[Australian Council of Trade Unions] ACTU က ဩစတြေးလျနိုင်ငံက လစာအနိမ့်ဆုံး ရရှိတဲ့ အလုပ်သမားတွေကို လုပ်အားခလစာ ၇ ရာခိုင်နှုန်း တိုးပေးသင့်တယ်လို့ တောင်းဆိုလိုက်ပါတယ်။
ကုန်စျေးနှုန်းမြင့်တက်မှုတွေနဲ့ ငွေကြေးဖောင်းပွဲမှုတွေကြောင့် အနိမ့်ဆုံး လစာရရှိကြတဲ့ လုပ်သား ၂.၆ သန်းအတွက် လစာကို တစ်နာရီမှာ တစ်ဒေါ်လာခွဲ တိုးပေးသင့်ပြီး ဒီနိုင်ငံရဲ့ အနိမ့်ဆုံးလစာက တစ်နာရီကို ၂၂.၈၈ ဒေါ်လာ ဖြစ်သင့်တယ်လို့ ပြောပါတယ်။
နိုင်ငံရဲ့ အနိမ့်ဆုံးလစာကို သတ်မှတ်ပေးတဲ့ Fair Work Commission ကို တောင်းဆိုကြတာ ဖြစ်ပြီး အဲဒီအဖွဲ့က သူတို့ရဲ့ ဆုံးဖြတ်ချက်ကို ဇွန်လမှာ ချမှတ်ပေးမှာ ဖြစ်ပါတယ်။
အကယ်၍ အေစီတီယူ သမဂ္ဂ တောင်းဆိုထားသလို လက်ရှိလုပ်အားခရဲ့ တစ်နာရီစာကို နောက်ထပ် ၁ ဒေါ်လာခွဲ တိုးပေးရင် တစ်ပတ်ကို ရနေကြနှုန်းထက် ၅၆.၈၈ ဒေါ်လာ ပိုရမှာဖြစ်ပြီး တစ်နှစ်မှာ ဒေါ်လာ ၂၉၆၅ ဒေါ်လာပိုရပြီး တစ်နှစ်စာ လုပ်အားခက စုစုပေါင်း ၄၅၃၃၇ ဖြစ်လာမှာ ဖြစ်ပါတယ်။
နားဆင်နိုင်ပါပြီ။
Share
