎች ቤትዎ መጥተው ሊጎበኝዎት ይችላሉ (ቁጥሩ ዕድሜያቸው ከ12 ወራት በታች የሆኑ ሕጻናትን አይጨምርም) የቤትዎ ጓሮ ወይም በራፍ እንደ ቤት ይቆጠራል

የፊት ጭምብሎች

• የፊት ጭምብሎችን ማጥለቅ ግድ የሚሰኙት የሕዝብ ትራንስፖርት፣ ታክሲና ሌሎች በጋራ የሚጋሯቸው የትራንስፖርት አገልግሎቶች ሲጠቀሙ፤ የአረጋውያን መጠወሪያ ተቋማት፣ ትላልቅ የችርቻሮ ሱቆች፣ የገበያ አዳራሾችና ሱፐርማርኬቶች የመሳሰሉ የቤት ውስጥ መገበያያ ሥፍራዎች

ትምህርት ቤቶች

• ትምህርት ቤቶች፣ ሙዋዕለ ሕጻናትና የጎልማሶች መማሪያዎች ክፍት ሆነው ይቀጥላሉ

ሥራ

• ከ75 ፐርሰንት ያልበለጡ ሠራተኞች በየሥራ ገበታቸው መሰማራት ይችላሉ
• ሁሉም የሥራ ሥፍራዎች የኮቨድጥንቃቄ ዕቅድ ግብር ላይ ማዋል ይጠበቅባቸዋል

የአካል እንቅስቃሴና መዝናኛዎች

• የቤት ውስጥ የአካል እንቅስቃሴና የማኅበረሰብ ስፖርት ርቀታቸውን ጠብቀው ከ50 ሰዎች ሳይበልጡ መከናወን ይችላሉ
• ከቤት ውጪ የአካል እንቅስቃሴና የማኅበረሰብ ስፖርት ርቀታቸውን ጠብቀው ከ100 ሰዎች ሳይበልጡ መከናወን ይችላሉ
• የመዋኛ፣ የእንፋሎት ክፍሎችና ምንጮች ግልጋሎቶችን አንድ ሰው በአራት ስኩየር ሜትር ርቀት መጠቀም ይቻላል

ልዩ ሥነ ሥርዓቶች

• ሠርግ በውጭና ቤት ውስጥ ሲካሄዱ ማኅበራዊ ርቀት እንደተጠበቀ ሆኖ ገደብ አይኖራቸውም፤ የዕድምተኞች ኤሌክትሮኒክ ሬኮርድ ሊያዝ ይገባል።  በግል መኖሪያዎች ሲካሄዱ ማኅበራዊ ርቀት እንደተጠበቀ ሆኖ ከ30 ዕድምተኞች ሊበልጡ አይገባም። 
• ቀብር  በውጭና ቤት ውስጥ ሲካሄዱ ማኅበራዊ ርቀት እንደተጠበቀ ሆኖ ገደብ አይኖራቸውም። የለቀስተኞች ኤሌክትሮኒክ ሬኮርድ ሊያዝ ይገባል። በግል መኖሪያዎች ሲካሄዱ ማኅበራዊ ርቀት እንደተጠበቀ ሆኖ ከ30 ዕድምተኞች ሊበልጡ አይገባም
• ቤተ እምነቶች በውጭና ቤት ውስጥ ሲካሄዱ ማኅበራዊ ርቀት እንደተጠበቀ የምዕመናን ኤሌክትሮኒክ ሬኮርድ ሊያዝ ይገባል (ሁኔታው ካልፈቀደ በወረቀት ላይ ማስፈር ግድ ይላል)