Ol lokol Pasifik komuniti, long Not Kwinslan, i bin kam tugeta wetem olgeta blong PALM Skim mo samfala ol Saot Si Aelan pipol blong Pasifik Selebresen blong 2026 long Inisfel.
Lafet ia long Inisfel i save kivim wan janis long ol niufala blong PALM Skim blong mitim ol narafala woka tu we oli blong aelan blong olgeta.
Enjoem olsem wan PasifikInoke Dreudreu
Inoke Dreudreu i blong Fiji, naoia hemi bin kam long Inisfel blong wok long saed blong fam blong banana long wan kontrak blong naen manis. SBS Pasifik blong Yumi i bin toktok wetem hem long taem we hemi bin openem ol kokonas blong dring blong olgeta we i stap. "Mifala i stap klad blong lego wok smol mo blong kam long plesia olsem wan Pasifik blong enjoem taem," hemi bin talem.
Dreudreu i wan blong olgeta ol niufala woka blong ol Pasifik Aelan kantri long Kwinslan. Bitim siksti taosan pipol blong ol Pasifik Aelan i bin ko o bin fos blong ko long Ostrelia long ol las yia blong 1800s. Fulap blong olgeta i bin wok long saed blong suka ken. Nem blong fasin ia oli bin kolem hem "Blackbirding". Be wan loa long 1901 i bin stopem fasin ia, afta, oli bin sakemaot klosap long evriwan blong olgeta we i bin stap long taem ia, be samfala nomo we kaon blong olgeta i sam taosan i bin save stap.
Tanna hemi sol blong miSonja Budd
Sonja Budd i save serem save blong hem long saed blong Saot Si Aelan famli blong hem i kobak long Tanna long Vanuatu. Wan laefblad blong olgeta ol Nauta mo Korowa pipol, hemi talem se ol famli blong hem long Ostrelia i bin mekem plante wok long Vanuatu. "Tanna hemi sol blong mi. Hemi wan samting we i wan tru samting blong mifala. Hemi aidentiti blong mifala," hemi bin talem.
Mi lavem ol difren kaen pipol we oli stap long plesiaPastor Eterei Vaele
Blong fulap pipol blong Pasifik rijon, aidentiti blong olgeta i stap fas wetem ol Jyoj. Be pasta long Kens Eterei Vaele, we hemi blong Samoa mo Niue, hemi talem se hemi bin save luk samfala lego Jyoj ia. "Wan samting nomo we yumi save mekem ia hemi blong lukaot long ol wok blong God long wan fasin blong yu wan nomo, mo tu blong lavem olgeta blong ol difren kaen kalja long plesia mo traem blong andastanem tingting blong olgeta long wanem ia relijon hemi olsem insaed long ol hat blong olgeta," hemi bin talem.
Fef, kastom mo kalja evri samting ia i stap long mak blong aidentiti blong ol Pasifika komuniti long Not Kwinslan naoia.
