Justice of the Peace o JP: Sino sila at saan mahahanap sa Australia?

Sa isang punto, kakailanganin mo rin ang tulong ng Justice of the Peace o JP—maaaring para patunayan ang iyong pagkakakilanlan, magsumite ng insurance claim, o magpatibay ng legal na dokumento sa sarili mong wika. Mga sinanay na boluntaryo ang JPs na tumutulong sa komunidad upang mapanatili ang integridad ng ating legal na sistema.

JPs are authorised to act as a witness when you sign legal documents Source: Getty / ilkercelik

Key Points

• Itinalaga ang mga Justice of the Peace o JP para maging awtorisadong saksi kapag pipirma ka ng legal na dokumento o magpapakopya nito.
• Pwede kang makahanap ng JP sa lugar mo na marunong magsalita ng wika mo.
• Boluntaryo lang ang mga JP—kaya libre ang kanilang serbisyo.

LISTEN TO THE PODCAST

Justice of the Peace o JP: Sino sila at saan mahahanap sa Australia?

SBS Filipino

09:41Filipino

Ang Justice of the Peace o JP ay maaasahan sa mahahalagang sandali ng iyong buhay. Sila ang pinagkakatiwalaang tumulong sa mga legal mong dokumento.

Ang mga JP ay iginagalang na miyembro ng komunidad na dumaan sa masusing proseso bago italaga ng mga gobyerno ng estado o teritoryo. May awtoridad silang magsilbing saksi kapag pipirma ka ng legal na papeles.

Hindi sila tumatanggap ng bayad. Boluntaryo silang nagsisilbi bilang paraan ng pagbabalik sa kanilang komunidad.

I think a strong sense of social justice, fairness and equality, they're all good traits that I think I possess and they're all good traits for a JP.

Dean Beck

Sa madaling sabi, tumutulong ang mga JP sa mga legal mong dokumento.

Kadalasan, kailangan ng pirma ng JP para masigurong tunay ang iyong lagda, totoo ang impormasyong ibinigay mo, at tama ang mga kopya ng iyong dokumento.

A JP can stamp your document to certify that it is a true and correct copy of your original document. Source: Getty / StockPlanets

Hindi awtorisado ang mga JP na mag-certify ng dokumentong hindi nila pamilyar.

Hindi rin sila maaaring sumaksi sa dokumentong nakasulat sa wikang hindi nila naiintindihan. Sa ganitong kaso, hihilingin nila na humanap ka ng JP na marunong sa wika mo.

Some choose to see me because they require a JP that speaks a particular language, like Cantonese in my situation, or simply because they are in the neighbourhood where I provide my service.

Alan Leung

May mga dokumento ring hindi saklaw ng JP at nangangailangan ng Notary Public—isang legal na propesyonal na may mas malalim na kaalaman sa batas.

Hindi tulad ng JP, ang Notary Public ay naniningil ng bayad para sa kanilang serbisyo.

You must sign a stat dec in the presence of an authorised witness such as a JP. Credit: MTStock Studio/Getty Images

Sa maraming lugar, makakahanap ka ng mga JP na naka-duty sa mga Document Signing Centre (DSC) o JP signing desk.

Karaniwan itong matatagpuan sa mga library, community centre, himpilan ng pulis, at korte. Hindi na kailangan ng appointment.

You can search for a JP by location, availability, language and even name. Source: Getty / SrdjanPav

Madaling hanapin ang pinakamalapit na Document Signing Centre at ang kanilang oras ng operasyon, i-type lang ang ‘find a JP’ sa search.

Mag-subscribe o i-follow ang Australia Explained podcast para sa mga kapaki-pakinabang na impormasyon at tips sa pagsisimula ng bagong buhay sa Australia.

May tanong ka ba o may gusto kang topic na pag-usapan? Mag-email sa [e-mail].

📢 Where to Catch SBS Filipino

🔊 On Air – Tune in to SBS Filipino on radio stations across Australia, and website live stream, and TV Channel 302 from 10am to 11am AEST daily.

📲 Catch up episodes and stories – Visit sbs.com.au/filipino 

or stream on Spotify, Apple Podcasts, Youtube Podcasts, and SBS Audio app.

📣 Follow Us on Social Media – Stay updated by following us on Facebook and Instagram.